［封面測試達成！］拿，現眼報呀，封面測試。上次話上封面之時就係撈底之時，（http://bit.ly/2RFdtzc）而家上封面了。你仲要第朝睇報紙檔？埃汾半夜已經幫你留意住封面。
不過呢，笠定幾個頭盔同口罩先。首先就梗係投資有風險，贏錢唔使分畀我，輸錢都唔好嚟叫回水。真係冇人拎支槍迫你買的。
另外，又真係，未出呢張圖時，我同朋友都吹水話等星期一。點解？因為星期一A股復市。咁你知，A股一向人踩人，升得快插得快。加上仲要追跌呢幾日，跌返8-9%不足為期。當然，理論上，補跌就唔應該影響港股嘅。但實際上，真係A股跌8-9% 你升？冇話唔得，但有啲懷疑。
仲有，以往都真係跌足一兩個月起碼，今次幾日就搞掂？真唔真？雖然理論上，而家資訊流通，調整好似應該係更快完成。咁你睇恒指，今年頂位到而家，都插9%
呀仲有，當然係羅素雞啦。This time is different 嘛。次次餵你食嘢都好開心，就係唔知點解最後一次主人劏咗你。不過永遠都用呢句嘅，就真係輸死冇命賠。輸乜？輸park都輸死你。乜park？通脹咪park。
歷史當然未必再重演，但你有冇更可信更好嘅方法？歷史話畀我地知（！），歷史就係多數都係咁重演。
好啦，最後鳩威一下，唔係講股票，係講文化。其實最初係有讀者（好讀者！另外，我地呢度啲讀者質素幾高的）提我，話Economist 轉咗FB 相。然後再晏啲，見到佢今期封面係隻船（講脫歐）。咁就諗殘念啦，下星期請早（亦係嗰時我同朋友話等埋星期一先）
不過，又真係有對話為證，我真係悲觀嘅樂觀者。我話，一息尚存呀，未見棺財唔好咁快流眼淚。可能雙封面呢？你話，嘩，economist都學本地漫畫咁？其實一向都有，都唔係罕見，好多時唔同地方都出唔同封面（佢在不同地方有print office）。證明我呢啲真係長期讀者
然後，果然就係雙封面！咁都畀我講中，呢下先威嘛
