《新品介紹》
今日同大家介紹呢一隻新產品，係黎自我地富昌既老友記：南方東英既「全球雲計算科技指數ETF」（3194）。顧名思義，呢隻基金主要係投資响新經濟既板塊當中，雲服務呢個大主題。咁到底「雲」係d乜野？太複雜既野，講你都唔明。簡單黎講，就係d高科技野：好似疫情期間，你地一個二個唔洗返公司，坐响屋企度對住部電腦，然後將你做左既野射上去唔知邊度，再由唔知邊度射返落你公司咁。遙距開會、遙距上堂、遙距睇醫生、遙距乜乜物物⋯⋯
同市面上類似既「雲服務」產品唔同，南方東英呢一隻基金，並唔單只係投資响內地上市既中國雲服務公司，而係投資响全球頂尖既大阿哥。講到高科技既大阿哥咯渦，首屈一指既當然响晒美國！好似甲骨文（ORCL）呀、谷歌母公司（GOOGL）呀、亞馬遜（AMZN）同微軟（MSFT）咁果d。其次既就係响香港上市果一批，即係股王騰訊（700）同阿里（9988）果d。成個基金，總共50隻股，可謂包羅萬有。其中八成比重响美國，兩成就响香港。
補充少少隻基金既操盤方式俾大家：佢係百分百對照「Solactive全球雲服務計算科技指數」黎執貨既被動式、實物ETF。個指數會响每年既2、5、8同11月做季檢，加入同剔出股份，同將每隻成分股既比重控制响最多5%。由於係被動形、照辦煮碗既操作，基金既管理費特別平，每年只係收0.99%。隻基金將會响今日（13日，星期四）首發掛牌，初始既淨值係每股15.53元。暫時既建議係睇定d先，等新經濟既股份企穩多少少，先至開始慢慢部署。
有關基金嘅詳情，請瀏覽呢度：
https://csop.onlineminisite.com/thematicetf/tc/3194.php
#南方東英 #全球雲計算科技指數 #ETF #3194
甲骨文公司介紹 在 世界第二大软件公司，Oracle(甲骨文)，如何投资(繁體字幕點cc ... 的推薦與評價
第102期: SaaS前五大 公司 Adobe, Salesforce, Shopify, Intuit, Square 介绍 (繁體字幕點cc) · Mix - 老科谈科技股 · SQL server和 oracle 这两个数据库有什么 ... ... <看更多>