話說自從英國政府宣佈放寬企業家移民政策後，我身邊多左一班朋友真係開始研究在英國創業的可行性。人妻先生作為烏鴉口界KOL，自然唔會講啲咩「加油，俾心機」之類的說話，我作為朋友嘅，當然第一時間淋佢地一盤冷水。叫你加油其實無成本，但你黎到英國搵朝唔得晚，我望住你，我都會唔好意思，所以與其給予廉價的正能量，我不如認認真真地給你澆點冷水，要是這樣都淋你唔熄，我諗你盤生意的存活率又會高一點。
首先，根據Enterprise Research Centre London的報告，英國的初創企業的頭三年存活率，係大約54%左右，而倫敦呢一個第三世界城市，更加係再低3.6%，即係得50%... 係架，每兩間公司就有一間過唔到第三年，而你要申請移民入籍，唔止要三年架！
話雖如此，倫敦受著「凡有的，還要加給他，叫他有餘；凡沒有的，連他所有的也要奪去」的馬太效應祝福，雖然企業夭折率是全英之冠，但也是高增長企業最密集的地區之一，始終首都還是首都，很多配套都能做得很好，企業之間的互助網絡和協同效應，能夠讓人快速成長。情況就好似大家去一間大隻佬雲集嘅健身室，一係你就好快感受到實力的差距然後放棄，一係你就同館入面嘅師兄一啪即入，不，是一拍即合，大家互相「俾啲掙扎」，操得厲害自然也大得更快。
當然，華人嘛，風水好緊要架，係咪先？有啲人自己呀媽都要叫佢死遠啲，唔好死喺屋企變凶宅搞到樓價，我諗總有朋友唔想係最凶嘅倫敦搞生意，咁有咩地方係吉位呢？有！蘇格蘭大東北，就係有61%存活率的究極福地！但我要提提你，蘇格蘭民風比較強悍，氣候亦都比較難搞，絕對係「你看見雪花飄時，我這裡雪落更深」，請大家量力而為。
如果你真係問我呢個師奶仔嘅意見，我還是會建議倫敦、曼彻斯特呢啲華人較多的城市，一來適應和照應比較容易，你住得到先講做生意啦。二來係呢度啲英文比較適合初學者，同蘇格蘭嘅朋友講英文（尤其是我本身英文都唔係勁），佢地強烈的口音，會令你懷疑對方係咪講緊英文的。最慘嘅係，佢聽得明你啲英文，但你聽唔明人地嘅，感覺上很尷尬的說。除非你好似我日常都係用身體語言「oh yes oh yes 」咁同人so deep交流，不然都真係有點難溝通耶。
咳… 說遠了，除了名副其實地「地圖炮」式的潑冷水，大家還是需要注意有那些行業是死得最快的。
第一位，係零售業，五年內的陣亡率為80%，係呀，五間死四間，因為英國網上購物很普遍，你在街上開店，競爭大之餘，租金也不能小看哦。第二位係陣亡率達六成的餐飲業，那就更加簡單，好多人識煮野食但唔代表識做生意，識做生意又唔代表識做推廣，而資金鏈一斷就會玩完，所以大家睇路啦。
對了，以上講緊嘅，只係存活率，而存活唔代表有錢賺，你睇下好鍾意作故仔屈人嘅共媒01，你就明白有啲生意，係會有人蝕住做的。在餘下存活的企業裡，有三成是每年蝕錢，另外三成是打和，最後有四成係賺錢嘅。
至於賺幾多？我勸你唔好太多幻想，英國稅好重，你賺得多交稅也是交得多，說到交稅，唉，即時咩寫文嘅心機都冇晒，無乜野我收筆返去訓覺算了。
延申閱讀：https://www.enterpriseresearch.ac.uk/…/SSBB-Report-2018-fin…
#潑人冷水到最尾淋埋自己係咩玩法
#被自己的地圖炮婊傷
#容易受傷的八婆
#要淋人先要淋自己
#大家一定要好好計劃哦
潑人冷水到最尾淋埋自己係咩玩法 在 倫敦人妻先生手記- 話說自從英國政府宣佈放寬企業家移民政策後，我 ... 的推薦與評價
話說自從英國政府宣佈放寬企業家移民政策後，我身邊多左一班朋友真係開始研究在英國創業的可行性。人妻先生作為烏鴉口界KOL， ... 潑人冷水到最尾淋埋自己係咩玩法 ... <看更多>