廣播劇係我認為我喺Gimme 5做過最自豪嘅事。
自豪唔係因為我覺得做得夠好，
極其量其實只算合格。
回顧故事鋪排、mixing、宣傳上⋯⋯
都做得唔夠fine。
咁點解仲值得自豪？
因為我未做過，
甚至未見過成個完整流程係點做。
由零開始，
大部分時間一腳踢去完成一件事，
仲經歷過求助無門嘅時候，
（好記得南山邨有間士多話借俾我做press con，約哂人之後，再去多次site visit 時老細個仔話無應承過！唔借！）
而家睇番，力有不逮卻算有交代。
當年，有好評亦有負評。
有人批評我唔知醜，
自己做套劇嚟俾自己做女主角、
用公家時段嚟宣傳自己、
出劇為本書賺錢⋯⋯
事隔多年⋯⋯
我都認為我無～問～題！
大佬，無偷無搶，搵食啫。（仲要搵唔到，我話喺香港出書搵到食你都唔信啦）
機會係自己製造，
自己都唔幫自己，
請問點解會覺得有人會咁得閒幫你製造機會？
結果好與不好，起碼儲下了經驗，
沒有白白浪漫了等待下一次機遇來臨前的時間。
但，一人之力畢竟有限，
而Gimme 5令我嘅得著之一就係人脈。
我真係數唔到究竟我因為呢個節目而識到幾多人，
喺度想多謝所有上過嚟嘅嘉賓，
不計酬勞（其實多數都係無），拔刀相助。
而栢原太賀 @kashiwabara_30
同陳詠燊 @sunnyhahaha_chan
就更由嘉賓變成戰友，
分別同我合寫「留下士多」、「唐七太空站」廣播劇。
多謝你地兩位嘅文字及才華，
令我可以一嘗創作劇本嘅滋味。
也感激你們的紅線令廣播劇延伸成小說，
在此也再次多謝今日出版 @todaypublications
及 @enlightenfishhk 亮光文化。
還有，就是多得歌手們及
電台上下一班兄弟姊妹不嫌麻煩幫忙聲演，
特別是 @ballshing ，
還記得當年你陪我半夜在電台周圍搵架生錄effect，仍然感激。
最重要的是上司們，
重哥、棠哥、材爺、Wendy、程程、信信⋯⋯
等等都容許我在Gimme 5的平台上實驗我的作品。
劣作保留，初心仍在，
期待下一場聲音和文字的旅程。
#待續 #Gimme5 #神奇之旅 #廣播劇篇 #留下士多 #唐七太空站 #好多相都搵唔番 #但多謝當時幫我地整劇照嘅兄弟們 #倒數第2天
