HK01 既野之前因為種種原因, 我自己少睇, 更少會share，不過今次呢個題目我自己真係好鍾意。
有睇我直播既朋友都知我同旺角某幾間Game鋪關係好好，有d就係因為我細細個已經喺佢地度買Game，又有間係因為我正式做左記者、又或者呢種叫「KOL/Youtuber/3i老細」之後開始熟既鋪，要數就一定要講電気良品。
好多巴打都話佢地鋪頭好撚串，又無禮貌，買Game好似受氣咁；但我都有同巴打講，電気良品入面每個同事、前輩、老細，都對我地呢d真係做Game既人好好，當希治閣仲係無人識既時候，老細文哥、行內前輩Jack哥都幫左我好多好多，亦教左我好多野；如果你話買Game好似去食野，大家係買服務，老老實實去電器良品真係幾貼錢買難受；講價會比人屌 、阻人做野又會比人屌，成件事就好似你去澳牛：好貼地，好香港。
我都試過比佢地趕出門口唔做我生意(當時係炒價買Game，比佢地鬧到趕出門口)。又試過想貪過癮想買D 貴價手掣比佢地話你未必用得到迫我冷靜下先再返去買；有時我直播同大家講：「去朋友鋪頭買野要比12折」都係佢地教，始終香港地搵食真係難；仲有好多好好笑嘅野，每件事都比平時出去其他game 鋪買隻Game 更有交流，更似朋友。
可能我個人麻甩(又或者抖M)，大個之後好少有人(特別係唔係親戚)，真係會因為關心你而鬧你，買Game 買得多仲會比人鬧「買咁x多你玩唔玩得曬呀？」
呢件事我就覺得有血有汗有感情有溫度，最起碼夠膽拎錢放落香港人身上而唔係放上大陸既商家，電気良品有一個。
#又賣廣告
#無收錢唔算廣告
#當日我地Sell3i嘅片比Game鋪播
#文哥諗都無諗就話無問題
#3i恩人系列
#雖然訪問入面好多嘟
#但聽得出文哥已經收左掣
#如果唔係個訪問未必出到街
