#講下WFH
先戴頭罩，公關仔感恩有得WFH。
雖說公關就係24X7的工作，要做起野上嚟就係咁。但講真，WFH都有啲個人覺得唔係幾好嘅現象，講出嚟大家研究下。
第一，老細們明明平日係公司係唔會理你哋做乜，出咗去定係公司瞓，都唔會理。睇數之嘛！但家陣呢，打電話嚟聽唔切，或者唔記得較返響機就出事啦！話說有次係洗手間辦大事，你知啦，呢件事對於痾屎界KOL嚟講真係好大件事。外邊電話響，真係抆屎都抆唔切啦！出到去回電，老細第一句就問：「你落咗街呀！」並多次係電話同tele-con裡重申：最好我打俾你哋即時搵到人啦！我明我明，老細見唔到個人就好多野諗嘅！但其實你估我哋平日係公司無吞泡咩？即使WFH，都總有啲時間會行開行埋嘅好唔好？
至於客戶們，當然繼續大L晒啦！但係由於WFH，佢哋係比平時更加無辦公時間嘅concept。試過客戶星期日朝打嚟叫報價，夜晚就問點解仲未有。
「因為今日星期日呀，contractor無開工。」
「WFH啲野都係晒屋企架啦，又會報唔到嘅！」
喂呀，唔係有同無，係做定唔做嘅問題！人哋唔開工我又吹得佢漲嘅！
當然，夜晚十點十一點打嚟，或朝早七點幾嘅call同email都係有啦！最妙係咩？9半開工打返過去，阿客係會同你講：「你咁晏先起身呀！」超，你話之我無瞓啫！辦公時間係9點半，9點半呀！
其實都係一句講晒，無論係唔係WFH，你個員工唔自律都吹佢唔漲架啦！但麻煩老細阿客你都自律一點，WFH唔係變咗你想幾時駛人做野就幾時囉！
有event做趕頭趕命就話啫，家陣做緊contingency plan嘅contingency plan嘅時候，relax！你玩死我哋班公關仔嘅時候，同樣你都係玩死緊你自己。
何必互相傷害呢？
大家WFH又點?
#無咩事我出返去ZOOMMeeting先 #一日咁多telecon係咩玩法
