香港今日社論2021年04月09日(100蚊獅子頭)
https://youtu.be/zOoX2avNAcg
請各網友支持巴打台
巴打台購物網址
https://badatoy.com/shop/
巴打台Facebook
https://www.facebook.com/badatoyhk/
巴打台Youtube Channel:
https://www.youtube.com/channel/UCmc27Xd9EBFnc2QsayzA12g
----------------------------------------
明報社評
政府在毗鄰深圳的沙嶺興建「超級殯葬城」,深圳民間有反對聲音,港府則強調,數年前已因應相關意見調整計劃,務求將設施對周邊居民影響減至最低。從香港的角度,沙嶺是邊境偏遠之地,惟對深圳而言,則是繁華鬧市之旁,兩地視角不同,願景自然不一樣,港人對殯葬設施需求殷切,當局既要考慮睦鄰關係,亦要考慮社會自身需要。超級殯葬城構思早在10年前提出,當時並不存在大灣區概念,這些年深圳發展之快,同樣超乎想像。港英時代以來,政府官員都是以「區隔思維」看待深圳河邊界;時移世易,港府有必要認真研究,對於新界北邊境地區,是否要有不同的思維和願景。
蘋果頭條
日本外務省最近推出指定技術工人居住資格(SSW),歡迎海外專才到日本從事指定的14個行業,包括護理、建築、飲食等,申請者只需通過考試和語言測試,便可申請簽證在當地工作,最多可居住5年。詳情可參考日本外務省官方網站。
東方正論
抗疫逾年,中港通關陷於停頓,百業蕭條經濟插水,一橋之隔,儼然世界上最遙遠的距離。特首林鄭月娥昨日出席立法會答問大會,揚言有與中央商討恢復與內地通關的條件,並首次承認正研究擴大「回港易」措施,讓廣東省以外人士經此機制來港。問題是,回港容易通關難,香港一日無法將疫情清零,中港全面互通依然遙遙無期。
星島社論
封關一年多,港人及內地人都不能如往常地來往兩地,不過回港及來港的「限制」將會有所降低。特首林鄭月娥昨日出席行政長官答問會,透露正在籌備將「回港易」擴展至廣東以外,屆時只要有陰性病毒檢測結果,就可豁免回港的十四日檢疫。她更首次公布以類似方法推出「來港易」,讓內地人來港。據悉,政府正研究讓內地及澳門的非港人,持陰性檢測者,以每日有配額申請的做法,豁免檢疫入境香港,不過最終落實日期都要視乎疫情發展而定。
經濟社評
港府首度披露將開放邊境,讓內地人可輕易來港,有望引入一點活水提振經濟。特首林鄭月娥透露,內地港人回港免檢疫的「回港易」計劃,不僅將擴展至廣東省和澳門以外,連內地人亦可能分到名額。若這「來港易」大計僅屬單邊通關,未必非常吸引回程北上後仍需隔離的商務客、旅客,但從澳紐經驗可見,只要社區疫情受控,一方解禁終能發展至自由通關。港府可向中央爭取,讓已接種疫苗的內地人士縮短檢疫,為兩地逐漸恢復正常往來奠基鋪路。
#AI #人工智能 #報紙 #社論 #明報 #蘋果 #東方 #星島 #經濟日報 #新聞 #每日新聞 #香港 #香港新聞 #epoch #times #hk #epochtimes #ntd #習近平 #爆料 #一國兩制 #林鄭 #直播 #香港直播 #香港人 #hk #hongkongnews #hklive #hongkong #隔離區 #新聞記者 #警員 #無可疑 #網友 #領事館 #中美關係 #中美冷戰
澳門專才工作簽證 在 君子馬蘭頭 - Ivan Li 李聲揚 Facebook 的精選貼文
我的移民台灣心路歷程(中)—三大關卡
