https://www.patreon.com/posts/50278937
從車路士球迷角度看歐超聯爭議
由於有98年親身經歷第一次主催歐超聯成立,最終卻以歐聯改制而不了了之嘅經驗,所以今次早有預感第二次主催歐超聯係會重覆一次歷史,只係諗唔倒今鑊「球會抗爭運動」維持咗兩日就草草收場。
當然,歐超聯雖然冚檔,但仲有好多嘢值得討論。事實上呢兩日已有好多專業評論提過好多歐超聯嘅利弊,但我想用一個比較特別嘅切入點,亦即係車路士球迷角度去看待呢件事。
反對歐超聯嘅人最常針對嘅有兩點,一樣係呢堆傳統班霸為咗利潤最大化不擇手段,另一樣則係將足球競技全面國際化,會將足球嘅地緣元素、社區網絡完全剝離。
咁首先我要講,作為海外球迷,我對於車路士本身嘅社區聯繫嘅認同感一向薄弱──呢個真係無辦法,首先我唔係倫敦人,認識車路士更係由衛星電視轉播、互聯網開始,所以就算有日球隊搬離富咸區,相信我都唔會好似當地人一樣憤怒。我會對車路士球會嘅一啲歷史感到興趣,例如對阿仙奴、熱刺同列斯聯嘅仇視,但相比起黎我更討厭嘅卻係曼聯同利物浦。
另外好重要,亦都令我感情複雜嘅一點就係,車路士就係「金錢足球」最初嘅得益者。其實好耐以前我曾經追捧過愛華頓同熱刺,但真正令我成為車路士球迷嘅契機,卻係由Ken Bates大灑金錢開始。由引入古烈治、維埃里、蘇拿、迪馬迪奧,車路士係英超透過大舉引入國際球星,將過往果種英式球風完全掃除,改成強調組織性嘅歐陸踢法之餘,粒粒皆星更令技術水平大大提高,嘗心悅目。
日後Ken Bates因為投資地產失敗陷入經營困難,油王阿巴莫域治入主,更響短短兩年間組成奢華組合奪取英超,如果我今時今日走去同你講「金錢不是一切」、「追逐利潤令足球死亡」,就實在太偽善鳥。
好多人對歐超聯嘅憂慮,老實講我並唔太擔心:例如話無咗升降班制度令到球賽失去競爭性真係Bull Shit,自從球會收入大增後,歐超聯呢Big12對上一次嘅降班紀錄係幾時?至於批評呢種無升降制度嘅封閉式聯賽,必須依靠選秀制度去保持平衡,我覺得歐超聯十劃都未有一撇,到真係成事,其實有一百種方法可以平衡彼此間實力,只係呢班班主願唔願意做而已。
唯一可以肯定嘅係,歐超聯要實行球員薪酬以至轉會費封頂,係一定會比歐洲足協容易,因為無咗失去歐聯資格嘅恐懼,球會間一定更願意達成財政上嘅共識以避免惡性競爭。
作為被歐洲足協恐嚇懲罰過唔止一次嘅車路士,對一眾足協嘅反抗亦唔係單單因為金錢問題咁簡單。例如而家球隊要求減少賽事令球員多啲休息時間,偏偏歐聯改制就要增加賽事;因應賽績壓力要收購多啲球員應付唔同戰線,偏偏UEFA同FIFA就成日響外借球員、國際球員配額諸多限制,甚至連轉會費多寡都要限制埋──但偏偏呢個主持公道嘅兩大足協,本身卻充滿住保守、腐朽同官僚主義,透過成立歐超聯去警惕一下佢地,未嘗唔係一件好事。
所以對住我呢個車路士球迷,真係唔好講乜嘢「金錢破壞足球競技」,掉番轉,今時今日嘅足球世界多姿多采,正正係資本主義市場推動嘅結果;亦唔好話歐超聯破壞各地聯賽,我反而覺得如果歐超聯真係成功將各地聯賽班霸獨立出黎,係會令本地二三線球隊更容易出頭。今時今日成日講「破壞性創新」,就係要先破後立。
有人話歐超聯勢必令賽事運作美國化,亦即係好似NBA、NFL咁將啲規則改到鬼五馬六:但問題NFL你都可以話得美國搞嘅美式足球聯賽值得一睇(雖則我無乜聽人對NFL有投訴,MLB問題反而大啲),但係NBA你覺得唔好睇,咪走去睇歐洲籃球聯賽囉(我又識得唔少人真係轉咗睇歐聯)。
