【豆姐發脾氣,話我睇完復仇者唔同佢討論劇情…】
女仔會發脾氣嘅原因,男人永遠都捉摸唔到。
就好似前排,睇完復仇者之後,一踏出戲院我同豆姐都忍唔住立即去廁所。
我去完廁所出嚟,見豆姐仲排緊隊,就好興奮咁喺Whatsapp Group同班兄弟講:「睇完!可以討論了!」
一討論就傾唔停,連豆姐出咗嚟我都唔知。
當我感受到佢嗰陣殺氣,就好似滅霸啪完手指一樣,一切已經太遲了。
「你根本唔尊重我!」豆姐。
「點會啊?!I Love You 3000!」
「你每次都淨係會同朋友討論劇情!都唔同我討論嘅!」
直至我地去食飯,豆姐全程一粒聲都無出過…
「咁啦,我地而家討論啦~」我。
「你都唔係第一時間同我討論!」豆姐。
「咁我頭先睇完好興奮,急不及待嘛…」
「你次次都係咁,上次睇完《權力遊戲》又同班兄弟討論!我坐喺你隔離都唔同我傾!」
「上次?!我、我地一邊睇一邊傾咗囉!而家我地仲可以一邊食飯,一邊討論劇情~幾開心啊!」
「唔傾喇!你唔係第一個同我討論,已經無意義喇!」豆姐。
我實在唔明白女仔嘅心理,點解連討論劇情都要爭第一…
不過我問返其他人,原來好多女仔都有呢種心態,想自己男友有咩事都即時同佢討論,就連大便唔暢通,都第一時間可以同佢講。
不過現實係…男同女嘅興趣,有時真係差好遠。
有一班擁有共同話題嘅朋友,係一件好爽嘅事。
睇戲口味又夾,打機又可以一齊玩,成班兄弟落酒吧睇波,嗰種感覺真係爽到不能言喻。
為左撲滅呢場災難,我應承咗豆姐,《權力遊戲》嘅結局,一定要同佢一齊睇,然後第一時間同佢討論!
不過…
第二日我就收到兄弟Group嘅訊息…
「喂喂!2019年7月24日晚上8時喺香港大球場,傑志對曼城!不如買飛一齊去現場睇?」
「正喎!我嗰日請病假唔返工喇!」
「睇完波再食宵夜!正!」
「橙,咁你去唔去啊?而家有得買飛㗎喇!」
「我…要諗諗先…」
「唔係嘛?!仲諗?幾年一次㗎大佬!」
「我要問下我老婆…」
「痴線咩,係拎咗三冠王嘅曼城啊!佢哋嚟香港啊!仲問咩啊?!」
「咪係囉!你帶埋佢去睇咪得囉!」
但我知道,豆姐根本唔鍾意睇波。但我又驚佢嬲我淨係同班兄弟Happy,忽略咗佢感受,佢會唔開心。於是,我返到屋企就以五體投地嘅跪拜方式去請示豆姐:
「你咪去囉,唔使預我。」豆姐答得非常乾脆。
「真係?!」
「係啊,反正我都唔睇波,我都知道有班志同道合嘅朋友一齊討論係好開心。正如我都會同朋友討論韓劇,但你連角色都分唔清,幾無癮。」
「但妳之前又嬲我無同你討論嘅…」我。
「因為難得我同你都有共同興趣嘛~」豆姐。
「其實我都覺得妳會陪我追美劇,又幾乎識晒所有英雄,好幸福㗎~至多我下次同妳討論完,先同班朋友討論囉~」我。
就係咁,我成功得到豆姐嘅批准,2019年7月24日,夜晚20:00!約埋班兄弟一齊去大球場睇波!
活動詳情:http://bit.ly/2J3Rz5Y
玩遊戲玩成大佬 在 邊玩邊賺的區塊鏈遊戲討論區(GameFi / NFT / Metaverse ... 的推薦與評價
區塊鏈遊戲其實已經發展了三四年直到2021年初Axie Infinity的爆紅, ... Infinity的爆紅,才讓許多人發現原來區塊鏈也能這樣玩 ... 跟著幣圈大佬,發現獲利良機! ... <看更多>
玩遊戲玩成大佬 在 半導體大老也在看!35萬訂閱YouTuber 志祺七七紅什麼? 的推薦與評價
他的志願卡依分數排序,只填成大規劃與設計學院的三個科系——建築、工業設計與 ... 玩線上遊戲時,他喜歡扮演商人;媽媽在追韓劇《大長今》時,他反而 ... ... <看更多>
玩遊戲玩成大佬 在 迷你世界:為了躲避老沙,我決定做一個海靈變身石變換一下容貌 的推薦與評價
迷你世界# #二狗子 玩游戏 # ... <看更多>