話說某香港著名左膠而家身處台灣，發表一篇批評台灣政府無照顧好大陸留學生嘅文章，然後引來港台兩邊齊齊圍剿──老實講呢位左膠我之所以話佢「著名」唔係因為佢真係好出名，而係代表咗林輝陳景輝時代果種完全無視本土思潮、堅持將普世大愛放響至高無上嘅舊式左膠代表──去到今時今日呢班舊式左膠都全部收哂皮、邊個講多兩句都比人屌到反皮啦，你睇燒山仲敢唔敢叫南亞佬雞姦陶傑？
所以真係無乜值得討論嘅價值，台灣人亦唔會天真到覺得佢就代表所有香港人嘅諗法。反而真正危險嘅，我卻著眼於另一單新聞。話說雞排妹之前響高雄市長選舉上面又提到香港、又見羅冠聰，又話一講到香港就忍唔住喊，令唔少香港人都對佢大加讚賞。
問題係當班連登仔發現PTT鄉民唔係咁諗時，佢地就不停批評話PTT經已比五毛韓粉滲透（同連登有人鬧飯民就一定係PR公司同熱狗、分化撚做嘅一樣邏輯）。
如果呢班飯登仔有心機仔細睇下啲留言，除咗可能當中的確有國民黨藍屍之外，佢地應該會發現其實唔少台灣人經已對民進黨成日拎香港問題黎炒作感到厭倦；「關注不介入」慢慢變成咗一種主流意見，因為唔少台灣人根本覺得香港經已變成中國一部份，佢地就唔應該浪費精力介入。
呢種諗法係咪好熟面口？無錯，就係當日我地反對建設民主中國時候抱住嘅同一種諗法：「呢啲係別國嘅事，我地專注本土嘢已夠哂煩，根本無餘力插手」，我唔明點解當台灣人講同一番說話之時，響呢班飯登仔眼中竟然變成咗「五毛共匪」。
老實講，自從有所謂國際戰線，我已對果種當哂全世界圍住自己轉，一撚定要關注自己嘅「香港中心觀」、又或者代表香港出到去鬧呢個果個，批評歐美各國點解唔盡力拯救香港嘅「港孩式外交」，感到厭倦。點解人地老奉一定要關注你，唔係就係五毛就係鬼？點解求人嘅時候唔可以謙卑一啲、而走到去惡形惡相咁要求人地呢樣果樣？呢種視野同態度一時三刻可能唔會有咩嚴重影響，但長遠黎講一定出事。
＊＊＊
至於另一個埋伏嘅炸彈，就係呢排好HIT嘅台灣移民，當中搞得最大嘅，就自然係我地華語界第一KOL燒山。有關燒山點樣食咗人地盤生意、點樣不擇手段發大黎搞做壞哂規距搞到天怒人怨，呢啲是非我留番得閒先響Patreon講；但如果你有留意佢點宣傳台灣移民嘅好處，基本上係同大陸叫人申請單程證落黎香港係無分別：
燒山響佢啲移民宣傳片到不停強調搞台灣移民成本好平，幾十萬就得；然後又話申請完一個又可以申請埋你啲父母家屬過黎，仲要可以比少少健保費就可以即刻享用台灣「一流嘅醫療福利」；然後又話台灣啲屋好平，幾十萬就就可以買間大嘅黎住得好舒服──最後仲要搞埋個乜9香港會，專門聚埋啲一齊移民咗去台灣嘅香港人，然後搵番啲香港食物呀、活動呀，就係要搞香港人社區。
即係你自己諗下，如果燒山檔移民生意繼續愈搞愈大，你係台灣人會點諗？有班香港土豪借住移民漏洞不停湧入黎炒貴哂啲樓，得戚於比少少健保費就搶奪我地寶貴嘅醫療資源；然後仲要搞一個乜9香港人會、堅持唔融入當地社區同文化……最後會變成點？
無錯，就係變成另一堆王從。只不過唔係由大陸飛去其他世界，而係由香港飛去台灣。即係當我地走去批評班左膠為大陸人護航嘅同時，香港人自己又有無作為「世界公民」一種謙卑嘅自覺，周圍搞戰狼式國際線、侵蝕他人原有文化，到時比全世界當成另一班「新中國人」，係唔抵可憐。
王思聰ptt 在 [新聞] 王思聰酸「做PCR在測奴性」爆被捕4千萬- 看板Gossiping 的推薦與評價
相關內容