有幾個”唔好”想同懐孕中既大家分享
1. 唔好放棄自己既外表
可能你好surprise自己有左 世界從此改變
好嬲 好無奈著開既衫著唔到 箍住個肚好唔舒服
所有靚衫靚鞋要打入冷宮
又或者 你好期待懷孕 好開心終於成功左
好ready及好願意為呢個旅程做好準備
但請你因為咩原因都好啦
除左運動外 唔理自己既外表 唔化妝 淨係帶眼鏡
著住好大件既Tshirt加條 Legging渡過呢9個月
每次去做產檢都唔明點解10個8個大肚婆都係甘樣既打扮
再睇埋孕婦雜誌 😱😱😱 孕婦fashion就係由頭到腳
寬到落腳趾尾就叫孕婦裝？
（唔係開玩笑 唔止一本孕婦雜誌係甘）
講真 真係一啲美感都無 媽媽著到甘真係會開心？
依家好多孕婦除左個肚之外 手手腳腳都好纖細
點解要被洗腦 大肚就係 mean to be甘樣呢？
其實 有左點解唔可以照樣扮靚呢？
當然美容院可以唔去 去到最多都係做基本既清潔同保濕
好似好唔抵 自己係屋企都做到
果酸 激光等等絕對唔做得
（呢方面我就唔扮專家啦 好多人都應該熟過我lol）
其實坊間有好多化妝品 護膚品都唔會影響懷孕期
可以放心用 懷孕中既你可以很美 點解唔對自己好啲呢？
可能有種種原因你覺得外表唔再重要
又或者你覺得個孕期只係一段短暫期 唔值得投資
但你諗下 化個淡妝 令自己望著去精神啲 心情都會好啲
因為你望落去仲係朝氣勃勃
身邊既人睇得舒服啲 擔心你少啲
如果你因為身型上既改變而變得無自信
而放棄打扮 變得只著寬袍大袖去遮醜 其實好唔值得
Whoever judges the body of pregnant women is a jerk
呢啲廢物comment根本唔值得晒位置儲存
真嫁每一位懷孕既媽媽 都可以係靚媽
而且好經濟就可以做到
例如 淘寶真係一個偉大既發明
孕婦褲係可以淘既 超平 呢樣我都同意唔好晒錢買貴
但所有裙呀 上衣 胸圍都可以買啲生完都可以著到既款
有多western或韓式style都好靚
甘樣貴少少 可以考慮唔駛淘寶買又可以行下街 甘都抵返
打扮得得體啲 其實有雙重快樂
首先自己開心啲先啦 另一半見到都會開心
當你見到另一半開心 你會更開心
由其係初為人父既佢 無論係意外定有計劃
媽媽因為親身既改變會比爸爸早感受從此以後既變化
但男士 一定後知後覺啲 可能有時唔記得左自己就黎做爸爸
或者想像唔到做爸爸係咩一回事
佢唯一歷歷在目既就係另一半既變化
可能有一啲準爸爸根本唔想做爸爸 更恐懼既
係陪你入產房個一刻見到既畫面
如果你只記得做媽媽既角色
而忘記左你仲係人地既老婆或女朋友
淨係記得著得舒服啲令孕期舒服啲
而忘記呢個世界所有人都鍾意睇靚既野
甘呢種舒服啲仲值唔值得呢？