版務:其實原本想聽日先出,原本呢個時間係有篇收費專欄延播,我覺得延多一日好啲,保障返付費讀者。咁又見第一篇反應不錯,就貼埋呢篇啦下。
1. 上篇在此,自己睇 (https://bit.ly/2XgFLCY)。我強烈建議你睇。因為我好撚怕啲人唔爬文,唔知情況然後仲嚟鬧。結果上篇寫咗三千字都係前言,同鬧人。今篇真係正題
2. 再講一次(因為真係好多人唔會爬文),只係心路歷程,同經驗分享。本文冇話你聽點解我搞移民台灣(我唔介意講,但係另一課題),亦幫唔到你做決定(條命你嘅)。只能話你知當年我係點做,而其實家陣例都改咗。
3. 移民台灣,其實唔難。最難就只係落決定嗰下。真的,呢個句式你見過好多次,我都未必信,但有時真係咁。對上一次我見呢句嘢係睇Lonely Planet講旅行,其實最難就係決定去。你決定咗,打後嘅嘢就易搞。移民台灣(其實第度都係),最難,其實都係決定。你有咗決定,之後嘅嘢真係好簡單。台灣當然有佢相當老味官僚人治嘅部份,但同你最初決定嘅難度相比,濕碎。
4. 真的,根本唔難,最難係決定嗰下。然後你發現好多人根本口不對心,把口就講聽日陸沉核戰,到叫佢八折放咗層樓就當你撚化佢。喂,聽日陸沉你拎到八折仲想點?又同我講話仲有樓要供喎,喂,核戰仲供樓?我係好怕呢啲inconsistent嘅人
5. 都係快講少少我嘅歷程。我做決定係2014年。係呀,你估中咗,佔中,但冇好直接嘅關係。以前我有李照興所講嘅「香港不能離開症」(《香港酷酷》真係神書,最諷刺係李照興本人搬咗去.....北京)。我去歐洲會掛住香港,返到香港我打卡會寫「回家的感覺真好」。唔知邊年(有機會搵返)開始,我外遊係樂不思蜀,返香港我會打卡「back to shit hole」。照計同工作壓力無關,亦同我自己嘅收入呀感情狀況都無關。
6. 總之,就係嗰一年,佔中,又多人開始討論去留。然後又咁啱11月台灣移民公司嚟香港搞講座(證明,真係work的)。我見到,同太太聽完,好似都冇乜討論過,討論嘅時間唔會多過研究生日去邊食飯,就決定咗(定未聽講座已經決定?)。我地嘅共識係,香港人係CLS的。
7. 打後嘅事,十分順利。2014年尾科水畀移民顧問,搞咗間公司,搞公司戶口,匯錢入去。然後我太太2015年7月台灣居留證,留一兩星期可以拎到。但去到2016年3月佢辭工,7月左右搬咗去台灣長住,大約2017年10月拎到中華民國護照。前後你見到,由見顧問到拎到本護照,3年。但肯定可以再快啲,我只係照講我嘅情況。快手嘅,聽聞1年多啲搞掂。但,預鬆啲啦,趕住投胎咩。又核戰?核戰你仲上Facebook?諗住拎舊磨姑雲打卡?不過,怕會落閘倒係事實,結果亦係落咗閘。
8. 移民台灣三大關卡,表面最難係錢,但其實唔係。就算唔諗移民台灣嘅都知,600萬台幣嘛。其實冇耐前只係500萬,甚至唔使搞咩公司,只係放錢在台灣銀行,真係送護照畀你咁滯。亦因為佢收緊,我先的起心肝,怕佢越收越緊(你真係信蔡英文郭台銘會大開中門?信佢地不如靠自己)。(按:結果不幸言中,你係咪開始希望我最初有出呢篇文呢?但正係啲網友嘅仆街,令我出任何文前都有啲顧忌,特別係政治有關嘅文)
9. 600萬台幣,話多唔多話少唔少。但最重要係 — 你係可以拎返大部份嘅。呢點就係好多人誤會咗。你只需要一開始拎到舊錢出嚟,最後你應該可以拎返八九成(之後再解點解唔係十成)(即使而家新例:你搞盤生意三年,請台灣人。600萬台幣,至少你都拎返一半)。咁,中產兩公婆,儲到掛?儲唔到,借都借返嚟(反正之後拎得返,又聽講而家台灣都會防人咁樣忽然借錢,所以唔好臨搞先借),按樓又好,問老母拎又好,咩都好。如果點都拎唔到600萬台幣,咁,「你不如諗下自己係咪真係中產」。當然唔係中產先走到,青年創業呀,專才呀,超級有錢人一樣得,但唔係我篇文討論嘅問題。
