終於可以出街打邊爐啦！🍲
難得約齊腳打邊爐，梗係要揀間好嘅嚟安慰2個多月以來嘅first dinner😅😅 呢度比較似私房菜style，book位嘅時候預先定哂食咩㗎啦😎
.
先介紹個湯底先，有多款湯底可選，我地就揀咗招牌嘅「月．花膠雞鍋」(+$150) 同「月．冬蔭功雞鍋」🌶🌶花膠雞鍋清徹而充滿雞嘅精華，仲有花膠魚唇同成隻雞好足料！冬蔭功就食得多，要嚟打邊爐就好少，酸味重啲但愈食愈濃味，配上醃好嘅雞件，啱哂重口味嘅我哋😆😆
.
講返配料，當日就有5款時令海鮮包括鮑魚、大蝦、象拔蚌等，仲有手切肥牛、西班牙黑毛豬腩片、手打墨魚丸、自家製餃子、炸厚切午餐肉、炸魚皮、什菜籃🥬🧺 咁多野食都係$420/位，而且樣樣都好高質👍🏻👍🏻 海鮮新鮮不在話下，個墨魚丸好正🦑 超大粒，好彈牙爽口，仲食到粒粒墨魚，食過最好食嘅墨魚丸！冬蔭湯底襯哂炸魚皮，脆到索索聲㗎！午餐肉厚切再炸，惹味到癡線！
.
題外話，呢度除咗打邊爐都有做埋西餐！聽好多朋友介紹薯條好好食🍟🍟 果然同傳聞一樣咁好食，手切粗薯條連少少薯皮，配埋黑松露沙律醬😋😋 最好就係可以Free Corkage，啱哂我地班酒鬼🍻🍻🍻(好食指數:9/10)
.
月
太子大南街124號地舖
#太子foodsearchers #火鍋foodsearchers
火鍋foodsearchers 在 Foodsearchers - Facebook 的推薦與評價
... #FS吃世界系列由掃街食到Fine Dine . [email protected] Instagram |. ... 銅鑼灣利園區匯聚多家高級餐廳及人氣食肆，由精緻和牛美食到火鍋控必到嘅放題火鍋 ... ... <看更多>