關於 男 仔 呷 醋 表現 ，我們在網路上蒐集到這些相關的討論、資訊與評價

《呷醋》

♂：早晨

♀：早晨，俾你估下，我依家飲緊乜？

♂：呢個時間……一係奶茶一係咖啡一係檸茶一係華田好立克

♀：……你不如任部飲品都講晒佢，咁一定中啦

♂：估中有咩獎勵先？

♀：可以氹到本小姐高興！

♂：嘩，獎品咁豐富，要搵律師樓處理先得

♀：答就答，唔好咁多野講

♂：我唔喜歡錯喎，不如你比少少提示

♀：呢種飲品我每朝都會飲既，亦係我最喜歡既飲品

♂：……咖啡

♀：最後答案？

♂：係，咖啡！！！！

♀：答案係……錯既，記住，我每朝都會飲奶茶！

♂：咁加唔加糖？普通奶加紅茶定係要黑白淡奶加茶膽？

♀：所以話，比人教過既男人係細心少少，呢種問題無拍返幾次拖同咁上下年紀都唔會問得出，加分加分！

♂：一係唔做，一做就要做到最好嘛，我係識做既

♀：係呢，你話你拍過一次拖，咁對上既人係邊個，你講黎聽下好喎

♂：第二十九日，你終於問呢個問題喇？

♀：睇下曾經邊個可以打動到你嘛，女人，總有比較既心

♂：嚴格講，應該係一次半，有半次係我追唔到，最後人地唔揀我

♀：先講第一個先

♂：第一個啊……要講返盤古開天……

♀：哦好，我叫多杯奶茶聽你慢慢講

♂：其實都係無乜特別，就係一個中學生見到人人都拍拖，然後有個好似唔錯既女仔，佢對自己有意思，而我又無反感，所以咪試下一齊既初戀

♀：咁唔得喎，你平時係咁寫文咩？咁唔會有人睇

♂：重點係細節度，如果要寫，我都可以寫返幾萬字

♀：咁最後點解會結束？

♂：因為我遇到一個令我心動既人

♀：就係個半個？

♂：係，佢真係好識玩，要溫柔有溫柔，要激情有激情，要虐心有虐心，總之我就係一下子比佢吸引左，我以為我遇到一個可遇不可求既唯一

♀：然後人地無揀到你

♂：其實我知佢同一時間有另一個人追緊佢，個個人條件比我好太多，我認為我係比較令佢開心既，但佢最終揀左麵包，無揀到愛情

♀：噢，結左婚？

♂：係，依家仲搞緊離婚

♀：哦……仲有聯絡緊？

♂：呢個係女人既直覺，定係閱讀能力高既表現？

♀：兩樣都係，點啊，舊相好依家失婚，你咪有機會囉！

♂：其實我返香港之後，佢有搵我，我都覺得佢想同我發展，不過比我拒絕左了

♀：你真係好誠實呢

♂：我唔想，亦無必要去呃你啊

♀：點解要拒絕人呢？

♂：答案你知啊，咪就係你囉，我喜歡你，個心全部都係你，已經放唔到其他人喇

♀：果然好出色呢，女都比你溝晒啦

♂：應付你一個都已經好吃力喇！！！！

♀：咁我比你應付多幾個囉，我唔同你傾計，你就有餘力去搵其他人喇

♂：Ph值好低！！！

♀：我無咁易呷醋囉，有自信既我係唔會咁做，只不過我覺得咁講會令你好無助，好好玩

♂：我都覺得你唔係呢種呷乾醋既人，所以先同你講，係呢，你23號得唔得閒，我約左個半個食飯，可以既我想帶埋你去

♀：好啊，我都想見下佢

♂：……比我想像中順利，我比個心理準備你，佢係幾靚下，仲有，佢對你抱有敵意呢

