[我看見時代的眼淚]日本黑社會青黃不接,半數成員50歲以上
Guardian 原文:Making a slow getaway: Japan's anti-yakuza laws result in cohort of ageing gangsters (https://bityl.co/3OcV)
TLDR:其實都係risk and reward。政府加強執法刑罰又重,入黑社會分分鐘電話卡都出唔到,坐完出嚟都七八十,搵邊個認你做辦事人?加上經濟不景,business model又過時,一大班廢老阻上位,根本見唔到上流空間。點吸引年輕人入行?入嘅都只會係南亞仔。
1. 日本人口老化,應該人人都知。咁當然係打擊各行各業,而yakuza(極道,其實即係「暴力團」,以下就叫黑社會)亦不例外!
2. 當然某程度上日本嘅黑社會係「合法」的,但無論合法與否,人口老化都打擊日本(甚至全世界)各行各業。你可以想像到,黃業都不例外,啲中港台同胞就富起來又有廉航,個個一年去幾次日本韓國,邊得嚟咁多純種日本妹韓國妹?亦唔好性別歧視,根本牛郎舞男鴨男妓(whatever)亦係一樣。不過呢啲留返畀友版 新田飛地 研究。我地呢度都係講返黑社會
3. 留意日本人真係十分嚴謹,連黑社會都做人口普查(香港地嗰啲頂多供強積金,有冇睇《無間道》?)。2006年已開始做普查
4. 今年嘅黑社會人口普查就震憾啦—第一次有超過一半嘅成員(51%)係50歲以上!而增長最多嘅「新力軍」,係70歲以上嘅嗰堆!
5. 固然日本極道有極長歷史,真係由德川家康統一日本講起都仲得,但呢個老年化趨勢,係好近期先出現的。2006嘅第一次黑社會人口普查,三成人係3字頭。但而家3字頭只佔14%。2字頭嘅?更少,5%。而7字頭嘅超過一成,死未
6. 原因啦喎,固然係人口老化。但仲有其他「行業獨特」嘅原因。一切都係risk and reward.Risk方面,警察加強咗執法,坐監嘅機會大增,然後坐監就年金(唔知係國民定組織嘅年金?)都冇埋。Reward呢?經濟不景,最好賺往往係旅遊業,但政府當然唔會畀黑社會有得參序。而黑社會嘅「傳統業務」,當然係式微,冇乜錢搵。唔記得睇邊套港產片講,仲收保護費?個個交租畀領展喎。領展啲場唔會有人拎盤桔入去下話?
(廣告時間:請支持Ivan Patreon 。一個月一舊水唔使,一生期三篇,開張一個月已500人訂!仲有兩篇免費試睇:https://bit.ly/31QmYj7)
7. 風險大但著數少,就好難吸引年輕人入行了。
8. 政府嘅執法,亦都令到黑社會嘅會員唔多方便—四五十年前可能冇乜所謂,但而家難搞。例如乜?你係黑社會嘅,就制裁你(哈)。冇信用卡,冇得開銀行戶口—咁點網購?唔止,買唔到保險,仲要係電話都出唔到!會死人的嘛!
9. 文章訪問咗已退休嘅老行尊,都話世界唔同啦,「好多後生仔入會一年就走」「我年代就諗住搏殺上位,有錢有靚車有女人,但而家年青人睇唔到上位嘅希望呀」哈,好似拎去各行各業世界各地都啱用。
10. 當然,除咗話人口結構唔同外,黑社會嘅會員數目亦少咗好多(唔知香港有冇呢方面嘅統計)。1960年代,講緊差不多18萬註冊會員(埃汾按:咁少?),到第一次詳細人口普查,2006年,得返一半都冇,8萬幾。而家?得返14000個註冊會員,「同我Facebook Page差不多」。仲有14000個 associate(唔識譯,駁腳?炒散?)。最大嘅當然係大家都知嘅山口組,都唔夠9000個會員。(張圖呢位仁兄就係司忍,山口組組長,80歲都嚟緊頭)
11. 當然有好多人都係冇正式入會(而家仲玩斬雞頭燒黃紙滴血咩),但聽聞香港地都幾十萬黑社會會員(維基話的),分分鐘多過全日本!
