睇左重溫未？我未呀！
留定條link俾大家得閒重溫啦！
https://www.rthk.hk/…/dtt31/pro…/legaljourney/episode/559997
近日播出嘅港台節目《現身說法 A Legal Journey》，搵咗樂壇新人陳凱詠 Jace去飾演2001年居港權案嘅其中一位新聞人物談雅然。今次係阿Jace歷來演繹最立體嘅一個角色。難度甚高之餘，亦令佢印象深刻。
阿Jace同我哋講，談雅然呢個角色所經歷過嘅大起大跌，確實令佢響演繹嘅時候，驚嘆呢個女仔嘅能耐。而由於呢個角色係源自真實個案，所以響演繹嘅時候，佢需要盡量跟隨真人嘅反應同取向。令阿Jace最難忘嘅一幕場景，係當談雅然知道終審法院就佢嘅居港權判佢敗訴之後，佢響父母陪同之下被傳媒追訪到爆喊嘅一刻。呢幕新聞畫面，對於當年曾經關注過呢件事嘅香港人嚟講，相信仍然令人印象難忘。就連為咗演繹呢一幕而喊到收唔到聲嘅阿Jace，都感受到談雅然響果一刻嘅心情，係有幾咁複雜。
年輕一輩可能未必知道談雅然嘅身世。1986年響廣東省江門市出世嘅佢，被一對擁有香港永久性居民身份嘅夫婦領養之後，嚟到香港定居。期間佢只能夠獲發「行街紙」，而一直無得到香港嘅居留權。2001年7月20號，終審法院裁定根據基本法第24條，由於領養子女並唔係由父母親生，所以判談雅然嘅居留權申索敗訴。但由於當時社會各界對佢嘅遭遇，普遍表示同情，時任入境處處長李少光，決定行使酌情權，暫緩執行遣返談雅然。直到同年十月，談雅然獲內地當局發出單程證，自此正式可以響香港合法定居。今時今日嘅談雅然，已經搖身一變，成為香港大學法律學院嘅畢業生之一。
#See生活
#陳凱詠
#談雅然
#現身說法
#香港大學法律學院
#居港權
#終審法院
#港人內地領養子女
#當年外界對談雅然普遍表示同情
#如果換著今日可能會係另一回事
#由自己嘅個案了解法律精神
當年外界對談雅然普遍表示同情 在 暫緩執行遣返談雅然，同年十月，中國批出單程證 的推薦與評價
... 談雅然敗訴；但由於當時社會輿論及大眾對談雅然的遭遇表示同情，入境處處長遂行使酌情權，暫緩執行遣返談雅然，同年十月，中國批出單程證，最後讓她 ... ... <看更多>