銅鑼灣【尚鮮日式燒肉漁市場】享盡多人優惠
同事生日, 壽星女中意食日式燒肉, 又想多款式選擇, 第一時間諗到"尚鮮"食放題。大半年冇黎, 原來呢度多左個新優惠, 提前一日預訂, 四人同行可獲送龍蝦刺身兩食, 同埋浜燒海鮮拼盤。
幸好我早有準備提前BOOK位, 享用到呢個優惠。入到餐廳發現人流比大半年前黎差好遠, 平日晚餐廳內已經坐滿九成, 果然呢個優惠吸引到唔少人前黎一試。
入座起計2小時任飲任食, 飲品同甜品都係自助形式自取, 飲品以罐裝果汁同汽水為主。
浜燒海鮮拼盤以人頭份量計算, 有虎蝦、甲羅燒、蠔、帶子同埋鮑魚。
每款海鮮都很新鮮, 完全沒有腥味。
甲羅燒 - 燒之前將蟹蓋上配料攪拌, 燒後, 蟹膏味很濃郁, 味道唔會太鹹
鮑魚大大隻 - 超級鮮甜、爽口彈牙
帶子沒有加任何調味同樣都有鮮味
不過虎蝦雖然大隻, 但間中有幾隻都唔太新鮮, 蝦肉痴住D殼, 沒有彈牙鮮甜味
浜燒海鮮拼盤只限一次性ORDER, 但任食中還有好幾款海鮮可以無限再加
六人以上仲有刺身船同埋馬糞海膽~
海瞻入口即溶, 沒有腥臭味, 鮮甜
至於刺身船, 其實唔夠六人, 都可以任點刺身, 款式大致都係一樣, 不過刺身船上的刺身比起任點的質素高一點~
三文魚為厚切, 帶點魚油味; 八爪魚為薄切, 反而減少了煙韌口感; 希靈魚既甜味很出; 螺肉爽得黎又唔會難咬開。
四人同行所送的龍蝦刺身以冰墊底, 不過就算我地同行有六人, 龍蝦刺身都是一樣只有一隻, 龍蝦肉已被去殼, 入口帶少少爽口感, 仲有微微既甜味。
店員提示我地食刺身後唔好掉, 還需保留冰上既龍蝦殼, 因為另一款兩食的就是以呢隻蝦殼去煮粥。
呢度既任點任食, 都以IPAD自行落單, 所以唔洗擔心係落order過程中會有錯漏, 食物算黎得幾快。
除左主打既燒肉, 豬、牛、雞外, 仲有海鮮、冷盤、炸物、刺身、壽司、蔬菜等等....款式都幾多
肉類都很新鮮, 唔係雪左好耐表面有雪氣果種, 當中我地最中意食原味牛舌同埋蜜汁雞翼。
雞翼被切成單骨, 方便食用, 而且醃得很入味, 我地encorn左好多round tim....
丸類既芝士丸都值得一試, 咬開時, 半溶芝士已經流出
我地再額外order 刺身同埋壽司, 質素雖不比刺身船為高, 但亦唔會差~
至於壽司我地就叫左個火炙三文魚壽司, 咁岩係腩位, 魚油味非常豐富!
蔬菜類除左order左d 菇, 仲order左粟米同金菇, 兩款都以鋁包好, 更加入好調味料。
接近尾聲, 店員送上龍蝦粥, 有點稀, 味道較淡...其實冇咩龍蝦味, 算係清清地食碗粥清下腸胃
最後, 每人可揀一杯粒粒冰/MOVENPICK雪糕tim....
整體黎講, 愈多人一齊黎, 試既款式就更加多, 預早book檯, 每人三百蚊左右就可以食埋浜燒海鮮, 龍蝦、鮑魚貴價既都可以食到, 真係好易回本~
————————————————
收費
星期一至四: 成人HK$278;
星期五、六、日、公眾假期/前夕: 成人HK$298
小童/長者: 任何時段一律 HK$178
————————————————
餐廳名稱：尚鮮日式燒肉漁市場
Address: 銅鑼灣謝斐道496號金利文廣場3樓
Tel.: 2117 4267, 2117 4268
營業時間：
星期一至日: 11:30-00:00
設加一服務費
接受預先訂座: Yes
====================
我的個人評分
味道: 4/5
環境: 4/5
服務: 4/5
====================
Find me on
Facebook/Openrice/UBlog: Keresawong.L.S
====================
#hkfood #hkfoods #hkfoodie #hkblog #hkblogger #blogger #hk #hongkong #buffet #香港 #香港食評 #食評家 #香港美食 #美食推介 #香港人 #任飲任食 #燒肉
甲羅燒燒幾耐 在 夠膽食Gutz2eat - ［甲羅燒］ 甲羅燒又即係蟹蓋 ... - Facebook 的推薦與評價
［甲羅燒］ 甲羅燒又即係蟹蓋鍾意食蟹既你又點可以錯過呢,疲情之下你有幾耐無返鄉下呢!如果你都同我一樣掛住日本既味道.快D訂購我地個set餐,就可以自己係屋企都可以 ... ... <看更多>