10. 移民台灣第二個關卡,係年紀。有歧視?其實好似冇。但,小朋友,聽過服兵役未?個個講就勇武,聽到服兵役嘅,好似全部退堂鼓,我好似冇聽過有任何一個投資移民係去服兵役嘅,雖則而家啲兵役聽聞幾hea。我不做道德判斷,其實最憎人咁做。但by definition,我投資移民嘛,就梗係肥貓資本家手無叫雞之力啦,你叫我去當兵?撈啦。好消息就係,台灣服兵役只係去到36歲。唔肯定幾時計起,我理解係你拎護照時未夠36就得,但我唔肯定,畀人踢去守金門馬祖唔好寫信畀我。所以,過咗36先申請,就最平安。至於後生嘅,就……一係等,可以拎居留證先(記住,係兩樣嘢,拎居留證冇得免簽證去美國,亦冇得投票選蔡英文,或韓國瑜),一係,就使你老豆老母去。下面再解
11. 移民台灣第三個關卡,時間。絶大多數人都係聽到呢度就打消念頭。原則上,任何外人(你呀),要拎台灣護照,你點都要去台灣住一年,冇例外,你識整核彈或者有中南海情報可能例外。我呢刻都冇中華民國護照,就係因為我都冇在嗰邊住一年。所以只係我太太係公民,我唔係。佢有得投票選總統,我當然冇。點先有?第時我所謂依親過去,即係好似啲北姑嚟香港團聚咁。但一樣都要坐一年監,爭在唔使搞多次公司。呢個係十分十分重要的。好多人聽到呢度就縮。
11.5 單身嘅,就梗係要自己去住一年。咁你自己安排停薪留職或返去同老細講 「X你老母我唔撚撈啦」。兩公婆嘅,基本上一定要有一個過嗰邊。如果有一個冇返工嘅,就多數係嗰個。兩個都有嘅,就多數係人工低啲,份工受氣啲,冇咁有前途,或者返嚟都好易搵返嗰個。至於點說服你老婆你老公辭工,就不在本文討論之列。亦都聽好多人在呢度搞唔掂。
12. 咁你話,住一年?咪冇得去幾次日本?放心,台灣作為重視人權嘅國家/地區(唔好檢舉),會保障你一年去日本嘅基本人權。你一年可以出境30日,我太太當時照樣一年去幾次日本,過時過節有返香港。至於你咩23:59落機點計之類就唔好問我了。或者你選擇住兩年嘅,每年可以出境60日,但唔好夜場夢多啦我諗,當然,你嘅選擇。
13. 呀仲有,呢個好多人都漏咗。如果閣下係大陸出世身份證冇三粒星嘅,就會複雜好多。唔係我歧視,係台灣政府唔多信你,我就幫唔到你,可以慳返我餐米芝蓮三星。仲有,如果係拎外國護照嘅,即係本身美藉加藉英藉之類嘅,出奇地,都係會相當麻煩的。以上以下我講嘅,只係適用於拎BNO/特區護照香港出世嘅人。外國出世又冇外國護照嘅,唔知,研究下。澳門都跟以上規則,但萄國護照點計,唔知。而你見到,台灣提防大陸出世嘅人好正常,但真係優待港澳同胞,甚至對你好過啲洋腸。當然係有統戰理由,但,真係唔用就笨。
14. 仲仲仲仲有。仲有樣嘢,叫做良民證,要問警察(aka慈母)拎的。所以十分現實地,就唔該唔好有案底了。冇話有案底實唔得,但的確有人有案底被拒,無謂節外生滋,畢竟你真係想做義士都唔係睇呢篇文啦。同埋,要過體檢,檢乜都都唔係太肯定,因為我冇做(按:而家已做),太太有做,但我唔會拎嚟睇。聽聞都係hea hea地,但我強烈建議你去台灣做。反正平,亦都快。你在香港做,揀漏一樣又要做過又要畀針拮過,或者又要譯返做英文,唔好煩啦。我真係發現好多人係慳少少錢搞到自己麻煩的,並唔係我有錢,而係比我有錢嘅人都可以係咁。最後咪因少失大。叫你去台灣做就去台灣做啦。居然有人問我可唔可以在香港政府醫院做,我就畀張禾拉嘅相佢。大佬,你係咪戇鳩架?
