［唔講政治］拿，我應承過大家今個星期我唔講政治，所以我真係唔會講。
但你要明白，姣婆點可能守到寡？咁既然我唔講政治，不如我講下100毛啦！
係，我知有部分人係好唔妥100毛，因為佢嘅政治光譜問題，有人會覺得佢係「幫港豬打嗎啡」，又或是嬉戲娛樂消費政治，這點我理解。但你也必須要明白世事並不是非黑即白，百客自然需要有百貨，與其指責別人打嗎啡，你也可以繼續大棍大棍打落去，反正你也有自己的客群。再者，推倒別人的理念，也不等同你所做的是正確，只是暫時未被/無人有興趣去推倒而已，你先做好自己的功課才去管別人吧。
另一方面，很多人也愛說「車，100毛都係抄野起家，content farm之嘛，我夠識啦！」
好一句content farm！我唔否認100毛係減少了自身原創作品，但到底是否靠抄就有超過100萬個like呢？我保留。如果佢單純係靠抄就出名，不如你又試下靠抄，睇下可唔可以抄到準備上市？
市面上大把page都係靠抄野生存，唔信你問下我最好的朋友U Travel? 失敗者最常見的問題，就是喜歡把成功的原因簡化，然後彷佛自己已經看破天機，自己未成功只是自己「我夠識啦，懶得出手之嘛」。
但這是真相嗎？
真相是由星期二，東北發展到公民廣場判案，100毛合共出了38篇post，當中12篇post 講呢兩件事，佔了近1/3的出post數。
作為一個「媒體」，佢比蘋果東方等任何一個媒體咬得更實更用力；作為一間「廣告公司」，你問下邊間廣告同公關公司個page有出過一句聲？作為一個「擁有KOL」的平台，你又睇下其他簽了youtuber的平台/班主出左幾多聲，更不說他們旗下的KOL了。
三千將士齊解甲，更無一個是男兒。
係呀，你講得岩，抄之嘛，係人都得。但抄完到社會要你發聲的時候，你有冇這個膽量站出來得罪政府得罪廣告商，隨時獲利回吐？你無。
出篇文抽政治水好易之嘛，你講得都岩。但你有沒有膽將自己media的1/3內容轉做香港人最討厭的政治，冒著like數、reach數下降的威脅都要損害著自己去出post？你無。
出得黎行又唔想還，又要虧又要學人威，嘍囉難以堅負重任。讀者的擁戴和包容只會留給在最後關頭，依舊願意守護自己理念的人。我不會說100毛是良心媒體（佢係抄野係衰這點無容置疑），但是在重要關頭，它可沒有讓我失望，難道這還不夠我去給他們一個like嗎？
我怕你唔記得，容許我再講多次：失敗者最常見的問題，就是喜歡把成功的原因簡化，然後覺得自己也能做到。
#你估日日講政治唔會消耗自己發言力架
#我日日講無問題我冇收錢
#佢靠like食飯都咁勇
#你憑咩笑佢
#但支持還支持上市就唔好課金啦
#獨家保薦人為長雄證券有限公司
#喜歡你讓我下沉喜歡你讓我哭
