《與牧羊少年一起的一個休閑下午》
其實成日都聽到呢間牧羊少年cafe, 但真係第一次食，因為朋友為我慶生嘅關係，我又冇乜所謂，所以朋友介紹下試左呢一間cafe，又有驚喜喎。
據我所知佢有其他分店嘅，我哋今次食嘅係太子分店，交通唔算方便，地理亦有少少 「隔攝」, 位於太子深水埗石硤尾三個地鐵站嘅中心，任何一個地鐵站岀都要行5至10分鐘，不過我覺得只要係好味嘅嘢食相信再 「隔攝」大家都係會搵到😝
店面普通，但入到去別有洞天，入面原來環境好闊落，配以精緻嘅裝飾和柔和嘅燈光十分舒適，好有文青feel，和出面嘅舊區形成好大對比，好似去咗另一個地方咁，幾適合三五成群一齊閒聊聚會。而且墻上貼左好多旅行嘅相片，聽講呢間cafe係好鼓勵互相分享旅行藝術閱讀等等嘅資訊, 亦會定期舉行一啲漂書相關event，等我得閑都參加下先。
食物方面，下午茶價錢都算合理，因為平均都係$3x至＄5x一個餐，我地點左三個Tea set，但因為星期日嘅關係冇得配餐，要半價配飲品，變相貴左=_=
我地點左一口拼盤（春卷墨魚丸火腿丸等等）配薯條（$42）擺盤都靚嘅，但味道正常冇乜特別，普通打邊爐嘅材料，春卷嘅餡係蘿蔔同蔬菜，同炸薯條一樣都唔算特別出色，不會令我留下深刻印象。
我哋還點左水牛城雞翼配藍芝士醬（$52）有五隻睇起上來炸得金黃脹卜卜好飽滿，唔知出面嘅炸雞翼又乾又瘦，咬落去仲好juicy嫩滑！配埋藍芝士醬真係好惹味!
最後就係迷你窩夫($46)，我哋揀咗配香蕉朱古力味雪糕。呢個係大推，窩夫一共有兩件份量夠，雖然話迷你但其實都幾厚身，外脆內軟啱啱好，趁熱食仲出色！沾上雪糕有冰火嘅感覺👍😋令你不禁一口吃完再一口。
餐飲方面我點左雙重朱古力沙冰($44半價), 原本我以為佢好甜，但係只係微甜而且較重dark chocolate 嘅甘味, 係我鍾意嘅「大人」口味!😍 我最怕啲朱古力加勁多糖一味得個甜字，冚晒啲朱古力味。上面仲有啲朱古力脆脆，加埋啲沙冰有唔同嘅口感👍
店名：牧羊少年咖啡館
環境：8/10 （餐廳環境舒適，唯一唔好處
係唔近地鐵站，要行5-10分鐘）
服務：7/10 （上菜都算快，雖然話限時兩
個鐘，但可能冇人等過咗都冇趕我地
走）
價錢：6/10 （正常合理）
食物質素： 8/10 (今次雞翼，窩夫同埋飲
品都好有驚喜😍👍係啲薯條同一口
小食冇咁出色）
整體：7.5/10 👍下次有興趣試吓佢啲午餐/
晚餐
地址：太子白楊街27-29號嘉安大廈地下1號舖
#牧羊少年咖啡茶酒館
#thealchemistbistro
#吃貨玩樂
牧羊少年咖啡館黃藍 在 非常感謝牧羊少年咖啡館The Alchemist... - 醫管局員工陣線HA ... 的推薦與評價
1）凡於牧羊少年任何分店消費，並於結帳時出示HAEA membership card，即可享有全單7 折優惠。 2）堂食或外賣自取均可使用。 3）不能與其他優惠同時使用。 ... <看更多>