Search
【 因為擁有愛，所以值得被愛。】
#媽媽有感 #睇個電視節目都咁多嘢諗
呢幾日喺度睇一個內地節目 #女兒們的男朋友 ， 本來抱住睇下啲爸爸點樣呷醋嘅心態撳入去， 睇咗3集，發現有太多嘢值得反思。。。
當見到秦沛個女 #姜麗文 ，發現真係一個好sweet好值得被愛嘅女仔， 一切係源於原生家庭給予足夠嘅愛， 令佢可以凡事感恩，凡事相信， 因為擁有愛所以值得被愛。
其中一位節目主持王子文講得好啱，仔女之所以能夠好獨立， 係逼出嚟嘅， 因為冇人關心 所以唔再需要被關心。
作為一個媽媽，究竟我希望能小姐長大成為一個點樣嘅人? 我希望佢可以充滿愛，佢唔需要好獨立強悍，只需要擁有值得被愛嘅條件， 因為咁先可以接近幸福。
今日起，希望可以每一日提醒自己，好好用愛包圍女女， 包括：包容、接納、體諒、分享， 做自己女兒最好嘅朋友！
#深夜煲劇時間 #無啦啦感受好深 #媽媽通病 #想太多 #其實我唔敢幻想第二時個女有男朋友會點
心悅是一間殮葬商的生命頌禮司，工作除了協助逝者家屬策劃喪禮，在喪禮的過程中透過家屬所想的儀式為離去的生命頌禮，追憶生命，「喺過程睇佢哋（家屬）需要係咩，然後我哋有咩方法彰顯到離開咗生命嘅故事，然後可以令到呢個家庭延續佢嘅愛，同時抒發傷感。」
「生命頌禮就係Life Celebration，生命其實好值得去慶祝，生前可以慶祝，死後又可以慶祝。」一條生命離去，總有人會感到傷痛，有甚麼好慶祝的地方？心悅說，喪禮有笑，也可以有淚，「笑嘅地方係，我曾經同佢有一啲好深刻嘅回憶，可能係生活好瑣碎嘅片段都可以，籍住分享，其實大家都慶祝，曾經我同呢個人走過呢啲路，今日佢走到盡到啦，我們回想嘅時候，曾經相處都有值得高興嘅事。」
因此除了替喪禮張羅外，心悅很多時也會與家屬談到逝者的故事。「其實喺傾談嘅過程，好多時家人都係回顧緊佢嘅生命，當然回顧中有落淚、有不捨得，但對佢哋嚟講係抒發咗好多好混亂嘅感受，而將佢哋嘅焦點，從處理喪禮搬到，其實我哋都要處理你嘅感受。」心悅指她的工作是協助處理喪禮的實務工作，但情緒上就需要家屬自己處理，「但喺過程中我哋會陪住你。」
人生中有喜恕哀樂，因此家屬回顧逝者生命時，都不會只得快樂的回憶，「（家屬）都可以講佢唔好嘅嘢，但今日唔好嘅嘢，其實係一個轉化，當我們再提嘅時候，其實都可以放低。」因此她的工作經常提到「道愛、道謝、道歉、道別」，就是希望在最後一刻送別的時候，去為親人做一個最完滿的送別。
心悅認為在送別時道歉很重要，因為在最後一次面對那人時，如果都未放下，之後要處理的時間會再漫長多一點。她也明白不是每件事都很容易放下，但重點是要顧及情緒，「情緒從無得到正視，主要係成個社會文化問題，因為情緒係大家很怕的一件事。」
因此她覺得透過喪禮，親友可以一起去擁抱與分享情緒，也藉此告訴對方，「你有嘅情緒我都有，同埋你有情緒、你喊緊嗰陣，你唔係自己一個孤伶伶咁喊，我喺你側邊，你有我，我又有你。」
喪禮中有很多集俗與儀式其實也充滿心思，但心悅指若參加者忽視了背後的意義就會令環節流於表面，她以吉儀為例，指內裏硬幣原本是感謝親友來喪禮，給對方乘車走，糖果則是希望對方在送別的難過有一點甜，但很多人會說要盡快用盡那硬幣及糖果，像是很害怕如把它們帶回家會有不好的事情發生，「其實都幾得意，呢個原本係用嚟多謝你，同埋令你有啲開心，但最後演變出嚟係不可以帶返屋企。」
