#一波未平一波又起
#生仔的媽媽心血要夠多
No more monkey jumping on the bed
呢首兒歌原來唔止係歌
今日阿桃係我入左廁所時跳床
Boom一聲我都見怪不怪
慢慢行出離諗住鬧佢
先開始聽到佢坐係度喊
唯有抱抱佢安慰完再鬧啦
問佢邊度痛，佢指住隻腳
我望左一陣，諗左2秒，
點解隻腳踭歪左嘅😱😱😱
當下個心好慌張
阿桃🍑果時好似d人跛左腳
拗住隻腳行喎🥶
即刻乜野幼兒急救都諗唔起
即刻想衝去睇醫生
（好彩係我換好衫，諗住幫佢換衫先腳已經正常番）
雖然著完鞋阿桃都已經可以行而且話唔太痛
但我地都衝去睇鐵打
醫師就話
1⃣小朋友筋骨幼軟有彈性，歪腳果下可能係卡住左個位
2⃣但大家千奇唔好嘗試幫小朋友正位
3⃣唔太嚴重嘅可以冰敷作急救消腫
4⃣盡量唔好令受傷腳受力
最後醫師當然話左阿桃🍑幾句喇
但呢個仔繼續賣萌，搞到呀醫師笑哂口
明明冇藥食都呃左幾筒山楂餅
阿桃睇完醫生已經冇事，自己小跳步咁番屋企😓反而阿媽我抬佢去睇醫生，又嚇左一嚇攰到不得了
PS. 如果大家有呢個情況，屋企又有bb車嘅話，推住去比較好😑
