[香港 尖沙咀 ]新派日本菜Susoshu - 壽司﹑蕎麥麵﹑日本酒🇯🇵 SUSOSHU以壽司、蕎麥麵同日本酒做主打，晚市套餐包11款日本新派菜式及甜品，一次過試齊呢三大元素🍣🍜🍶
.
Set Dinner($1280/位）
🥢櫻花蝦紫菜卷
🥢蟹肉甘蝦配土佐酢果凍
🥢宮城縣鮮帆立貝刺身
🥢鰹魚刺身
🥢松葉蟹肉茶碗蒸
🥢季節壽司 4貫
🥢金槍魚腹壽司
🥢海膽壽司
🥢煙燻熊本A4和牛
🥢蕎麥麵
🥢季節甜品.
.
菜式賣相精緻。我最印象深刻嘅係 #蟹肉甘蝦配土佐酢果凍，松葉蟹肉與甘蝦肉雙重鮮味，食之前將面頭嘅愛知縣食用花摘下混和蟹肉及蝦肉一齊食，食到陣陣怡人花香🌸 蟹肉本身只以海鹽調味，可以食到食材原始鮮味，特別嘅地方在於墊喺底嘅 #wasabi葉🌱，比平時磨咗嘅wasabi少咗一份攻鼻，但又有大大提鮮嘅效果😋 至於 #帆立貝 係喺日本宮城縣撈起後就即用海水洗，送到香港仍然會收縮，非常新鮮😎 當晚壽司廚師發辦有 #千葉縣金目鯛、#北海道鰤魚、#醋漬小肌、#秋刀魚，呢四款壽司都係而家時令，四款魚味都比較重，好啱我口味😚 由於食材都係日本直送，食材夠新鮮，所以基本上壽司味道一定唔會差。不過呢間係主打 #新派日本菜，我都係會期望壽司會多少少配搭及創新😅
.
#蕎麥麵 好出色，用全蕎麥粉無添加小麥粉製成，蕎麥味道突出，而且口感彈牙爽滑，好食😗 我特別欣賞湯頭用上蝦乾，鮮甜濃郁🦐 師傅建議蕎麥麵首先試下蘸蝦乾湯頭，接著加蔥試試傳統風味，最後加入少許香檸提鮮😉 每種食法都有不同風味，各有特色😌
另一道 #煙燻熊本A4和牛 同樣有驚喜，熊本和王A4和牛以蘋果木煙燻，三成熟上碟，令和牛保留嫩滑juicy嘅肉質，同時不失濃郁嘅牛味，入口還散發陣陣煙燻香氣！旁邊嘅沙律都好好食，因為師傅係用上 #有機水耕菜 以及自家製菠蘿片，非常新鮮爽甜，配以牛骨熬成嘅燒汁，更添惹味🥬
最後嘅 #星空寒天甜品 則配合「日本酒」主題🍶加入兩款 #日本清酒，酒香十足，味道不俗！我去之前睇IG一直以為呢個係富士山造型🗻，師傅糾正其實係星空主題呀，哈哈！