12. 仲有,日本政府加長咗刑期又係一個問題。以前啲友,真係為阿公做嘢,出冊都仲係四張幾,仲有大把世界,仲可以上位。但而家分分鐘坐完出嚟都七十,甚至終身。分分鐘當年叫你去做嘢嗰條友都死撚埋,仲講義氣?入老人院搵佢都唔知認唔認得你。大D話齋,「上屆等今屆,今屆等下屆,下屆我畀個警務處長你做!」
13. 第度唔敢講,但日本呢,傳統黑社會呢個 business model,係肯定玩完的。冇鬼唔死得人,烏蠅唔叮冇裂痕嘅蛋(Blame the victim spotted!).政府之所以夠膽大力執法,亦因為黑社會本身出現問題。首先佢地冇以前咁有錢,冇錢自然冇人睇你台戲,呢方面真係向杜琪峰嘅《黑社會》學習下(順手懷念譚炳文)。另外,黑社會亦都失民心。以前係填補咗政府嘅不足(你睇意大利亦都係),但而家多數係神憎鬼厭。民間已經唔係四十年前咁紙醉金迷,你仲去收保護費,就係啲廢老玩爛嘅business model了
14. 講返嗰位退休嘅黑社會叔父,佢都話自己感因,活到而家。但畀佢揀多次,都唔會再入黑社會。有乜謂?坐咗三次監,而家冇家庭,冇工開,亦都冇儲蓄
15. 埃汾按:實情日本黑社會有冇外勞?我講真的。去開日本都見啲便利店呀餐廳呀酒店呀多咗好多有色人種或中國人(亦有可能係台灣人)。香港黑社會都多咗好多南亞人,反正又識廣東話,機會成本又低(做任何嘢都係睇呢樣嘢),對社會又不滿,又膽正命平,唔會跑一陣就冇氣(*)。不過如果靠外勞,新一代就更加上唔到位。但可能新一代都唔多在乎,做黑社會同做便利店,可能都係shitty job,好難請人了
(*)呢,昨晚先有件,跑兩嘢就腳軟了(https://bityl.co/3OcM)。(美斯)「你埃汾好撚醒?你咪又係跑兩嘢腳軟」「所以我咪唔會去做賊咯」
———————————————————
Ivan Patreon 狼耳街華人,一星期至少三篇港美市場評點,一個月一舊水唔使,開張一個月已500人訂!仲有兩篇免費試睇:https://bit.ly/31QmYj7
——————————————————————————
[收費短片第九擊]美股科技股是否泡沫爆破?價值投資之選
課程資訊:https://homebloggerhk.com/course_detail/?code=CC009
內容:
*美股急跌點算好
*科技股係咪泡沫爆煲?
*有乜價值投資之選?
本星期內特惠售價: $80
課程編號:CC009
觀看期限:首次播放後一星期及限每影片4次
客服whatsapp: 63832145
另外想買返第八擊(美國總統大選股票部署)都仲可以:https://bityl.co/3NPn
同時也有10000部Youtube影片,追蹤數超過2,910的網紅コバにゃんチャンネル,也在其Youtube影片中提到,...
無 鬼 唔死得人 在 渾水財經Channel Facebook 的精選貼文
【畢打街閒人】力推訂閱,亦要改革(渾水)
親《蘋果》派系的作家和黃絲KOL一起為《蘋果》哀鳴,力推訂閱制,我是《蘋果》一員當然義不容辭。甚麼「無人是孤島」、「寧鳴而死,不默而生」、「喪鐘為誰敲響」、「社會責任」之類的動人說辭,我可以生成器式無限寫。是的,香港在沉淪,但這樣三不五時的道德勒索,還可以做幾多次?訂閱是第一步,但改革已是刻不容緩。大藍圖一千字是說不完,我只寫幾點改革綱領:打國際線、減內容成本和推動多元付費建立社群。
上星期我在《蘋果日報》專欄說要打國際線,朋友馮睎乾WhatsApp說我寫得好,我們談了很久,他也不停催我寫多一點。肥佬黎和民主派人士被捕又被捕,這光環是共產黨送給肥佬黎的。黃之鋒、「新學聯」和李柱銘主打政治國際線,好奇一問,為甚麼沒有媒體國際線?抗爭期大家才發現,就算連國際關係專家都沒有堅實國際線,文宣做不起來。《SCMP》近日出信說要減薪停職,其中一個無人留意的重點是他們有「450m monthly pageviews and video views」鬼佬要睇香港的英文媒體,必選《SCMP》,但它親中。
我們要問,為甚麼黃絲大台無國際媒體線,要讓話語權送給親中媒體?現在為推訂閱,肥佬已用到「社會責任」的情感道德說詞,肯付費支付的人是想要國際線,如果改成眾籌打國際,大家也樂意支持。現在是新冷戰格局,中美之間隔住了香港和台灣,肥佬黎兩邊都有業務,加上親美,怎會做不到國際線。藍圖可以好複雜,最簡單的就是抄,《SCMP》做乜,《蘋果》就是黃絲版本做一次,請幾個翻譯人員、懂英文的也不難。香港多少大學生失業啊?西方世界不論百姓、政客、智庫或學術機構都要一個媒體窗口,想想上一個冷戰費正清搞歷史、基辛格搞政治撈了幾多油水。新冷戰格局下,這些就是商機了。
《壹》要認清現實,現在推訂閱的underlying是「守護核心價值」,而不是「內容吸引好看」。付費訂閱的人也是因為價值認同才掏銀包,而不是因為《蘋果》內容做得多好。我做過一個果籽專題,5個人跟場,加我和另一訪問嘉賓,耗6小時拍攝,計上前期預備和後製,片長肯定不過10分鐘,成本何其高?