不過好諷刺地,最終車路士竟然係歐超聯入面加入得最不情不願嘅,同時亦係最早退出嘅球隊之一。原因好簡單,油王阿巴莫域治買車,從來為名多過為利,歐超聯強調分紅比歐聯更多,但卻遠遠不及佢作為班主受到球迷同社區愛戴嘅名聲。
有人分析話經此一役,一眾班霸球會響足壇嘅話語權將會大大下降,但我唔係咁睇,反而認為只係星火燎原嘅開始。第一次歐超聯收皮,都係由於歐聯改制上面從善如流作出讓步;但假若平時蝦蝦霸霸慣嘅足總、UEFA、FIFA如果仍然一意孤行,發起第三次歐超聯終有一日會出現。
同時也有1部Youtube影片,追蹤數超過5萬的網紅¡Ánimo!運動吧,也在其Youtube影片中提到,上集砲火如此猛烈,總算成功召喚出籃協大家長要來跟各位面對面啦,請想湊熱鬧的鄉民耐心等候,先看兩個聯盟分別是誰能坐上最後王座!當然剛開季的棒球也如預期般地話題不斷,製作單位決定之後就是讓卓卓維持高熱量+高血壓的狀態,勇敢面對未來更深的地獄~ 《地獄下午茶》「4」字頭的最後一集,請在星期「4」晚上好好...
班霸nba 在 君子馬蘭頭 - Ivan Li 李聲揚 Facebook 的最佳貼文
[列斯值幾錢?]班主話五年後要貼住Big Six,到時就值6-10億鎊。但呢一刻?應該3億鎊都唔值
擺明收視毒藥(我講我篇文,唔係列斯),只為自己過癮同教化世人先寫。順手賣下廣告,請支持本人Patreon(https://bit.ly/31QmYj7),等我多啲時間寫呢啲收視毒樂。睇到最尾先訂都得,因為會出多次廣告。但講明,Patreon唔寫足球文(暫時)
TLDR:全世界冇一間足球會收入多過維他奶,所以冇一間足球會值錢過維他奶。有幾難明?
1. 英超開鑼,我係冇睇嘅。但似乎利物浦同列斯踢咗場相當精彩嘅球賽。呢篇文亦由列斯講起,但同昨晚場波無關,一早已經打算寫。
2. 有位朋友講起,嘩,原來列斯聯已經唔再係Strongbow贊助。的確,好多人諗起列斯就諗起Strongbow(*),但我都係諗起維他奶。留意呢篇文會經常提維他奶。講真的。睇開文應該知點解。
3. 故事由列斯嘅新(?)班主講起,Financial Times訪問(**)。佢呢,就有個5年計劃,目標係將列斯打入頭七(睬!),在英超迫悉匙(***)打後。
4. 首先留意返,呢啲目標梗係宏大啲—但即使好宏大,班主都唔敢脫離現實,目標都只係敢話做迫悉匙之後,有自知之明係好的。大家學下嘢。
5. 但都話講錢,班主重點其實係講錢!佢話,如果做到迫悉匙之後呢,咁列斯應該值6-10億英鎊。堅唔堅?多得滯定少得滯?
6. 然後就帶到Financial Times 探討嘅問題,一間英超球會值幾錢?Especially 一間迫悉匙以外嘅英超球會,又值幾錢?
7. 答案:應該唔會值6-10億金鎊。班主太進取了吧。但當然,佢係諗住賣嘅。冇講明,但肯定唔排除,因為呢排已經有人買,但佢話未到價。
8. 講到呢度,一間球會值幾錢?就梗係唔係你啲網友講(佢比錢?)。甚至你睇坊間有啲傳媒都係亂鳩咁嚟。有啲收入同利潤都未識分,有啲又唔知邊度嘅估值。
9. 一句,FT都有講,The true worth of an asset is what a buyer is willing to pay for it. 有幾難明?特別係球會之間,雖然間間不同,但相似性高。至少比球員之間嘅相似性高。
10. 幸好,多得足球全球化,商業化,膠化(下刪一萬字),耐唔耐都有啲球會賣盤,甚至有少數係上市。咁咪有數比較咯,唔係你啲網友把口鳩up.