15. 上文講過啲問題。國藉係冇得搞嘅,本身係大陸出世冇三粒星或者有英美澳紐護照嘅,另搵方法,可以同你研究但唔係呢度講。良民證都係冇得搞,你有案底嘅,都只能上天保祐,睇下人地受唔受你申請,但唔好問我咩案得咩案唔得了。體檢,一樣,愛莫能助,亦同我無關。叫做你唔好生梅毒架啦(係要驗呢樣,但愛滋唔使,恭喜)。
16. 三個關卡,錢,年紀,時間。年紀其實都冇得搞,一係等,一係選老母老豆過去(但其實都係要等)。錢就你自己諗,我幫唔到你討論,頂多教你按層樓或者問人借。
17. 所以講到尾,時間,亦係最多人撞牆嘅地方。就係要留低一年。個個都有唔同情況,真係不能一概而論,其實正係傾咗幾個朋友,幾個都在呢度卡住,先啟發我寫文。
18. 聽日出下一篇,最終回,其實一早寫咗。
________________________________________
19. 另外,最新情況(呢段同上一篇一樣的,睇過唔使再睇,但唔貼又有人問):講咗了,台灣改例,梗係收緊啦,等你班友趙完唱咁過癮。另一方面,又好似話「收容」香港人。隨你信唔信,我就當然唔鍾意蔡英文,但你選擇信嘅,咁你可以唔睇呢篇文。不過我認為,幾時都係自己掌握自己命運好,做乜要等佢發落?而家搞投資移民,就煩咗了。我亦都預移民顧問加價。但我仲識有朋友照樣去。都係嗰句,嫌煩嘅,唔好去咯。真係冇人迫你。而另一方面,亦有可能台灣會取消對香港嘅特別優待。咁如果當你係大陸人咁玩嘅,就煩好多了,我都可能被影響,變成「陸配」(台灣公民的大陸配偶)。唔好問我台灣會唔會,我唔知,你都唔知。所以最好都係主動出擊。
20. 另外,本人情況。結果我去咗拎良民證,成功。去咗台北做體檢,好似三百蚊港紙,又成功,冇梅毒。另外講返,要你有德國麻疹抗體的!如果我年代呢,細個只有女仔打,男仔冇打,所以要去到打多次,好似一舊水港紙。但打埋針你就可能預多一日了。
21. 驗完身後,我仲搞埋居留證。原本係要去台灣留七個工作天(佢會收咗你本護照,出唔到境的)。咁我原本係想復活節過去,但因為肺炎就冇得去了。所以而家都係未有居留證。而留意返,要拎護照,就點都要坐一年。但我個情況係叫做「依親」,因為我老婆已經係台灣公民(拎護照的),咁我個情況好似香港啲阿伯申請件北姑嚟團聚咁咯。所以我唔使又再搞一次投資移民之類。
———————
版務:收費專欄已減價。支持埃汾高質文章。
一星期三篇,$175睇到6月22號,加埋過去兩個幾月所有文章。
請去呢度訂:bit.ly/2wVXndj
課程編號填: CC01
報完會有email通知,繳費後有Login及Password
逢一三五入去 homebloggerhk.com (入到去就睇到《事先張揚》)
亦睇得返以前嘅文。一般我都係會黃昏出文嘅。
澳門專才工作簽證 在 范國威 Gary Fan Facebook 的最讚貼文
總括來說,特區政府豪擲數千億公帑大興土木,表面上好像是爲了促進經濟和改善港人居住環境,實則是要將香港改造成一個方便內地富人移居、旅遊、購物和消閒的地方,受惠的只會是大財團、大地產商和建築商。按照計劃,香港將會從一個被大片郊野、農田、綠帶等天然屏障與大陸清楚區隔,在自然生態上自給自足的城市,變成與深圳同城,進而成為整個大珠三角區的一部分。新界被城市化後,香港和大陸的邊界將變得模糊。
【特區政府自毀長城 建制權貴出賣港人】
成立了兩年的大嶼山發展諮詢委員會,早前公佈了首份工作報告,計劃把被譽爲香港後花園的大嶼山作翻天覆地的改變。建議包括大規模填海以發展住宅及商業區,開拓共14個康樂及旅遊景點,更重要的是將大嶼山和附近離島用鐵路經屯門直通内地。發展局局長陳茂波明言要將大嶼山定位爲大珠三角的運輸、物流及貿易樞紐。
