《笑話嚟講， 我覺得只有分兩種， 好笑同唔好笑》
今日100毛， 用咗一張奇洛李維斯嘅落寞生活照，配咗一句設計對白「聖誕節我已經做足準備， 準備一個人過」，我諗100毛嘅原意， 係想用奇洛李維斯呢個人物， 做單身毒撚嘅representative，100毛覺得呢個係一個笑話.....
有啲朋友， 覺得100毛竟然用奇洛李維斯既不幸， 取笑聖誕冇人陪嘅毒撚， 呢啲笑話非常低莊， 覺得100毛好仆街......
奇洛李維斯本身係一個悲劇人物， 奇洛李維斯女友為佢生咗一個女， 但出世之後夭折， 而佢女友其後亦因為車禍離世， 奇洛李維斯唯一嘅妹， 又患上白血病(其後痊癒)， 奇洛李維斯往後亦獨身一人...
其實我一向都覺得笑話係冇低莊同高雅之別，只有好笑同唔好笑兩種
我唔會企喺道德高地上， 覺得笑話唔應該涉及其他人嘅不幸， 或者笑話唔應該恥笑同貶低別人。因為有時有啲貶低他人，取笑他人不幸嘅笑話，係幾好笑。例如我哋經常都會取笑藝人嘅樣貌， 我哋會笑阿gem係時裝災難， 取笑胡鴻鈞係削骨還父， 人哋生成咁佢都唔想，我哋挖苦佢哋嘅樣貌，某程度上都好仆街同好賤格。取笑別人嘅不幸係好唔道德， 但現實係我哋經常都好唔道德地取笑他人...
咁100毛利用奇洛李維斯落幕照， 暗諷奇洛李維斯既不幸， 有冇問題呢? 我覺得最大嘅問題係， 點解香港人會連呢個笑話都覺得好笑， 香港人生活真係咁枯燥?有咩咁好笑?
100毛用一個咁唔好笑嘅笑話都引到大家笑， 我諗呢個先至係最大嘅問題，香港人對笑話嘅要求每況愈下，定香港人實在太唔開心， 連呢啲咁唔好笑嘅笑話都笑得出?
對於大家對100毛嘅指責，覺得100毛唔應該利用奇洛李維斯既不幸， 取笑聖誕冇人陪嘅毒撚，我覺得大家對100毛嘅期待未免太高...
100毛對我嚟講， 向來都係好似 英文listening integrated task咁， 左抄右抄， 而且100毛運作咗咁多年， 依然都好似Fresh grad咁， 唔識cite references，永遠求求其其提及原創者嘅名， 就以為自己冇觸犯到plagiarism嘅惡行。
100毛嘅內容就好似東華籌款節目咁， 呢一分鐘明明好友善心探訪老人， 下一分鐘又請總理玩啲鹹鹹濕濕嘅獎門人遊戲，上一個post， 仲見到100毛講香港被遺忘嘅港案， 好似好關心時事， 下一個post， 就用奇洛李維斯張落幕照取笑毒撚。
大家都唔需要對100毛太認真， 亦唔需要譴責佢， 因為你明知佢唔會改過自新......
100毛利用佢長期嘅高關注度， 越做越踩界， 因為佢已經拎到過百萬嘅like， 有頭有面嘅人亦都唔敢當面指出100毛既不是， 極其量都只會ignore 佢嘅錯處， 到100毛受到追捧嘅時候， 有頭有面嘅人又會撲出嚟， 稱讚100毛係幾咁貼地同好笑。
有人話100毛咁低質，都竟然可以得到過百萬like， 呢個社會好墮落
100毛嘅內容簡直係污染網上嘅世界? 我覺得100毛嘅內容污染網上嘅世界並唔重要， 重要嘅係like 100毛嘅讀者知唔知邊啲資訊係受到感染。只要like 100毛嘅人， 識得分辨100毛幾時係呃鳩人， 幾時係扮真心就得架啦。
獎門人遊戲 在 開心無敵獎門人｜第16集精華林雪玩遊戲竟然有特別待遇！？ 的推薦與評價
【 開心無敵 獎門人 】第16集精華林雪玩 遊戲 竟然有特別待遇！？去到「辣辣壽桃邊個食」，絕對係林雪嘅弱項，由於佢玩咩都比其他人慢三拍， ... ... <看更多>