Search
#潮流新知
【同電腦玩猜猜畫畫】
一大班人玩猜猜畫畫嘅時候，總會因為某啲朋友嘅「鬼斧神工」而鬧好多笑料！
唔想俾人恥笑？得閒喺Google最近推出嘅「AI Experiments」網站入面一個叫「Quick, Draw」嘅小遊戲（去呢度玩： https://quickdraw.withgoogle.com ）練下畫功啦！
如果連高智慧嘅電腦都解讀唔到你畫緊咩，可能就要惡補下啦！
影片來源：剪輯自YouTube @Google Developers
#aifie #GoogleGame #AIexperiments #QuickDraw #猜猜畫畫 #Pictionary #畫功 #畫得唔好都唔驚俾人恥笑 #不過有啲英文生字唔識解㖭 #順便學埋英文
咁大個女，第一次去落雪嘅地方，今次朋友仔選擇咗去輕井澤滑雪。我哋由淺草出發，自駕遊去輕井澤，雖然朋友仔第一次揸雪地，但係都揸得好穩陣，負責做乘客嘅我坐得超安心～
我哋一行4人全部都係初哥，未滑過雪，所以揀咗相對較易嘅Ski，換好衫就開始跟教練去玩，大家要記住，嗰幾百蚊教練費係絕對唔慳得，否則就只會將時間浪費晒喺跌跌跌跌跌上面。滑雪首先要學識嘅係點樣停低，因為根據地心吸力，喺坡道上我哋係會好自然地向下滑，所以唔洗學加速都得，反而一定要學識停低！
作為初哥，我覺得Ski都幾易上手，只要唔好驚跌就得，決定下次要挑戰玩Snowboard！其實滑雪最難唔係滑落嚟，而係行上去...... 所以我下定決心，下次要離開新手區，搭吊車上山，唔要再自己行上個斜坡！
滑雪裝備小Tips：
1. 睇天氣做人，如果厚雪就可以放心跌，如果唔夠雪就最好墊定毛巾喺patpat位，如果唔係會跌到好痛:(
2. 一定要著防風雪褸同埋戴防水手套，因為只要濕咗就會好凍，凍到隻手冇晒知覺好得人驚！
3. 雪褸入面唔需要著太厚衫，因為會係咁出汗，當日得零下約十度，仲間中大風有雪，但係我雪褸入面都只係著咗一件吸汗質地背心、一件長袖底衫、一件普通薄長袖面衫，千祈唔好著羽絨呢類極保暖衣物呀，會出晒汗架～ 不過頭同頸就一定要保暖，暖好帶冷帽同面罩或者頸巾。
4. 只要去落雪嘅地方都應該小心選擇著咩鞋，相信大家都仲記得大帽山上係咁跌嘅嗰班人，當日我喺輕井澤著住對DrMa，每行幾步就跌一下，當下直頭想除咗對鞋佢，可惜除咗鞋就唔止跌，恐怕會死......
*** 如果想錄低滑雪嘅精彩畫面，最好帶定隨身充電器，因為天氣太凍電話就算有電都會開唔到機，呢個時候只要差一差電，佢就會重新運作得返～
大家有冇咩滑雪貼士呀？等我下次挑戰Snowboard嘅時候可以繼續表示輕鬆～
===Travelling Mandy 漫．遊世界===
https://www.facebook.com/travellingmandy