正當近年一個又一個大白象工程引起社會不少反對聲音時,特區政府的基建步伐不但沒有慢下來,還有變本加厲之勢。大家不禁要問,究竟這個政府在做什麽?原來劇本早已在五年前寫好。
** 中港融合劇本早已寫好 **
2011年1月,特區政府低調公佈與廣東省及澳門政府三方簽署合作的「環珠江口宜居灣區建設重點行動計劃」,把香港、澳門、廣州、深圳、東莞、中山六個地區在交通運輸、經濟產業、社會文化等多方面融合,主要規劃如下:
1. 「綠網」:建設跨境自然保護區和生態廊道,將香港郊野公園、遠足徑、單車徑、邊境濕地、海岸公園、綠帶與内地連接。
2. 「藍網」:改造香港河套岸線,建設濱海旅遊度假中心和沿海休閒配套設施例如水上活動中心、濱水公園、廣場和長廊,以發展高增值產業及旅遊業。
3. 打造「城市客廳」,除了「維多利亞灣海濱區」,還將新建落馬洲的「生態文化區」和大澳的「文化觀光村」等旅遊消費景區。
4. 建設「新概念房產規劃區及新市鎮」及「低碳住區」,包括西九、啓德、大嶼山北和新界東北發展區。
5. 設立「便捷通關銜接」,加快跨境高速公路、高速鐵路、城際軌道等的銜接,增設及擴建口岸,並實施一地兩檢,建構「一小時生活圈」。
6. 推動三地社會服務設施共用,包括教育、社福和醫療資源互相開放、專業資格互認、專業人才流動等等。
(資料來源: 環珠江口宜居灣區建設重點行動計劃研究 www.prdbay.com)
這樣一個將爲香港地理、經濟、房屋、以至整個城市格局帶來巨變的規劃,第一階段公衆參與竟只有不足一個月的諮詢期和一個只有幾個香港學者參與的論壇,在政府和主流傳媒冷處理下草草收場,除了幾個泛民政黨和一些網民表示反對外,沒有引起社會上太多討論。事隔三年,政府在2014年1月展開第二階段公衆參與,又搞了一個沒有什麽人注意的公衆論壇。2015年2月新聞處發了一份公報,宣佈「宜居灣區研究」已經完成,綜合收到的意見一致支持宜居發展,並已適當地將公衆意見納入最後建議云云。
今次的大嶼山發展工作報告,明顯是宜居灣區計劃的延續。特區政府一如既往地低調,選擇在星期日公佈,並且無安排記者會,只透過政府新聞處發稿,果然又沒有引起什麽輿論。特首梁振英在新一份施政報告中也有提及大嶼山發展計劃,但刻意包裝成增加土地供應的一部分,隱藏了計劃背後的中港融合意圖。
** 特區政府貫徹執行政治任務 **
這個在特區政府和廣東省簽署協議之後才做的「研究」和「諮詢」,姑勿論其誠意如何,計劃其實早已執行:
1. 在社會一片反對聲中,強行通過興建一大堆昂貴但效益成疑的大型海陸空交通基建,包括港深高鐵、港珠澳大橋、機場第三條跑道,還有規劃中的蓮塘口岸和港深機場鐵路等等,想盡辦法拉近中港地理距離。並爲了做到「便捷通關銜接」,在高鐵一地兩檢問題上不惜違反基本法中禁止内地官員在港執法的明文規定,意圖打開法律缺口。
2. 無視對生態及環境造成破壞,大力發展大嶼山住宅、旅遊、及購物設施。大嶼山東面建造巨型人工島,接駁包括南丫島和長洲等離島,經過屯門高速公路和港珠澳大橋直通內地,希望將大嶼山打造成陳茂波口中粵港澳三地交匯的「明珠」,吸引内地人來港旅遊甚至居住。
3. 强行通過極富爭議的新界東北發展計劃前期撥款,被社會批評為毀人家園,破壞耕地。政府托詞解決港人居住問題,但實則上公營房屋只佔6%土地,其餘多屬低密度豪宅,被質疑是要爲深圳富人提供「後花園」、「特區中的特區」,讓内地人免簽證進入。
4. 耽誤了十多年的啓德發展用地明顯屬於宜居灣區計劃中的「低碳住區」和「維多利亞灣海濱區」,主要用作興建郵輪碼頭、酒店、體育城、水上活動中心、公園等旅遊消閒設施,用作住宅用途只有12%,而且發展密度偏低,無助解決香港日益嚴重的居住問題。
