【🌕✨中秋節快樂✨】
#中秋賞燈特約 #東京Teamlab分享
時間關係，我已經提早去左賞燈😆💡✨
如果之前錯過了深圳/澳門期間限定的TeamLab，或者真係好中意TeamLab呢個concept既，一定要去東京台場呢個〝MORI Building DIGITAL ART MUSEUM: EPSON teamLab Borderless〞美術館！
B O R D E R L E S S ～由個名就標榜出有別於傳統展館，各展館之間無限延伸，令人自自然然一個展穿梭去另一個展。佢確實無硬框框一個牆一個門去劃分，各館之間用黑暗或者高低樓層分間，連接地都會有投映藝術，整體融入感強，一開始行左入去，就似融入左呢件藝術品，到最後出黎見返陽光先覺得完結。既是走進藝術品，同時自己都係藝術品既一部分，正如teamLab所講「視點不止一個，你會成為中心，藝術作品會跟隨你產生變化」呢個concept我覺得非常新鮮，即使不為打卡，都值得去體驗下🌝✨
◆ 有打算去的話，以下有少少Tips可以比你地袋定～
1. 盡早去到！佢地11am開場，開場時間最少人！（我平日日子星期一下午到達，估唔到既 好 多 人 !! 無法想像週未到底可以迫到咩程度）
2. 一入場之後就好黑，所以預先拎定/down定場地展區圖就唔洗盲中中，入到去我試過問職員xxx點去，不過佢地英文程度有限，講唔到比我知，所以都係自己搵最好🙈
3. 我經驗係其他所有展區都唔洗排隊入，但燈泡房間一定要排隊入去，排10分鐘入去無1分鐘就會趕返你走😂sad，而且燈既顏色無pattern，有見過前面成節都係白燈 好無feel...不過有時間既人可以排多幾次，真係好靚，唔為影相 單單感受下都覺得好震撼！
4. 唔好著短裙，成地鏡好難唔走光（雖然有好醜既布裙可借，不過......都係唔好啦）
5. 最重要 最重要！！！係記住去既係邊個Teamlab😭因為宜家台場有兩個，一個係短期展覽Planet 一個係呢個永久展覽既Borderless❗️呢個係係青海站❗️前者係豐洲站😭😭😭如果似我時間無多仲去錯左 真係灰到盡頭............
◆ 現時東京台場有兩個TeamLab進行中（真忙XD）我去呢個叫Borderless，係剛剛今年6月底新鮮出爐既美術館，屬長期展館，就似一個常規美術館，買左當日門票就直接憑票入場，無限時間。另一個係似之前深圳澳門既短期展覽，買票時已經要揀好入場時間，去到要夠鐘先可以入場，無法證實但估計可能有限時/規定不准走回頭路(?! 有人知道請話我知XD)
大家去之前可以做下功課 想去邊個多啲 我就唔太建議兩個都去🙈一次去兩個應該會審美疲勞？反正無限時，寧願留耐啲慢慢睇。
有人問過我比較推薦邊個，但因為我未去過Planet個個，所以好難直接比較，但Borderless呢個美術館比一般TeamLab展覽大，佔地有成10,000㎡，分成5個空間，備有520部電腦及470部投映機，令人置身純數位世界中，共有50多款唔同既展示場面，真係好夠睇又好夠玩😂仲保證不限時...
如果只去一個，我會揀呢個。
// 📷 #teamlabBorderless #東京 , #日本 //
More⚋⚋⚋✍ #cciiinTokyo #cciiinJapan
==============================
【更快更新】
📍IG：www.instagram.com/cconvoyage
📍吃貨這邊：www.instagram.com/loveatcc
【更多圖/文】
📍MySite：www.cconvoyage.com
📍Facebook：旅孩手記 CConvoyage
