#Nj評《初戀日記：賤男蜜擾》-【真係好羨慕曾國祥】
號稱同期唯一港產片的《初戀日記：賤男蜜擾》，明星及製作陣容比較小，具規模的宣傳亦缺乏，在《盧根》大片進逼下只能捱打。看在香港少可製作這類青春片種，亦感演員及製作組落力謝票上雜誌宣傳，幫手推一推介紹給更多開口埋口話支持本土港產的電影觀眾。
當你以為此片是港版《那些年》港版《我的少女時代》，唔好意思令你失望，因為那段年輕時代只佔電影三分一。這部分最為好看，集體回憶溝女手法重現眼前，又有歌舞及具觀眾緣的演員參與令故事更有趣，學生拍拖的甜蜜睇得人格外開心。不過就諗唔明點解任何一部講述學生戀愛的青春故事，都必定公式化的寫壞男學生力追乖乖女然後無懸念修成正果。而中段開始可以話顯示導演太貪心，留低大量無關痛癢情節交代女主角傷心經歷過後的轉變。電影接近兩小時，第三者一角劇情大可放棄，利用更高手方法展示男女之間的脆弱關係為佳。帶點老土又刻意的『高潮位』過後，收尾令人舒服BBQ大結局。
劇情不是重點，重點是女。王敏奕未到超多人認識的大明星層次，但至少拍過《MClub女人俱樂部》學生形像入屋。她的演出證明了自己確是這個角色的最佳人選，演含情蜜蜜學生妹手到拿來。戲中多次甜笑享受曖昧初戀的感覺令人想祝福她一直幸福甜絲絲就夠了，絕不想看到她受到情傷，好想一拳打落賤男主角面上。我謹代表大部分男觀眾表示，睇完套戲真係好羨慕曾國祥。演戲都咁正，現實相處仲得了？每日俾個冧樣你睇，人都進取啲，點都唔能夠失去這個索爆女友。世界咁唔公平，曾國祥有個勁揪老豆，又高又靚仔，仲有個超越女神級數的女人身邊支持？奉獻曾國祥一句，好好珍惜，唔好傷害Venus，全港男士睇實你。
75分
文：Nj
～～～～～～～～～～～～～～～～～～
最後多謝 Movie Express電影速遞 邀請參加ME會員尊貴場～
～～～～～～～～～～～～～～～～～～
*讚好版主Nj主理新專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan
▲歡迎影評投稿－分享交流！
初戀日記：賤男蜜擾 - 2017 築夢文化娛樂 王敏奕Venus Wong Venus Wong 王敏奕 ~粉絲兵團 杜小喬 Edward 馬志威 Official Nu'est-M JA 符龍飛 J Radiate-利健森 ＃貝依霖 ＃葉曦 ＃初戀日記 ＃賤男蜜擾
王敏奕j 在 王敏奕Venus Wong 的推薦與評價
今期封面人物 ♀️王敏奕多年嚟受經痛 困擾，全靠以 中醫秘製茶方調理身體，先可以通氣活血，甩走多年經痛 。 今期精彩內容： ✓新冠變風土病宜先補肺脾腎✓中醫 ... ... <看更多>