【 周潤發獲浸大頒發榮譽人文學博士 】
現年66歲的「發哥」周潤發，周六（7/8）獲香港浸會大學頒授榮譽人文學博士學位，表揚他的專業成就，以及對社會的卓越貢獻。這是「發哥」繼1999年獲香港演藝學院頒授榮譽院士、2001年獲香港城市大學頒授榮譽文學博士之後，第三次獲專上教育學院頒授榮譽名銜。
從主辦單位提供的現場相片可見，一頭白髮的「發哥」身穿畢挺西裝現身會場，英氣十足，他隨後於台上致謝辭，感謝浸大頒授博士學會。「發哥」早於17歲時已為幫補家計而輟學，對此他笑言講到讀大學，母親最有先見之明。「她很有遠見，60年代帶我飄洋出海到香港（舉家從南丫島搬到九龍區），讀『香港社會大學』，當時我得10歲！」
回想當時的香港，經濟仍未起飛，大多市民都過着窮困生活，家住舊唐樓，一間屋便住了30多人。「我、家姐、細妹、外婆瞓張碌架床喺廳，亦有啲一家七、八口住一間房，走廊都有三張碌架床，環境好惡劣，對我一個鄉下仔來講，壓迫感好大。」年紀細，無法改變現實，惟有在日常生活中找樂子，「所以我成日去睇五點半公餘場，當時前座（收費）兩毫子、後座四毫子，其實套戲做乜，我只係鍾意歎冷氣。」
經過長時間薰陶，或多或少影響「發哥」的人生路，去到70年代，他決定報讀邵逸夫爵士開辦的「無綫大學」，即無綫電視與邵氏兄弟合辦的無綫電視藝員訓練班第三期，當時他不過是個18歲的青年人。入讀藝訓班一年之後畢業，自此「發哥」便日以繼夜，夜以繼日的演戲唸對白，「每日不停講，06（早上六時）開始，外景講，返到廠（繼續），連瞓覺都係講對白，九年來都係咁，你問我拍咗乜？真係唔知！」他指出，去到80年代迎來第一個事業巔峰，留在電視台的時間，比在家的機會還要多，「（當時）見到最多嘅唔係我阿媽，係鄭裕玲，日日只係唔見幾個鐘，佢係响電視台陪我最多嘅藝人。」
演罷《上海灘》（1980）許文強之後獲得超高人氣，1981年他接拍許鞍華執導的《胡越的故事》，1984年再演許導的《傾城之戀》，事業版圖漸漸由電視界轉向電影界。「發哥」說：「80年代新浪潮（導演）回流香港，1984年我入咗『電影工業』呢間大學，而呢班新浪潮導演帶畀我嘅，係以前電視台導演畀唔到我，對白亦唔使講咁多，好好彩！1986年拍咗吳宇森導演嘅《英雄本色》，打後10年都响『槍林彈雨』下過，我可以講，（當時）我開槍用嘅子彈，多過當年『一哥』（警務處處長）。」
及至1994年，「發哥」與電影公司的合約結束，他去了美國進修，1996年接拍第一套西片《血仍未冷》（The Replacement Killers／1998年上映），之後再拍《再戰邊緣》（The Corruptor／1999）和《安娜與國王》（Anna and the King／1999），惟發展未算順理。「好彩到99年，李安導演保薦我去咗北京大學，拍咗《卧虎藏龍》，一拍就拍到而家。」他總結這些年來在影圈打滾經歷的轉變，由講廣東話，到荷李活講ABC，再到中國大陸講Ji Qi Xi，適應能力如此強，是現實使然，「其實係迫出嚟，嗰陣時要搵食，响片場百幾，甚至幾百人等住你，冇得做唔到。當然，香港人畀咗好多鼓勵、包容、愛錫！仲有好多謝香港呢個地方，賦予我智慧同愛我，要多謝香港呢個地方，香港人，多謝各位！」
頒授典禮結束後，「發哥」隨即出席閉門分享環節，有大約200名浸大學生出席，惟院校方沒有安排傳媒採訪。
＊圖片由香港浸會大學提供
＊＊原文以特約記者身份刊於《眾新聞》 眾新聞
https://bit.ly/3yDbpuY
緊貼「游大東影視筆記」最新資訊：
▇ facebook專頁： 游大東【鴻鵠志－影視筆記】
▇ instagram： instagram.com/yautaitung
▇ MeWe專頁： mewe.com/p/yautaitung
▇ Telegram：https://t.me/yautaitung
▇ Medium：https://yautaitung.medium.com
（08082021）
#游大東影視筆記 #游大東 #周潤發 #香港浸會大學 #HKBU #榮譽博士 #香港 #鄭裕玲 #眾新聞 Hong Kong Baptist University 香港浸會大學
無綫電視藝員訓練班 在 無缐第12期訓練班（七/八十年代系列） - Facebook 的推薦與評價
麥皓為是無綫電視第12期藝員訓練班學員，同屆同學有劉青雲、吳啟華、陶大宇、吳君如及劉嘉玲等。 ... 曾華倩第一次登上玉郎電視封面！1983年12月6日出版。 ... <看更多>