米迦 Micah：芝娃娃又含血噴人
喺關注美國進入咗緊急狀態嘅同時，有單咁嘅新聞都幾好笑。
話說我琴日寫咗個故事，講一隻無賴蠢熊，入面就講到呢隻無賴蠢熊就話佢屋企嘅煤氣係人哋灌入去嘅。果不其然，呢隻無賴蠢熊又放佢啲芝娃娃出嚟咬人。今次呢隻姓趙嘅芝娃娃就話係啲病毒喺由美軍喺十月帶去某國嫁喎，不過佢就得個講字，又無證據證明，老實講唔係後面有人拉住佢嘅話，佢又點敢吠得咁大聲啊？不過美國今次就是可忍孰不可忍喇，一於還拖。
根據路透社嘅消息指出，喺啱啱無幾耐之前，美國國務院就召見咗中國駐美大使崔天凱，用一個好強硬嘅姿態對崔天凱表示抗議，話中國咁樣散播陰謀論係十分之危險而且荒謬嘅事，美國係唔會忍受呢啲咁嘅嘢。而當被問到對美國召見嘅呢件事有無乜嘢想講，崔天凱就一粒嗲都無講到，唔知係淆底定係乜嘢啦。老實講，呢啲咁嘅膽小鼠輩，點配做王樣維尼嘅大使啊？俾人窒兩句就粒嗲都無，點樣雖遠必誅啊？
不過孟子都有講過：「夫人必自侮，然後人侮之；家必自毀，而後人毀之；國必自伐，而後人伐之。太甲曰：『天作孽，猶可違；自作孽，不可活。』此之謂也。」堂堂一個國家嘅外交部發言人居然玩到發表陰謀論咁出位，你就知呢個國家嘅國體喺國際之間本來都無乜值得俾人尊重嫁喇，返去幫你個皇帝「通商寬衣」啦。
#芝娃娃外交
#屈字堆
#當全世界都小學學歷咩
延伸閱讀：
https://www.reuters.com/article/us-health-coronavirus-china-diplomacy/u-s-summoning-chinese-ambassador-over-beijing-coronavirus-comments-u-s-official-says-idUSKBN2102XW?utm_source=reddit.com
