話說呢兩日德國的侄女（唔識點叫呀，我老公個呀爸個家姐個孫女）帶埋佢男朋友來倫敦到我們家小住兩天。
我老公就喜歡到這對小情侶不得了，早一星期已經買定晒野準備好，同時間也叫我準備一下晚餐，我心想煮龍肉也不用一星期吧？！問他我該準備什麼，佢嘅答案係「想食日式料理，但又唔好太日式，唔要紫菜亦唔要拉麵，想要少少生野，但又唔好太生。」
我_你，西客黎嘅喂？！
事實上，呢個係佢個人要求，客人明明說「不要有花生就好」...
結果，頭盤係「甜醋漬有機蕃茄拼炸蝦配青瓜沙律」八珍甜醋漬了四小時的蕃茄，是我從香港某米芝連三星餐廳盜回來的簡化版小菜，至今還是讓每個客人驚嘆。你可能會問：哪裡來的日式青瓜沙律呢？呃... 因為個生菜切開，我發現有蟲，所以成個扔左，搵遍成個雪櫃，唯獨係得青瓜可以用，就夾硬派上用場了。呃鬼食豆腐我聽得多，呃鬼食青瓜，我都係第一次，好彩同我個自製柚子蜂蜜醬都勉強夾到...
之後，就係主菜— 唔知乜鬼丼飯。北寄貝每人少少地幾片過下癮；吞拿魚係熟嘅，溝切碎左的大蔥吞沙律醬就ok；左右的煙三文魚他他，懶係野咁用wasabi、柚子皮蓉拌均，咸中帶點清香，平衡返吞拿魚沙律的甜味。加多一小球七味粉漬蘿蔔，有點東洋的感覺了吧？最後，好似唔洗錢咁大把大把蟹籽倒落去— 這樣拌飯很難不好食吧？全場人吃的時候一句聲也沒有，嗯，證明大家也很專心地吃飯，這個場我hold住了！
最後，甜點是黑糖蘋果桂圓薑茶配湯丸，在每人的碗上都灑點桂花，帶來一點清香。德國的小妮子看懂了門道，問我那是什麼花、哪裡有得賣？我在倫敦找了很久也找不到好的桂花，都是在香港買再帶回來啦！另外，她的男友也是半個廚師，他對於黑糖很好奇，我索性把紅糖冰糖黑糖黃糖都拿出來，讓他自己試一下— 如果鹽不止一種，糖又怎會只有西方白砂糖？我送了他一包紅糖，讓他回德國的餐廳裡研究去。
其實很多中式食材，都沒有被西方的廚師發現，更別說理解，他發現八珍甜醋時如獲至寶的樣子，倒是挺可愛的。
#然後我好驕傲咁展示我儲的十幾款豉油
#班鬼佬白人問號
#完全理解唔到蒸魚鼓油同煲仔飯鼓油的分別
#唔好問我點解雪櫃會長備青瓜
#送禮自用兩相宜
#青瓜食又得用又得
#用黎敷面一流哦
#你諗左去邊
#Bitches_got_talent
#必廚好煮意
#飲飲食食最開心
#下一篇我講食早餐呀下