♀：佢靚又點，有敵意又點，關我咩事，咁你依家係鍾意我定鍾意佢先？

♂：你

♀：咁咪得囉

♂：你真係好正

♀：我覺得你可以用更好既形容詞，快！讚我讚我！！！

♂：你正到令我腦海一片空白，所以暫時提供唔到更多服務

♀：我相信我會比到驚喜呢半個，亦可以令佢覺得，當時無揀你係一個錯誤！

♂：即係你想幫我出氣咁話嘛！咁我點報答你好

♀：請食飯得喇，你地食咩

♂：【連結】

♀：你都幾捨得喎，睇黎呢個女人唔簡單

♂：還好啦，佢依家係失婚狀態，所以我都想佢開心既，你唔會呷醋掛

♀：呢個世界咁多女人，如果你想搵第二個既有幾難？大把方法，要留低一個男人既心從來都唔係去令佢唔敢咁做，而係令佢唔想咁做，只要我比到你需要既所有野，你仲點解要出去搵啊？

♂：你咁有信心你可以比到晒我？

♀：盡力啦，我真係比唔到既，我都無辦法，到時你去搵啦，咁你比唔到我既野，我都會識得出去搵，應該都唔難搵既我諗

♂：天蠍座？你咁記仇既！

♀：唔係，你應該估唔到

♂：你今日有咩做啊？

♀：開工，今日忙啊……

♂：咁好啦，你做野先，我都做野，我會掛住你

♀：好，你乖乖地喇

♂：我要幫半個算命

♀：你又識，你仲要夠膽講，勁啊！

♂：你唔呷醋我怕乜講

♀：【圖片】Lunch，係咪好想食呢

♂：點解對手可以咁靚既

♀：傻仔

♂：仲未收工？

♀：收喇，依家返去，今日都係好夜

♂：咁你早少少休息啦，我聽日再同你傾～晚安

♀：好，晚安，我今日做野都係笑住咁做啊！

♂：傻婆

♀：哎呀，好肉麻啊，我頂唔順，你快d訓啦！！晚安

——

長傾·不見 第一回 @筆友
https://bit.ly/LongchatEP1
長傾·不見 第二十八回 @七夕
https://bit.ly/LongchatEP28
好久 不見 第一回@久違
https://bit.ly/LongtimeEP1
好久 不見 第六回@命運
https://bit.ly/LongtimeEP6

Cosmopolitan Magazine HK 10月號 cover story 全文
自導人生 周慧敏

(引言)
靜靜地起革命。不在外表，也不在本質。外表上，百分百天然美女周慧敏，仿似擁有凍齡魔法，毋負玉女掌門人稱譽。本質上，女神一如以往，自重自愛，自導人生，隨緣卻不會隨世俗規條起舞。改變，是在與擁躉，以至大眾互動層面，美女投進虛擬世界，盼將愛與信仰、正向能量的訊息，傳揚開去。坦言屬兼職藝人，淡出幕前卻仍緊扣社會脈搏；擺脫名利桎梏時，卻又善用名氣影響力，這也是一股微革命，一種生活模式的啟示。

(正文)
拍拖問幾時結婚，婚後問幾時生仔，產後問邊條起跑線⋯⋯遇見周慧敏（Vivian，暱稱阿V），毋須來這一套。皆因我們都知她早就升呢靚媽，「兒女」滿堂，湊個不亦樂乎。為了囝囝囡囡，像普天下的父母，女神不惜推卻工作，有錢唔賺，但求爭取寶貴親子相處時間。

