#爐都唔俾人圍
是咁的，作為一個擁有 #華人的心 嘅人妻先生，成日都會神出鬼沒咁去各個香港人在英國專頁度吹下水，圍下爐開心下。
但唔知做咩事，圍圍下爐突然俾人踢散左，勁慘慘。咁首先我都要講返一件事，也是半真半開玩笑相，香港真係一個福地，你愛信不信，氣候好、經濟好，係政治唔好咁解。如果香港真係好唔過英國加拿大，啲人97「走難」就唔會隔十年八載返黎死死氣氣搵真銀啦，對不？
又再一次，我唔明啲人個腦諗咩，申請黎英國但原來係想去加拿大，你咁想去加拿大咪直接申請囉，加拿大都有計劃俾大家移民架，做咩事要咁屈就黎英國？
更令我眼界大開的是，咩叫做「任何人攞到BC後返大灣區就是藍屍狗，六年後攞到BC去加拿大就沒有對不起英國」，「UK and Canada are part of Canzuk Family！」，即係咁，呢啲說話我同你「血濃於水」，你同我講我唔同你計較，你試下對住一個正宗英國人咁講，我想睇下佢會有咩反應。你試下interview 萬寧，然後你同HR講「我諗住做夠六年，我就跳去東方文華度做，你地都係怡和集團嘛！」我想睇下HR會有咩反應。
老華僑鍾意講「食碗面、反碗底」，呢啲精靈香港仲叻，野都未食已經諗住反人檯。我唔係話移民左黎英國就唔准走，你有交稅、政府有提供服務，大家人貨兩訖「我有俾你_架」，但我想講嘅係抱住呢種過客式跳板心態嘅人，會真的投入和守護這片土地嗎？年中幾多大陸人黎做跳板跳去美國，佢地嘅德性你地比我清楚，然後你仲話我「取笑」你地？！我駛唔駛同你講多謝你地選擇左英國作為跳板？！
唔好話咩，你試下搬去蘇格蘭同個蘇格蘭人講話「well... 其實呢，我想住倫敦架，不過依家住住蘇格蘭先囉...」我驚你未講完已經俾人扔左入桶釀威士忌，就算係一個英國，都唔係人人都妥Head of State，然後你拎加拿大同英國撈埋一齊，寡人真係笑L左。
咁嘅德性、咁嘅態度移民黎英國，肯定講唔夠十句就得罪人，然後又好慘囉、俾人歧視囉、英國人唔友善囉、取笑我地囉、二等公民囉、排華囉bla bla bla bla bla...
仲有，我冇睇youtube亦唔識任何一個youtuber，你地唔好將你地啲youtuber對號跨媒體黎入我嘅坐。我並無取笑任何一個youtuber，我取笑嘅係每一個得一想二將英國當成跳板的無恥之徒。呢啲咁嘅言論，我相信每一個鍾意英國嘅人聽到都會覺得非常刺耳，而很抱歉，英國人大部份都好鍾意英國，我恐怕未來六年，你都會繼續被我取笑。
#大家如果係移民黎融合社會
#我好歡迎
#但如果你係日日數住日子去移民加拿大嘅
#我覺得我地真係無乜嘢好講
#做人係咪要做到咁
#若你沒廝守一生的決心請不要愛上我這麼一個人
#而其實我太認真心中很記恨
#論拎BC返大灣區與去加拿大對英國的分別
#呢一種話人係藍絲嘅人
#最後咪又係坐夠六年離開英國
#殊途同歸而又薯頭同歸
#有分別咩
爐都唔俾人圍 在 爐都唔俾人圍- Explore 的推薦與評價
是咁的，作為一個擁有#華人的心 嘅人妻先生，成日都會神出鬼沒咁去各個香港人在英國專頁度吹下水，圍下爐開心下。 但唔知做咩事，圍圍下爐突然俾人踢散左，勁慘慘。 ... <看更多>