今日真係一個好適合講故事嘅日子，想同大家講下福特平托車事件
1971年福特生產一款車pinto，車仔細細，慳油得黎又賣得平，所以一出就好好賣，掃返低當時以平見稱嘅日本車。
不過有個秘密，當時只有福特自己先知，就係因為設計問題，呢款車如果俾人係後面撞，會好容易令油箱爆裂，甚至引起爆炸。
1972年終於出事，13歲嘅理查德•格林蕭乘坐鄰居駕駛的一輛Ford Pinto牌汽車回家。汽車突然減速，被後車追尾。被撞後油箱爆炸，引起車身起火、爆炸。司機當場死亡，理查德嚴重燒傷面積達90%，不幸地失去鼻子、左耳同大部分左手。自呢次事故之後6年入面，理查德先後接受左60多次手術治療。
呢件事當然係鬧左上法庭，原告律師仲查出。第一批Pinto投產之前，福特公司兩名工程師曾經明確提出過要係油箱內安裝防震裝置，每架車因此需要增加11美元成本。但福特公司經過計算後做出決定，就係唔安裝防震裝置。
因為如果要生產呢批車，會增加成本1億3750萬美元。而假設充其量有180架Pinto車因為事故而導致死亡，另外180位死唔去重傷，2100架被燒毀。依據當時嘅普遍判例，福特公司將可能賠償每個死者20萬美元，每位燒傷者67000美元，每輛汽車損失700美元。那麼，唔安裝附加安全設施嘅情況下，可能產生嘅最大支出係4953萬美元。對比安裝油箱保護裝置所要花費嘅1億3750萬美元，福特公司決定採取了省錢的方法。
聽到呢度，大家都知最後Ford得到左一鑊好金嘅懲罰性賠償，金額當然係超過裝保護裝置所需嘅1億3750萬美元啦。
呢個故事教訓我地D咩？就係錢唔係咁搵，就算搵到幾多錢，技術同資金輸出到世界各地，只要你仲係覺得，經濟好左，搵多左錢就可以蓋過殺死嘅人，覺得呢D人應該為左發展而付出生命。如果你覺得呢件事因為你係福特做野，發左達而覺得福特咁做都係情有可原的話，你點可以怪呢個世界所有人都討厭你，唔尊重你呢？
然後仲有人會加多句，好彩我揸豐田嘅啫，福特爆炸關我鬼事咩！呢D到底係乜野人黎嘅呢?
#毋忘 #歷史 #錢買不到的東西
燒傷面積計算 在 20150713燒燙傷面積計算四肢軀幹九分法 - YouTube 的推薦與評價
... <看更多>