現在內容氾濫,有盈利當然不妨掏自己錢搞Netflix質素的製作,問題是冇錢嘛。跟其他內容戶合作轉載或curation,亦可以賺到點擊,尤其是要多點國際內容交流。價值放得高,也不必愁題材,從來冇鬼唔死得人,好像沙中綫醜聞、滙豐業主會、安心偷食等,當社會知《壹》仔唔怕強權,內鬼自然會報料篤灰。這些內容是送上門,不必花太多成本自家製作。港聞政治是價值需要,也合符訂閱戶的期許,財經是高價值內容,但副刊卻是可以大減。有一個肥佬黎都知的殘酷現實,《立場新聞》的影響力跟《蘋果》相若,但《蘋果》成本是一百倍高於《立場》,在商言商,《蘋果》是有很大的空間減省成本。
經濟學有一個概念叫價格分歧,大致概念是要有不同定價方式才能賺取消費者盈餘。如果用社會責任做出發點,有些消費力高一點的讀者是願意多付一點。正如中世紀贖罪券都有價格分歧,有分「全赦」、「半赦」,儀式成本相若,但價錢不一。現在《蘋果》一個價,《壹》一個價,為甚麼不能有product differentiation?訂閱、眾籌、會員制的概念相似。我求其舉個例,這大半壹週刊出了特別刊,抗爭相冊,那是賣斷市的,為甚麼不能變成訂閱的一部份,衍生另一類產品?訂閱可以分tier-1、tier-2……我不介意畀多幾百蚊收到抗爭畫冊,更不介意肺炎後多付幾百蚊,現場睇陶傑、細良late show對談。台灣有一個跟我同年的年輕朋友,他的節目叫「博恩夜夜秀」,搞政治late show,模式非常成功。訂閱制會進化或建立社群,所以產品和模式要多元。
至於付費不user-friendly、UI/UX差、不開放ad sense或facebook廣告收入和山頭主義內耗之類等,已經懶得點評,字數有限,所以我也不多說。
訂閱連結: https://s.nextmag.hk/pktLjEB2I5
https://hk.nextmgz.com/article/2_737199_0…
———
《金融經濟精神食糧》逢一、三、四出刊登專業財金分析文章,另設特別環節:每週解答觀眾問題、100萬模擬倉投資部署。
滴水穿石 改變始於一念之間:
https://prime.fortuneinsight.com/web/muddydirtywater
無 鬼 唔死得人 在 渾水財經Channel Facebook 的最佳貼文
「警察唔係大晒。」留意一下,我嘅解讀同你未必一樣
法治已死,over my deadbody,檢控易砌生豬肉,法庭裁判又一直配合。呢種模式一直都好地地,又點會無啦啦彰顯公義,俾你搵到一單警察妨礙司法公正先得㗎。
從來冇鬼唔死得人,明明球證旁證足總足協全部都係你啲人,如果咁都天網恢恢嘅話,那就一定係有內鬼督你出嚟。可能呢條友平時好乞人憎,得罪咗人唔知道,又或者踐踏左某一啲既得利益......我哋永遠唔知真相
灣仔有一間私竇都係咁,本來黑白配,持續良好交收,相安無事;但係其中一邊換咗人,舊勢力睇新勢力唔順眼,結果就有人篤灰
警察唔係大晒,係因為你嘅同僚有機會篤你出嚟。大家唔好太一廂情願,你要攞公道,只有等佢哋內鬥,由內部崩潰先至會有一絲機會,共產黨平反左好多嘢,亦都冇平反好多嘢,背後都係因為權力內鬥
———
《金融經濟精神食糧》逢一、三、四出刊登專業財金分析文章,另設特別環節:每週解答觀眾問題、100萬模擬倉投資部署。
滴水穿石 改變始於一念之間:
https://prime.fortuneinsight.com/web/muddydirtywater