【#投保達人育成記 水喉漏水claim掂數?】
所謂「半杯水哲學」，就係同一件事你可以選擇失落或者快樂。原來屋企同一條喉漏水，claim同一份家居保，都可以有兩個唔同嘅結果！
家居保一般都唔會保障因自然損耗導致嘅損失；所以如果屋企水喉因老化漏水需要維修，家居保通常都唔會cover。不過同一情況，如果你屋企嘅漏水問題導致樓下天花滲水，鄰居要求你作出賠償，家居保入面嘅第三者責任保障就可能幫到手，你可以向保險公司索償，睇下可唔可以搞掂返鄰居個天花。不過呢個情況下，就記得要先通知保險公司，保險公司會因應情況搵第三方公證行去釐清返賠償責任；所以千祈唔好私下同對方承諾賠償安排，否則保險公司可能會拒絕賠償㗎！
#同一件事 #兩個角度 #跟住我哋 #學精啲 #費用全免 #蓋世保鑑Insurpedia