心悅指死亡經常都會有這種渲染，也令她反思死亡是否真的如此壞。「死亡固然唔係我哋想面對嘅嘢，因為分離嘅痛真係好痛，但死亡裏嘅祝福唔係消失咗，個祝福就係有個家人過身，我哋去團聚去表達對佢嘅愛，我哋要好好送別佢，我哋仍是一家人。」
她形容生命頌禮是一份禮物，而送一份好的禮物不一定要高級的安排，「嗰種好唔係要外表好，而係全家人好真，可以好真咁覺得佢唔好，可以好真咁唔捨得佢，呢啲係好感動。」她認為一個喪禮沒有人的真實情感是不行的，「死亡唔一定只有黑色，唔一定只有白色，都可以好溫暖。」
香港教育大學（教大）宗教教育與心靈教育中心，與華人永遠墳場管理委員會（華永會）共同舉辦大型生命教育項目「終‧生‧大事」，其中「『回想生命的喜悅』生命教育多媒體創作比賽」正徵集相關照片及微電影，期望參加者在創作過程中，能重新思想生活中快樂的片段。比賽附設免費公開講座，由專家就生命教育作分享，並由專業拍攝團隊分享攝影及拍照的入門技巧。
好耐無同家姐一齊唱cover啦～ 我哋一齊睇完 Frozen 2之後特別鍾意呢首歌 帶有好深入既感受 每次聽都會起雞皮！希望你哋會鍾意呢個duet版本啦～❤️
It's been such a long time since my sister and I worked on a cover together! Ever since we watched Frozen 2, we both fell in love with this particular song. This song gave both of us chills every time we listen to it! Hope you guys enjoy this duet version cover! ❤️
Original: Frozen 2 "Show Yourself"
Cover by Claudia Koh and Karen Koh
Vocal editing and mixing: Claudia Koh @claudia.koh
Film and video editing: Karen Koh @karenkoh.art
I do not own the rights to this backing track music.
#frozen2 #showyourself #intotheunknown
飼養寵物是一生的承諾，但今集《港。故》的主角即使愛心爆棚，都無法對照顧的狗狗許下此誓言。
酷愛動物的Cynthia，家裏最高峰時曾同時飼養七隻貓，並視寵物為心靈伴侶。在大約3年前退休後，一次偶然的機會參與導盲犬協會的講座，自覺條件適合成為犬隻的寄養家庭，於是申請並義務讓受訓中的導盲犬在自己家寄宿，照顧狗狗的起居飲食。
帶訓練犬出街 卻被拒入公共場所
作為寄養家庭，Cynthia也要帶狗狗出街做社會化訓練，「基本上我去邊，佢就係我嘅影子，就跟住我去。」當中包括乘坐公共交通工具，以及去一些公共場所，但因為Cynthia所照顧的狗狗仍未是正式的導盲犬，因此即使法例容許導盲犬進入任何公眾地方，她也曾被拒絕進入。
「呢個係難受嘅，隻狗都知佢係被拒絕，佢哋嘅反應或者神情會話你知佢係唔開心。」Cynthia解釋指訓練也是為視障人士而做，「隻狗狗見識多啲，將來同視障主人出街就會淡定啲。我係一個健視嘅人，帶導盲犬出街困難都咁大，何況一個視障人士呢？」
