我從來係一個怕狗嘅人，雖然近排冇咁怕，而見到有啲友善嘅狗仲可以行埋去同佢地傾吓計，不過，始終冇嗰啲愛狗嘅人咁，是但見到一隻狗都可以走埋去玩一大餐。
不過尋日我去咗一個地方，嗰度真係非常之狗狗友善，令我一個下晝，差唔多見盡喺香港最普遍出現嘅狗狗。
我尋日去嘅地方係南豐紗廠，嗰度地方又大又闊落，所以見到啲狗狗佢哋好開心呀，好自由。不過當我見到地面一灘灘黃色嘅流質，我就想提吓啲狗主人，隨手帶支水，稀釋下狗狗嘅排泄物啦，佢哋自己唔識打理，作為主人，你要幫下佢呀！
#何嘉麗callmegaga #何嘉麗 #出街玩
#南豐紗廠 #狗狗友善
#照顧狗狗就好似照顧BB咁
