#痴撚線 #不要玩食物
呢杯野係俾你地食咩, 梗係俾十幾部相機慢慢食啦,
影完溶哂都似, 除非你身處緊ice bar
見到咁多款味溝埋一齊變成咁既野, 十足十痴痴呆呆坐埋一枱
呢舊巨型卡路里混合物，我認為係甜品界最bad taste 的癲瘋之作，堪稱黑暗料理之首。
雪糕、窩夫、慕絲、忌廉，樣樣都係獨當一面的甜品，擺埋一齊當係攞你命三千？！喂大佬，將所有蠢人擺埋喺同一個機構叫政府，但唔係將所有甜野擺埋一齊就叫甜品呀嘛？
你咁鍾意一大堆甜品擺落一個大容器度食，我建議你不如去拎隻湯匙衝去滿記個垃圾桶度掘啦，點止15種口味的雪糕？仲有成個餐牌咁多隻味的糖水，好彩嘅話連湯丸都淘到兩粒添呀。
甜品真係要講味道同精緻，呢壇嘢你話俾我知個味道層次係啲咩？15種味道的雪糕癡埋晒一齊，你諗下最底那幾球雪糕會溝到變成咩味？掘完曬堆雪糕之後，你諗下啲窩夫索晒咁多隻味的雪糕，一定淋過謝霆鋒底雞蛋仔，大佬，俾錢食濕毛巾係咩玩法？最底那堆慕絲，去到最尾一定死狀恐怖，肯定冇人會食，結局九成都係倒落垃圾桶做下一個甜品桶。成件事折墮到一個點，食得晒先好嗌呀！扔咁多甜品落垃圾桶，小心下世做蔗日日俾人劈。
最後，好，我知，同Bad taste的人講味道係對牛彈琴。咁我地膚淺地講賣相啦，你望下杯野幾粗製濫造？圍邊嗰廿條手指餅，嘩，真係好手指呀？點解？因為十隻手指有長短，你望下佢高高低低，差啲一圈都圍唔返呀撞鬼！仲有呀，你望下頂那兩紮百力枝，你話俾我知同新年呀夏蕙姨去插嗰紮頭香有咩分別？好食唔食食香爐～Halloween 到啦咩？
酒店出品？你大我呀？個甜品擺明無論難度同賣相，都係以前譚玉瑛姐姐430穿梭機教小朋友整「夏日消暑杯」的級數，你咩大酒店咁把炮推呢隻香爐出黎呃鬼食豆腐？
真心，各位姊妹，Bad taste呀，食左都唔好影相擺上網，成件事又唔靚又折墮又難食，何必呢？
#遠離新假期是智慧的開端
#食得晒先好嗌
#最憎人浪費食物
#同大陸啲垃圾健力士揚州炒飯影完相扔落垃圾桶一L樣
#人地起碼有張證書
#你有啲咩
#食少兩杯夠儲首期啦廢青
#今次新假期好左起碼冇用大框
#用自己片咪幾好囉
#百_成鋼
#_到你變超合金
用自己片咪幾好囉 在 《區區有女神》「巨胸翠如」鄧月平做洗頭妹哥仔嗌正 - YouTube 的推薦與評價
「巨胸翠如」鄧月平做洗頭妹哥仔嗌正《區區有女神》 鄧月平鄧月平Larine哈囉我係鄧月平Larine我之前曾經住過深水埗咁我中學由佐敦搬咗黎深水埗所以 ... ... <看更多>