11. 咁講個好殘忍嘅事實你知:差不多所有足球會,都係唔多值錢嘅。量化?一間維他奶,應該值錢過全世界99%足球會。十年後唔知,但呢刻係。
12. 至於影響力?食得架?名氣?同上。求其一間濕鳩英超會都出名過維他奶,但,我地而家講值唔值錢下話。
13. 維他奶,高位跌咗四成。但都仲有300億港紙市值,40億美金。你估下有幾多間球會值呢個價錢?答案係,應該得一間,甚至係冇。
14. Financial Times由最近一單撻咗Q嘅刁講起。紐卡素賣盤失敗,但留意沙地阿拉伯佬都只係出3億鎊,仲要係肺炎前價錢。十份一間維他奶。非迫悉匙球會,就係咁上下價錢。同列斯班主估嘅6-10億鎊,有啲距離,但當然世上有通脹,佢講五年後。有啲窄,但未必完全做唔到。
15. 另外,FT亦訪問咗另一位仁兄,Jim Ratcliffe。原本想買車路士,但車路士班主(正係艾巴莫域治)開價20億鎊。做石油化工嘅Jim Ratcliffe話,你當我水魚?車路士都值20億鎊?睬佢都有味。結果佢走去用咗1億歐元,買咗法甲嘅尼斯(OSG Nice).佢認為性價比高好多。記住,車路士20億鎊都比人覺得天價,大半間維他奶咋。
16. 然後我地睇下上市公司,登登,曼聯。曼聯應該係最值錢嘅幾間球會之一。上市公司日日trade,夠公允,市值盛惠27億美金,亦係大半間維他奶。其實都係20億鎊左右,難怪Jim Ratcliffe覺得車路士話值20億鎊係搵佢笨。
17. 其他仲有一堆上市嘅,快手講下。意甲班霸祖雲達斯,市值12億歐元。其他嘅,全部係幾億歐貨仔。德甲多蒙特5億歐市值,荷超阿積士3億歐,意甲羅馬2億歐。
18. 我估就算收入又高財務又穩健嘅拜仁去上市,市值都應該唔會高得過間維他奶幾多。當然只係我估,你啲網友可以質疑,你估就係呀?但我呢啲係educate guess.你肯定你啲網友educated?
19. 唯一可能挑戰維他奶嘅,正係土豪球會曼城。舊文寫過的(https://fbook.cc/3FPK),曼城嗰時賣咗部份股份畀私募基金,計返成間公司估值就差不多48億美金。叫做大過間維他奶少少。但,兩樣嘢。首先呢個係肺炎前嘅價,而家賣仲有咁嘅價?另外,佢賣些少股份出去,推返成間嘢估值,就同真係成間拎去賣或上市唔同嘅。你睇WeWork上市前估值幾高?
20. 當然有人認為,英超球會仲係被低估嘅,但睇下你講10年後定而家。至少而家呢,你見美國啲球隊(NBA啦,其他冇睇唔知),就值錢好多。例如洛杉磯快艇,2014年已經賣超過20億美金(班主正係微軟嘅上任CEO Steve Ballmer)。但已經多年前,而家估計(係,估,但再講一次,educated,唔係鳩人鳩估),頂級嘅NBA隊,紐約人湖人金洲勇士嗰啲,冇40億美金你唔使買。
21. 點解NBA隊值錢咁多?當然因為收入都多好多,冇深究,但相信亦同成個Franchise 制呀,薪酬上限呀,唔會西甲同英超搶人呀,又十分商業化呀之類有關。
22. 講到尾,其實都係盈利—咁就算冇盈利(好多都冇),至少都係睇收入。你要班主長期自己荷包填數嘅,好難搵人買,除非係中東佬洗白。但你見馬拉加個班主都係玩幾嘢就算數,俄超咩安捷都好似係。
23. 點解球會唔值錢?好簡單,係好有影響力呀,係多人識,但收入唔多。(亦都代表,好多球迷嘅loyalty 十分廉價),更加唔好講利潤—收支平衡你已經還神,唔少係蝕錢嘅。
24. 又拎返維他奶出嚟講,舊文都寫過(https://fbook.cc/3FPK),維他奶,一間你覺得好豆泥嘅公司,一年收入10億美金!唔係好多?咁我話你知,冇一間足球會有呢個收入。5年後唔敢講,但而家一間都冇!收入最高嘅巴塞皇馬,講緊都係8億歐元收入。仲係肺炎前。利潤?更加唔好講,維他奶利錢唔算高,但至少有幾億港紙純利。球會?有幾多間有錢賺?
