大家好！我的第2本食譜書「電飯煲料理」，這兩天就要出版啦！🎉🎉🎉
這本書由我懷孕開始寫作，到肚子8個大時連續拍攝了4天，直至現在Natalie已經3個月大，終於要出世了！一路走來，感覺是就像懷着雙胞胎的小寶貝要出來了！～～
感謝出版社海濱食譜seashore對我的支持，還有小編Connie的信任和體貼，將這本書照顧得這樣好、這樣美！
這本書是為生活忙碌的上班一族而寫，提供1煲1飯1餸的食譜，令遲遲放工的大家也能煮出美味住家飯！🙏🙏希望大家會多多支持🙏🙏
[最新食譜──電飯煲料理]
#Missta新書出咗啦 #Missta愛下廚 #無呃你真係用電飯煲煮倒 #大眾書局最快最齊
千呼萬喚，人氣blogger Missta嘅新書終於出版啦🎉🎉🎉
Missta今次特別為我哋設計咗一系列簡易又好味的電飯煲食譜，懶人、忙人、無飯夫妻只要跟住做，就可以輕鬆煮出住家飯！
食譜最特別嘅地方，係一煲即食的套餐食譜，利用上蒸餸下煮粥粉麵飯的方法，等你可以一次過就煮好飯同餸，方便一、二人的小家庭即時開飯，而且菜式唔係傳統嘅蒸排骨配白飯，而係香草乳酪三文魚配煙肉卡邦尼意粉、蒸海鮮配南瓜蛋花粥、芝麻醬雞槌配日式五目炊飯等等，聽倒都想試呢！
除咗套餐之外，用電飯煲仲可以整好多嘢食o架，例如芝士煙肉風琴焗薯、法式蛋餅、西班牙海鮮飯、拿破崙千層麵、韓式燉牛助條、照燒鯖魚、香料鹽焗蝦、玫瑰蘋果牛油蛋糕、法式紅酒煮梨、果醬……真係數之不盡，無呃你，真係用電飯煲就煮倒，大家快啲跟住Missta試下啦！