5. 早前引起爭議的尖東海濱活化計劃,社會的注意力都放在未經招標而獨得合約的新世界發展,卻沒有留意到這個耗時達三年的計劃,正正就是要把本來屬於公眾休憩的海濱公園,發展成一個為專為旅客而設的「城市客廳」。
6. 這也解釋了為何特區政府和一眾親中權貴如董建華、梁錦松,不約而同提出發展郊野公園和填海造地的言論,藉著港人因樓價太高買不到樓的苦況, 來迫使我們就範。事實上,香港現時有4000多公頃大部分遭荒置的農地和約1200公頃棕地,可容納最少一百萬人居住,根本沒有發展郊野公園和填海的迫切性。
** 最終目的是社會及文化融合 **
總括來說,特區政府豪擲數千億公帑大興土木,表面上好像是爲了促進經濟和改善港人居住環境,實則是要將香港改造成一個方便內地富人移居、旅遊、購物和消閒的地方,受惠的只會是大財團、大地產商和建築商。按照計劃,香港將會從一個被大片郊野、農田、綠帶等天然屏障與大陸清楚區隔,在自然生態上自給自足的城市,變成與深圳同城,進而成為整個大珠三角區的一部分。新界被城市化後,香港和大陸的邊界將變得模糊。
地理和經濟融合的下一步自然就是人口和文化融合,這也是整個中港融合計劃的「重中之重」。現時每日150個單程證配額,加上内地人投資移民來港定居,政府又不斷放寬及鼓勵輸入内地專才,已經令香港每年增加數以萬計的内地新移民。一旦港深同城,香港的新移民人口必有爆炸性增長。梁錦松早前接受訪問時表示,香港應可發展成爲上千萬人口的超級城市,意味香港還要容納多幾百萬新移民,難怪要移山填海了。
** 今日西藏, 明日香港 **
大量内地移民將無可避免地「溝淡」香港本地人口,就好像毗鄰的深圳,八成居民都是外來人,日常語言是普通話。香港遲早也一樣,本地語言和文化被邊緣化,電影《十年》中所描述廣東話被歧視的情況絕非危言聳聽。香港急速內地化,港人的本土意識將逐漸被削弱,香港賴以成功的自由、民主、法治、公義等核心價值也將被內地一套貪污腐敗、弄虛作假、用人唯親、慣走後門等劣質文化所取代。
更令人擔心的是,香港將會步西藏「自治區」的後塵,被中共的大規模殖民政策同化,並藉發展為名掠奪土地和各種環境資源。中共在西藏大搞鐵路基建,瘋狂開採金屬礦物,建造水力發電,又大力發展旅遊業,對生態環境造成嚴重破壞。經濟發展只為政府和商人帶來了暴利,藏民卻飽受剝削,生活比以前更坎坷。中共為了「維穩」,對西藏佛教徒進行宗教迫害,強制西藏人接受所謂愛國教育,同時取消藏語教學,意圖滅絕藏族文化信仰。當藏人對此表達不滿或抗議時,中共一概誣指為藏獨,並粗暴鎮壓和平示威。以上情境大家是否似曾相識?
**「兩制」變「一制」,香港國際金融中心地位不保 **
須知道香港之所以能成爲國際金融中心,正正在於内地所欠缺的健全制度和法治精神,給予國際投資者信心和保障。基本法中「一國兩制」的承諾,就是爲了維持香港獨特的制度和文化,免被内地侵蝕,令香港可以繼續發揮幫助中國「走出去」的角色。假若香港變成了一個普通中國城市,國際金融中心的地位勢將不保。中央千方百計要把「兩制」變「一制」,純粹基於政治需要,卻不知這樣會摧毀香港百年基業。
北京欽點的特首以及他的班子,一直忠誠地執行中央交予的政治任務。這班香港土生土長的官員在支取港人俸祿的同時,不僅沒有努力捍衛一國兩制,還要主動配合北京對香港全方位的干預,將「高度自治」雙手奉上。更可恨的是,一班市民所選出來的建制派議員竟與民爲敵,盲目支持中央和特區政府每一個損害市民利益的決定。
今年立法會選舉,大家一定要踢走保皇黨,令他們無法再出賣港人。
思言行 - 慎思敢言、以言赴行
Email: civilrenaissance@gmail.com
#思言行 #大嶼山發展諮詢委員會 #中港融合