一起身好日都唔睇一次自己舊文的notification，點知睇完就又要婊態。其實呢篇文主旨並唔係話該讀者，而係話晒所有老奉要人幫你做晒所有野的末期邏輯缺乏者，咁岩你自己衝過黎，我就唔客氣啦。（雙手合十）
首先，我呢個專頁一直以來，婊人時面對最大的抗力，往往係呢種「係咪相信個個搞手都腦殘咁搞活動」。用被質疑的事件本身，去證明事件的合理性，係一件好缺乏邏輯的事情，每次見到呢啲反擊的論點，我都唔知好嬲定好笑。呢種想法的成因往往都是「權威性人格」：中國千年來從屬關係、階層性心態所形成，套陶才子的說話，叫小農DNA。就是因為大份人不喜歡自己去動腦筋，所以就信權威機構，總之人地咁大間機構點會昆你姐？其實說穿了只是懶，總之閉上眼，不要問只要信就會好了。
很不幸地，社福善慈界的信徒往往最多懶人，放生變殺生、破壞生態在香港在台灣在中國都有，個搞手腦殘嗎？信眾腦殘嗎？不說人家放生，2017年3月12日點滴是生命機構舉辦「2017年揹水一戰」，完場後一大堆未開封的飲用水被倒掉，直線抽擊瘋狂打臉仲尷尬過關家姐，一個為水籌款的機構都可以浪費飲用水，點解我要相信搞手唔會腦殘？只要你張開眼睛，有看世界時事，你會知道這世上大把壞人潛在社福界，就是專騙你這種很傻很天真的懶人。
接下來，當你問我「有什麼方法可以解除問題之餘，亦幫到對方」、「會唔會比起在facebook開火更有建設性」，我只能夠講句：你真係懶、好懶、非常懶。你睇返原post入面223個留言，我223個留言都睇晒亦都回左起碼幾十個，當中我亦有在留言裡提出「可以支持當地製鞋的社企、可以捐款到無國界醫生」，你有看到嗎？沒有。為什麼你沒看到呢？因為你無睇晒所有留言。當你自己連睇晒223個留言都懶惰的時候，「建設性」三個字由你口中講出來真是發人深省。
這類人就是這樣：我自己可以懶，但你唔可以懶；我可以完全不付出，但你必須要掏心掏肺。喂呀姐，家陣我欠你架？大把學者也在研究這個範疇，該社會機構的人係咪應該要自己了解？家陣我出埋佢份糧呀？我一個月婊幾十單野，由英國小島鬧獨立婊到梵高幅畫，點跟得晒？講到尾都係一個懶字作怪。
我遠在英國已經超額完成做了我的功課，你呢？你都可以直接拎住我篇文去問對方機構架，打咁大段野黎問我，第一段已經話我「好唔負責任」，唔係質得我好過癮架咩？你咪去質下明愛囉！你，這個懶散的矯情小賤人又負左啲咩責任？你想我點？我即刻買張機票由倫敦飛去喀麥隆山區，搵返當地的疑似受助群眾，之後證明對方冇效俾你睇，先至可以婊你好冇？(拿~ 我冇講粗口呀)
最後，講開做善事，順手附上羅賓漢行動的收據，數已找，我人妻先生講得出做得到，2000蚊已經捐左出去，希望幫到這位小女孩。
#最憎人話我唔負責任
#點解責任落在我身上
#家陣欠你架
#幫你人情唔幫你道理
#有時間我落吧俾仔溝下唔好
#以後唔睇舊文notification
#收你幾錢一個鐘
#有叫過你課我金咩
#死開啦
#無架行過得閒咪鬧下你囉
#駛負責任架咩
#我唔負責任就唔會幫你hide名同留言啦
#你可以蠢但唔可以懶
#萬惡懶為首
#梁啟超講架