25. 點解球會搞嚟搞去都係唔賺錢?其實真係同個「行業」好大關係。正係因為好多公司都唔上市,仲有啲係私家雞(sorry 但諗唔到更好嘅形容),你啲對手係咁燒錢,咁你唔燒,點夠人鬥?你慳住嘅話,到頭嚟又係畀球迷鬧,越踢越差,就搞到歐聯都冇得踢,收入就更低!(即係阿仙奴!)。
26. 所以個遊戲,係注定冇乜得賺錢嘅。你可以想像你隔離間餐廳,係個有錢佬開,佢不停咁燒錢,出幾廿萬一個月請個廚,侍應佢又畀十皮八皮請晒啲靚仔靚女,賣佢就賣到平你一半。咁你點玩?
27. 只剩低最後一個問題:咁點解仲有人做班主?好簡單,唔係為賺錢。冇人買球會係為賺錢。賺到固然好,但買嗰刻已經知唔會點賺,唔使佢不停填已經超額。
28. 點解做班主?好簡單,巴閉咯!英雄主義!過癮,為童年夢想,高級玩具。當然仲有部份係為咗政治(俄國佬買英超),洗白(卡塔爾佬)。但更重要嘅係宣傳,界外利益。呢個世界上有唔少東西都係咁,例如搞傳媒,拍戲,全部都係為界外利益。為幫班主其他嘢,買影響力,或者只係溝女明星
29. 而最重要正係,球會唔使用好多錢!我係維他奶老細,哦,邊位?但十份一價錢,你係紐卡素FC老細,件事係咪型好多?溝女明星係咪易啲?識政客係咪易啲?你想上武漢(all due respect)睇廠整檸檬茶,定係想入聖占士公園睇……是但啦。但如果買間球會要幾十億美金甚至百億,又要再諗下啦。
30. 講返列斯到底值幾錢?好簡單,班主話早排有人買但佢唔賣,未到價。但佢唔排除賣少量股份拎啲新資金,希望大約估值係3億鎊—其實咪話畀你知,佢覺得列斯值幾錢咯!甚至根本篇訪問就係畀啲潛在投資者睇的。呢刻,咪就係咁上下價錢,合理丫,咪紐卡素咁上下,埋枱肯定仲有價講。5年後如果做到迫悉匙之後?再計啦。
(*)但我諗起水晶宮會諗起TDK,富咸係Pizza Hut,曼聯當然係SHARP,阿仙奴係JVC,車路士係Autoglass,拜仁係OPEL,基達菲係Burger King,愉園係……中國銀行(有冇記錯?)。完全係出賣年紀。
(**)其實Financial Times 直頭成條新beat去間體育產業,上次世界盃嘅文章亦都相當好。堅持咩金融撚數撚唔識嘅,係活在自己世界啫。
(***)迫悉匙,曼聯曼城阿仙奴利物浦車路士熱刺,排名不分先後。點解係迫悉匙唔係迫科或迫快乎迫些焚?可能係因為戰績,但更加係因為財力—呢六隊嘅收入,明顯拋離打後其他會,甚麼愛華頓韋斯咸李斯特城之類。而當然收入就支持返戰績,十分簡單。正如巴塞皇馬係西甲最高收入球會,亦係戰績最好。
———————————————————
Ivan Patreon 狼耳街華人,一星期至少三篇港美市場評點,一個月一舊水唔使,開張一個月已500人訂!仲有兩篇免費試睇:https://bit.ly/31QmYj7
——————————————————————————
[收費短片第九擊]美股科技股是否泡沫爆破?價值投資之選
課程資訊:https://homebloggerhk.com/course_detail/?code=CC009
內容:
*美股急跌點算好
*科技股係咪泡沫爆煲?