一屋寶貝，貓眼看天下

還想將「世上只有媽媽好」歌詞送贈Vivian，她謙說自己當貓媽媽，尚有很多不足之處，不敢說成功，「過往數年花在貓貓的時間不夠多，幸好今年有所改善，多些留在家裏。況且多了兩隻病貓，更需細意照顧。」養貓經驗豐富，現時一屋八貓，媽媽對愛兒心理「巧」了解；若設「貓」處地，化身喵星人的阿V，這樣看萬物之靈：「不會待人類如主人般，事關我不是寵物，而是家人或好朋友。我更不想人類當我是狗。貓狗大不同啊，別將我訓練成理想寵物，別要求我學得一身本領去表演，只為討好人類。」Vivian繼續她的至理貓言：「我會用貓來形容自己──不愛受管制，寧願自律，不喜歡主動跟隨他人動作起舞。貓需要空間，有自己的生活模式，鍾意時會主動出擊，但切勿擅自搞牠。貓帶點神經質，不會掩蓋愛意，要愛就愛。」原來如此，對掌門人的一些出乎「人類」猜想的個人取態，也就恍然大悟。女性愈來愈識養生，懂得充實自己，造就社會湧現美魔女，不受年齡規限信心，樂意站出來表達個人正面的生活態度，言行便有感染力。

二人團隊，肋骨婚紀行

譬如當初人人都不看好女神和才子這一對。可是，兩口子於零九年訂下誓盟，至今無風無浪，安然度過七年之癢，讓事實證明一切。美人妻甜笑道：「結婚七年是『肋骨愛情』。借用去年推出的歌曲〈肋骨〉來描述：存在如同一軀體，苦與樂同一口徑；大家不論異同仍然為愛尊敬。」她解說：「一段男女關係，需要大家互相造就。婚姻是神聖的，兩人因承諾結為一體，要學的實在很多，如怎樣保護婚姻、 角色分配等，切要尊重大家的不同之處，更要體貼對方，擔當責任，如團隊般互相扶持，make a strong team。」當日倪生倪太的婚禮儀式從簡，刻下邁進肋骨婚紀念，意義深長，那會否效法一些couple，婚後多年才大鑼大鼓影輯靚靚婚照，進而大排筵席， 為的是留下美好回憶？「不會了。結婚是兩個人的事，我們的只是簡單婚照。我不鍾意party，喜歡有空間。」她的貓性大發，「我不會跟隨社會準則。我似貓，拒絕依從指定動作，僅按自己價值觀取捨。人家大搞婚宴等事就不去judge，尊重別人喜好和立場。最重要做自己開心的事。」

三角關係，人妻守立場

外柔內剛的Vivian，話淡出就淡出，這一年除了一碟一戲慰粉絲，近來就只有品牌活動，或替古巨基撐場，方見到女神芳蹤。尤其是對基仔，她確是「唔話得」，提到這段友情，阿V直指是三角關係，但就絕不怕雙方的愛侶誤會呷醋。「男女間相處，當大家都有伴侶時，要另一半感到舒服才發展友誼。從寶麗金年代已認識基仔太太Lorraine，她離職後我們keep住友好關係，到她轉幫基仔，將我介紹給他。平時我與基仔並無特別聯絡，均是透過Lorraine。純友誼不用太執着去諗吧。」究竟如何和男生發展純友誼，慧敏女神教路，「我的朋友圈子的確有深厚友誼的男生，可傾到心事，有問題可交托對方幫忙，前提是要愛侶接受。我的『男友』都與工作有關，大家不會去到好close的程度，且老公也相識。女方自動與男方保持一定距離，是尊重另一半的表現，不一定是伴侶要求。不單婚後和異性來往要知所避忌，拍拖期間都要自動自覺，勿待男方開聲。」

四面傳愛，善用觀眾緣

阿V雖然在娛圈做兼職，卻仍緊貼潮流大勢。她靜靜地起革命，「上次接受Cosmo專訪時，尚未投進網潮。現在我已開設了Facebook個人專頁，可與大家分享生活、工作、信仰和興趣，希望有良性互動。過往透過媒體與粉絲交流，不夠第一身，現在可直接表達，不擔心被扭曲、誤會，多了機動性和主導性。」常言道：食得鹹魚抵得渴，說來負面又委屈，Vivian就很有正面思維。「公眾人物的一舉一動很易成為焦點，凡事應三思而行。我出道很久，與觀眾一齊成長，有特別感情，與影響力成正比，這是gift，不要浪費，須小心運用。自己有責任發放正能量，忌渲染負能量，破壞社會和諧。」律己嚴，但不苛求別人，「每人自有選擇，專注工作或放懷玩樂，自負盈虧。我對自己有要求之餘，不會用個人準則批判人家。」