她指訓練犬比寵物犬更聽話，牠們出街時會穿起背心，一旦穿上時牠們就知自己是工作的狀態，會十分鎮定。Cynthia表示理解有些朋友的確是不喜歡、甚至怕動物，但認為在安排上可以達至雙贏，例如食肆可安排較少人的位置予訓練犬。她指近年社會對導盲犬接受程度比以往好，惟對訓練犬有改進空間。
曾照顧導盲犬近兩年 關係近「人狗合一」
Cynthia如此有經驗，是因為除了現在的Oscar外，之前也照顧過另一隻導盲犬Ginny，而他們當時的相處時間，比一般寄養家庭的半年至九個月長，因為Ginny品種優良，成為了協會的「種犬」。
「Ginny成個準備懷孕至佢生產嘅過程，協會都畀我參與，因為Ginny同我嘅交流係好強，如果我走開咗，佢會搵我，所以喺生嗰陣我都要喺度，過程係好感動。」Ginny最後生了七隻小狗，小生命與媽媽在Cynthia家生活了兩個月，對Cynthia而言，是難得而深刻的經驗。
Cynthia形容與Ginny關係親密得「人狗合一」，「我廿四小時都係同佢一齊，係形影不離，呢份感情係慢慢建立，所以我哋感情係好深，有時候一個眼神，或者一個動作佢已經知我想點。」
愛犬終要離開 忍痛說再見
Ginny生產後，Cynthia怕牠太辛苦，曾問可否不讓牠做導盲犬，「(協會)導師同我講不如畀Ginny自己揀，Ginny真係自己揀咗工作，佢第一次見未來主人(視障者)，一見鍾情，好開心咁主動搵主人，好開心咁上導盲鞍。」
Cynthia也親身體會過Ginny的變化，指牠短暫去完新主人住處後回家，「我開門畀佢，話『你返嚟啦』，佢直行唔理我，我覺得佢知我呢度係臨時，會知道呢個媽媽(視障者)就是自己要嘅媽媽，需要照顧佢，因為Ginny喺我度係我照顧佢，但去咗新主人度係Ginny照顧媽媽。」
由「人狗合一」到要說再見，Cynthia坦言有不開心，「經歷實在太多，所以係唔捨得，真係唔捨得，但係都要放手。我哋做寄養家庭，第一日已經知道有呢一日。」話雖如此，但人非草木，即使Ginny已離開一段時間，「好似個女嫁咗出去咁。」Cynthia說着也不禁哭了起來。
不需要擁有 只要你活得好
幸而Ginny「嫁」得一個好人家，Cynthia說新主人Joanne與「愛女」是「絕佳的伴侶」，「我唔需要擁有佢(Ginny)，我知道新媽媽錫佢、而家安好已經足夠，同埋佢係工作犬，佢最後都要做佢嘅工作，所以唔需要擁有。」Cynthia也與Joanne成為朋友，現在也有機會與Ginny一起玩。
抹乾眼淚，Cynthia也不忘成為寄養家庭的初心，「我哋最終嘅目標就係想視障朋友拎咗導盲犬後，可以擴闊佢哋嘅世界同心靈空間。」她因此送走Ginny後，沒有想過不再做寄養家庭，很快就迎來現在照顧中的Oscar，「以前Ginny係我嘅影子，而家就變咗Oscar。」
現在Oscar已在Cynthia的照顧下生活了約半年，換言之牠在幾個月後就會離開，但她說未想到分開那一天，「到時再算，要享受每一日，知道嗰一日會嚟，但係諗都無補於事，反而用嗰啲精神每日開心同佢相處仲好。」
今集《港。故》用7分鐘，帶大家感受一下Cynthia怎樣以有限的時間，向準導盲犬付出無限的愛。
-------------
《港。故》：東網每周專題習作，講故事、講香港人的故事。
FB：http://bit.ly/oncckonggu_FB
IG：http://bit.ly/oncckonggu_IG
Youtube：http://bit.ly/oncckonggu_Youtube