*有乜價值投資之選?
本星期內特惠售價: $80
課程編號:CC009
觀看期限:首次播放後一星期及限每影片4次
客服whatsapp: 63832145
另外想買返第八擊(美國總統大選股票部署)都仲可以:https://bityl.co/3NPn
班霸nba 在 Edcon Gabriel Yau 丘雨勤 Facebook 的最讚貼文
「咖哩仔」Stephen Curry 決定明天復出,你猜速龍教練 Nick Nurse 現在有何感想?🤣🤣🤣
Sports 2 World 體通天下 明早11:30 當然會現場直播這場重點賽事,同時配以粵語評述,皆因這場是勇士在上季總決賽 Game 6 主場落敗後首度重遇速龍,兩隊並會在11天後主客互換再決高低,球迷記得留意!
「咖哩仔」自從去年十月底對太陽時不慎受傷導致左手骨折,上陣4場後缺席58場比賽,間接導致這支班霸目前只以14勝48負敬陪末座。不過,球迷都期待看看 Curry 夥拍 Wiggins 的效果,而且假如 Curry 在明天回歸戰投進8個三分球,就能成為繼 Ray Allen 和 Reggie Miller 後,NBA聯盟史上第三位生涯累計超過2500個三分球的射手。
www.Sports2World.com
#阿勤講波 #WeTheNorth #DubNation #體通天下 #Sports2world #S2W #StephCurry #支持nba粵語評述
班霸nba 在 ¡Ánimo!運動吧 Youtube 的最佳貼文
上集砲火如此猛烈,總算成功召喚出籃協大家長要來跟各位面對面啦,請想湊熱鬧的鄉民耐心等候,先看兩個聯盟分別是誰能坐上最後王座!當然剛開季的棒球也如預期般地話題不斷,製作單位決定之後就是讓卓卓維持高熱量+高血壓的狀態,勇敢面對未來更深的地獄~
《地獄下午茶》「4」字頭的最後一集,請在星期「4」晚上好好欣賞!
#Ánimo運動吧 #地獄下午茶 #卓君澤 #卓卓 #林力仁 #賈西亞 #神秘數字 #領航猿 #夢想家 #高景炎 #攻城獅 #PLG #台灣啤酒 #九太科技 #JC戰象 #班霸 #裕隆納智捷 #扭蛋 #SBL #籃協 #謝典林 #吳念庭 #琦玉西武獅 #NPB #猛威爾 #無安打 #超人力霸王 #徐若熙 #曾傳昇 #味全龍 #洪一中 #吳俊良 #富邦悍將 #中華職棒 #CPBL #籃網 #湖人 #報團 #KevinDurant #歧視 #NBA #楊正磊 #三石
其他更地獄的下午茶等你來吃!
※籃協理事長到底在衝三小?https://youtu.be/UUZt4OzWl4I
※新球隊球員教練都是話題!https://youtu.be/zZlSqw3_FL8
※熟悉的中華職棒最對味!https://youtu.be/6IplJbkdNjI
※高中球賽就是如此熱血!https://youtu.be/6Yz3JJwlnlQ
※學生比賽的教育意義為何?https://youtu.be/w8FIqLm5goc
==關於Ánimo運動吧==
【與Animo合作聯絡來信】
[email protected]
【訂閱Ánimo運動吧頻道】
https://reurl.cc/pkK0r
【Ánimo運動吧粉絲專頁】
https://www.facebook.com/Animo321/
【Ánimo運動吧IG】
https://www.instagram.com/animo_tw/
【成為Ánimo運動吧頻道會員】
https://reurl.cc/YWWx0l
【訂購Ánimo運動吧 野球乾一杯商品】
https://forms.gle/1J78VJ8Aq7anHzXEA
#看完請幫Ánimo運動吧分享影片還有按讚
#好勢媒體 #體育 #台灣
《未經同意不得使用、翻攝、下載重製或嵌入Ánimo運動吧以外之平台》
![post-title](https://i.ytimg.com/vi/WtAZx3v0ntA/hqdefault.jpg)