十卜原則，未來無定向

早前Vivian登上內地的綜藝節目，談養顏玩遊戲，十分enjoy；另一方面，對現時大熱的真人騷則有保留。女神曾獲邀參與，「經理人未問我已推卻。我鍾意做功課，接任何工作都要做足準備，這些節目背後自有遊戲規則，要加以配合，藝人拍攝時頗為吃力，不是觀眾表面睇到咁簡單。又須演出整季，經常離開屋企，所以暫時不考慮。」強國電視台雖然銀彈攻勢夠強，可女神早過了追名逐利的階段，依然堅守個人原則，不為所動。明年就是周慧敏入行三十周年，女神卻未有意大搞紀念企劃。「去年工作量好heavy，為福音碟做創作總監，又拍了《等一個人咖啡》，等如當了一年正職藝人。目前不敢commit三十周年紀念活動。（粉絲會失望喎）過往做了好多令fans開心的事。目前希望盡量減少工作，多些時間留給家人。入行紀念，明年才算，交給神。我的心態是，不要為工作部署，即興隨緣，讓個人進退有度便好。然而，不做事會out，適量工作是享受，投入自己主導大些的計劃，這樣可與時並進。且發覺近一兩年做得最有趣的project，不是預定，而是突然而來的。」不用plan，不想規限自己，像貓兒一樣，在人們意想不到時躍然現身，反帶來驚喜連連呢。(正文完)

V之最
平素優雅淡定的女神掌門人，也有花容失色的時候。

最瘋狂⋯⋯
「我很少講無禮的話。有一次深夜和先生在中環打完桌球，經過後巷，發現外國大隻佬用盛有物品的超市膠袋，一邊橫掃流浪貓，一邊向同行女人大笑，令我好嬲，雖然有段距離，亦用畢生力量大叫："Shame on you!"他可能感到羞愧，停手，走了。」

最尷尬⋯⋯
「曾當電視節目司儀，講錯得獎者名字，大感尷尬，身旁的鄭丹瑞想打圓場之際，可能我樣子儍儍的，突然台下有人笑說：『真係可愛。』原來是評判席上的霑叔，妙句融化現場氣氛，讓我順利完成工作。」

Text by Yvonne Yeung

伍詠薇喜歡翟威廉害羞表情
　
■伍詠薇與香港先生翟威廉出席活動互相欣賞。

　香港文匯報訊（記者　黃佩麗）由伍詠薇代理的美容瘦身產品昨日在中環舉行宣傳活動，應屆香港先生翟威廉擔任嘉賓，並即場為伍姑娘敷腳膜，令伍姑娘狀甚高興，笑言連老公練海棠都未試過為她這樣做。
...
　「香港先生永遠榮譽會長」伍詠薇這次是與翟威廉初次合作，但他們卻表現得十分合拍，無論跳舞或弄蛋糕都極有默契。她說：「翟威廉既斯文又靚仔，加上文武雙全，他又好陽光氣息，在聖誕節派對上一定是很多女士的目標。現在是單身男仔，要學學如何逗女孩子開心。」旁邊的翟威廉聞言尷尬陪笑，伍姑娘更指翟威廉害羞的一面很吸引她，記者指她不怕昨日也在場的老公呷醋嗎？她笑說：「這麼多年來，我都只是看而已！」伍姑娘又說稍後會引進一些男士產品，到時希望可與翟威廉合作。

http://paper.wenweipo.com/2010/12/17/EN1012170003.htm