睇到 健吾 姐姐個post，心中不禁一嘆。
所以我無寫食評好耐，尤其是同加價、負面嘅食評。
因為無論點寫都會得罪人。
就好似尋日個post，如果我嘅切入點係「啲平價蛋嘅黃勁淺色」、「唔夠蛋味」，會發生咩事呢？
首先會俾人話你離地，「唔係個個都負擔得起£2.5一盒蛋」（雖然英國搭一程巴士都£1.5)。然後當「離地」打得入呢，接下來就是「炫富」（而我唔明一盒蛋有咩咁富），再落黎就係「扮晒野」 bla bla bla...
然後？然後就係「收左幾多錢廣告呀」？無錯，對於口腔期同埋個心入面淨係得錢嘅人，對方講自己唔鐘意聽嘅野，就係收左錢。由抗爭到寫文，只要意見分歧就一句「收左人錢」係幾咁殺人不見血。再然後就係「收左共產黨錢」，係「放負五毛」，存心侮辱想去英國但食平價蛋嘅人，「中共阻止人地走難」、「英國生活費根本好平，唔好聽啲KOL亂講」。
到最後，就係自己 #對號入座 玻璃心完左，就做埋 #玻璃心帶位員 幫人地對號入座 ，tag 晒所有移民谷嘅「難民」加句殺人caption黎圍剿我「離地」、「炫富」、「乞人憎」、「五毛」、「放負」。
但係無人記得：只係一盒蛋，一盒£3鎊都唔駛嘅蛋，就上綱上線批鬥到極致。唔知嘅人，會以為我叫佢賣腎借錢傾家蕩產去買倫敦金。
#一串燒賣都可以講到十惡不赦
#你第一日上網呀
#FirstTime.jpg
#你見我呢三年有冇開過一次店名寫劣評
#係無架
#唔俾玻璃心帶位員對號入座嘅方法就係連位都冇
#本來無一物
#何處惹塵埃
