半晚睇完呂世浩第三部曲《敵我之間－－一場歷史的思辨之旅3》。感覺上由於都係寫秦，去到第三本已有點重覆，仲要今次主要只講兩個人物：李斯同荊軻，其實有點呃錢。
正如之前一提再提，看呂世浩的書不是要找出甚麼驚天動地的偉論，而要看他如何在零碎而不為人所重視的史料中找出新的看法，以及學習他那平易近人，能輕易讓人覺得歷史有趣且「學倒嘢」的演繹手法。
之前兩次我都曾提出過對呂思勉「史觀」嘅一D質疑，不過今次算係最嚴重，因為我認為佢對燕子丹嘅分析係幾乎錯哂咁滯。
記得以前中學雞讀中史開始，經已有一種好奇怪嘅講法係：「燕太子丹魯莽派荊軻刺殺秦王不成，反加速了燕國的滅亡」。當然，如呂思勉所言，燕太子呢個人實在太小器，念念不忘刺殺秦王其實不過係因為響咸陽做人質期間，嬴政不單不念過往舊情仲要對佢甚差。此外太子丹生性多疑、性格急躁（雖則需要他忍耐，三個月以至三年也是可以忍到，但一到關鍵時刻就會慌亂，這時最大的缺點）仍有旁證，所以佢在歷史中的評價的確是有點過譽。
不過咁唔代表太子丹收刺客刺秦王就係一定錯事，而呢個亦都係世界歷史上，眾多動機錯誤但結果正確嘅決定之一。只可惜呂世浩為左要否定太子丹嘅人格，未能免俗地要將佢所有決定都解釋成錯誤的抉擇。呂世浩響書入面引左太子丹老師鞠武嘅建議：「願太子疾遣樊將軍入匈奴以滅口，請西約參晉，南連齊楚，北購於單于，其後乃可圖也。」呢個建議前半部份遣走樊於期嫁禍匈奴尚算合理，但係憑太子丹「西約參晉，南連齊楚，北購於單于？」
佢係咩大人物，可以達成當年信陵君嘅偉業，合縱六國抗秦？如果六國真係有心團結一致，駛等你太子丹號召？所以太子丹答得好：「太傅之計曠日彌久，心 然，恐不能須臾。」真係搞到個六國聯合出黎，可能已蚊都訓。
真正有機會嘅，其實就真係只剩刺秦王一途。呂世浩話就算秦王死左，佢繼承者一定會復仇，但佢前半部份都講過，秦王最弊嘅一樣野，就係從未立太子，而且國家權威全賴佢一人維繫。你睇沙丘嬴政一死，統一天下嘅秦國幾年間之即淪為亡國，或者秦王死後嘅繼承者，真係好順利接棒然後順勢攻燕復仇，但係呢個亦係無辦法中嘅辦法，無得唔去賭下，相比之下，果Ｄ咩「寧燕秦俱亡」嘅晦氣說話，就無關重要了。
太子丹真正犯下的錯誤只有兩個，而其中一個還有商榷之處。第一個錯誤是不聽荊軻要「等埋首副」的理由，改派秦舞陽出使，結果秦舞陽到了現場後果然怕死至不能行動，令荊軻在關鍵時刻失了一個好幫手。問題是太子丹走去逼迫荊軻要盡快起行的時候已過了五個月，趙國亦被秦國攻破，軍隊已抵燕邊境。究竟荊軻個老友仲要等幾耐？如果真係唔知的話，儘早前去未嘗唔係好事。
至於另一個就真係離譜，太子丹竟然叫荊軻去到秦王面前先唔好急住殺，想效法曹沫，先逼秦王口頭交還侵略領地先。曹沫身處春秋尚且需要談禮，一來係風俗尚談禮教使然，二來係齊桓公尚需要靠仁義做霸主；秦國自戰國起不嬲有言而無信傳統，再加上吞滅六國在即，仲駛乜同你信用？呢件事有幾戇尻我諗大家都睇倒，而荊軻臨死前亦講，唔係想做呢件ON9野，嬴政一早被殺……呢個記載係出自當時響現場嘅御醫夏無且，由佢親述比董仲舒、公孫季功再轉述比司馬遷知，應無出錯。
燕子丹 在 燕子丹 的推薦與評價
View the profiles of people named 燕子丹. Join Facebook to connect with 燕子丹and others you may know. Facebook gives people the power to share and makes ... ... <看更多>