就快開學，其中一位好姊妹喺暑假前合約啱啱完咗，而依家阿囡準備開學，煩惱緊究竟揾返份工好，定係專心一意湊女好。
佢問我：「我好忐忑，一方面想放更多時間陪住個女成長，另一方面又捨不得放下自己嘅事業，其實老公有暗示叫我揾工，但我一返咗工咁邊個湊個女？同時我又唔想攤大手板問老公攞錢囉……點揀好？🤷🏻♀️」
女人嘛，在家庭裡都需要存在感，滿足感同實質價值。所謂實質價值，即係你有冇每月「奉獻」俾屋企，我用自己嘅小小嘅經歷打個譬如俾姊妹知……年幾前一句西文都唔識嘅我，拖著6大喼行李就跟老公越洋到阿根廷。經過了悲極嘅第一個月，我同自己講，縱使喺嗰度冇人聽得明我講嘢（英文）我又唔明佢哋噏乜（西班牙文），我老虎蟹點都要對呢頭家作出多少貢獻，無論賺多賺少，哪怕得嗰幾舊水！於是我特登去華人超市買餸，一次生兩次熟，第三次我就厚著臉皮問：「請問貴店請新手嗎？👉👈」事頭婆愕然回問：「你在Recoleta住嗎？（Recoleta係阿根廷首都的有錢人區）看你應該都不缺錢的，為什麼跑到這裡來找工作？」（利申：為咗唔想動用老公份糧，我每日都計住唔可以用多過500披索）事頭婆話欣賞我骨頭硬，可俾我試工：「嗱，每日朝7晚10，中午呢有3小時休市唔計糧……」
我對自己嘅事業重燃希望😃興高采烈買咗塊肉眼扒🥩等意佬放工返嚟報喜訊佢知。
🙎♂️：「你唔係話有好消息話我知咩？」
👩🏻🍳：「係啊！我今日揾到份工喇🎉」
😳：「你一句西文都唔識，咩工咁緊要？」
🙎♀️：「收銀」
有人呆咗幾秒，連鋸緊扒嗰把刀🔪都跌埋落地😓
👉👈：「不過呢，事頭婆話如果同客真係溝通唔到呢，我可以幫手執貨喎。」
🤦🏻♂️：「咁人工呢？」
😅：「每個鐘百幾蚊披索（即係港幣廿幾蚊左右）……」
我諗當刻嘅意佬，已經俾我激到佢反眼反到上天靈蓋🙄🙄🙄🙄🙄
可能呢股氣，呢份誓不做貴(廢)婦嘅骨氣令我實有形於杜拉格斯變咗身後嗰團火。於是乎意佬第二日放工返嚟，語重心長咁同我講：「我哋得兩公婆，我一個人揾錢真係唔會餓親你嫁喎，但既然你咁想為個家付出，我欣賞亦支持你，我幫你打探揾到間口碑好好嘅語言學校，趁喺南美洲，你學好西文，將來若仍然要去其他講西文國家接工程，咁我哋就少一個障礙，你甚至可能揾到份冇咁辛苦嘅工，都算係幫到屋企啦。」
意佬曲到直嘅理論令我嘆為觀止之外，更令我哭笑不得，心諗：「仲嚟南美洲？！幾時先捨得停落嚟啊大佬？」
從此我就同西班牙文搭上了。
雖然我最終冇踏入收銀行列，但自此意佬比起以前買嘢俾我買得更疏爽🤣因為佢知道我堅持女性經濟獨立嘅原則，只係我哋一直漂流異地，未免有時身不由己而已。
維繫婚姻的博弈，千萬別將小朋友的成長放到無限大。誰說小朋友成長過程中因沒有媽媽全職的陪伴而長大後變得叛逆或行為怪異？重質不重量，君不見全天候24/7的全職媽媽一定會鍊成一個品學兼優的孩子。
然而，小孩子總有長大成人嘅一日，到時有毛有翼識飛時，剩下的會係邊個陪伴你？所以我同好姊妹講，盡量都要揾返份工，揾得少啲唔緊要，哪怕只得幾千蚊月薪，亦都係你勞動所得，價值體現。更重要係俾另一半知道，我嫁給你不是因為要你養我，我可以好獨立，包括經濟上，但因為愛，我們互相扶持一起走到老。
好姊妹聽過我嘅故仔後好振奮，話要積極揾工，仲多謝我陪佢煲咗個深宵電話粥，亦幫咗佢好多。
我區區一個仍沿著赤道流浪嘅背包客，估唔到我嘅故仔可以幫到人，聽到佢咁講我都有啲自high😆。
呢個暑假實在漫長得可怕，暑假後嘅路仍然好長，媽們大家加油啊！💪
#流浪日常
#喺烏拉圭機場滯留12個鐘已係等閒事
#婚姻的博弈
#女人的骨氣
為什麼叫赤道原則 在 立法委員陳椒華- 【台灣金融業赤道原則前進一小步】... 的推薦與評價
我散佈什麼不實言論? 我影響公司那年考績成績? 我造成那年那位同事的績效獎金損失? 為何不敢公佈被告林芳村、練光廣102年7月到命案日出勤資料? 背告劉滋涼、黄鴻藻在賢股 ... ... <看更多>