我係預言家（上）
十八歲生日，阿爸話畀我知，我哋係鬼谷子後人。
我笑咗：「鬼谷子都係二千幾年前嘅人啦，你仲知佢係你祖先，咁犀利啊？」
「其實我都唔知我哋係咪佢後人，不過你爺爺當年咁同我講，我依加咪咁同你講。」
阿爸突然嚴肅起來：「總之，無論係邊個後人，我哋嘅血脈裡有一個祕密。」
阿爸解釋，我哋體內有「預言之血」，成年後，運用血脈，可以作出一個準確嘅預言。
但預言之後，「預言之血」就會消失，所以一生人只可以作一個預言。
阿爸拎出一本秘笈：「呢度係運用『預言之血』嘅方法。」
「阿爸，咁你預言咗乜嘢？」我完全唔信，我屋企好窮，如果佢真係有預言能力，隨便預言吓彩票、六合彩，點都做到中產啦。
阿爸苦笑：「呢樣就係我要講嘅嘢：如何合理運用預言機會。」
阿爸開始講佢嘅過去，一開始知道自己有預言之血，佢都好開心，一心想做一番大事。
佢心思思，未決定到應該預言乜嘢，呢段期間，佢同阿媽結咗婚，生咗我。
阿爸更加想揀一個最正確，畀妻兒更好嘅生活。
點知，阿媽病咗，入咗醫院，病情迅速惡化。
驚惶失措嘅阿爸，動用咗生命中唯一嘅預言機會，預言阿媽會唔會好番。
結果係，唔會。
預言非常準確，阿媽無幾耐就病死。
我沉默咗一陣：「你咁樣預言，改變唔到任何嘢。」
如果阿媽會好番，阿爸唔預言，都一樣會好番；如果阿媽會死......
「我明白。」阿爸苦笑：「但嗰陣佢好辛苦、好痛，佢捉住我隻手問：『我會唔會死？我仲未睇住個仔大.....』我真係好驚，我唯一想知嘅嘢，就係佢會唔會好番。」
阿爸繼續講：「我無本事，賺唔到錢。有時你羨慕同學可以出國旅行，我都好後悔㗎，應該留番個預言嚟賺錢，等你生活得好啲。」
我只可以拍吓阿爸個膊頭，相對無言。
阿爸神情沉痛，我開始有啲信佢講嘅嘢，我接過佢手上嘅秘笈，揭咗幾頁，望吓上面嘅指示。
我都未照做，我就全身一熱，有一種血脈沸騰嘅感覺。
「你體內嘅『預言之血』，發出共鳴啦。」阿爸好欣慰咁點點頭。
然後，阿爸慢慢解釋預言嘅要求。
首先，預言只可以預知將來會發生嘅事，唔可以解答非預知性嘅問題。
例如你問：「點先可以發達？」「我未來老婆喺邊度？」預言係答唔到。
但就可以問：「聽日邊隻股票升得最多？」
「我幾時會遇到我嘅另一半？」
阿爸嘅個人感悟係，千祈唔好預言啲無法改變嘅事。
阿爸仲講咗好多例子，話佢聽阿爺講，我哋祖先嘅祖先運用「預言之血」，幫邊個皇帝奪得天下......
我忍唔住問：「奪得天下要搞咁耐，預言一次就得？」
阿爸諗一諗：「古人生得仔多，一個家族幾十人有預言之血，輪流預言幾十次，乜都搞掂啦。」
阿爸拍吓我個膊頭：「希望你善用呢次機會，改變人生。」
我用力點頭，開始思考，到底預言乜嘢最好？
雖然我都好想知道，我女神會唔會俾我追到，但呢種預言改變唔到現實，毫無意義。
所以，都係用預言嚟賺錢最好，大丈夫何患無妻。
預言股票、樓價，固然可以大賺特賺，但首先需要成本。
我同阿爸都一貧如洗，好明顯唔適合咁做。
我又諗，不如投靠一個富翁，用預言能力換嚟一大筆錢，下半生無憂。
但係我就咁話自己係預言家，無人會信我；
預言能力只可以用一次，一旦用咗嚟證明，之後就用唔到嚟幫個富翁。
所以，最適合我嘅方法似乎係，六合彩。
阿爸都覺得好有道理，於是我按照書上嘅指示，運用「預言之血」，心中默念：「我要預言下一期嘅六合彩號碼！」
我進入咗一種奇異嘅狀態，血脈沸騰，食指開始自己移動，開始喺紙上以極慢嘅速度寫數字。
上集：https://bit.ly/3dMeK0K
將專頁設定為「搶先看」/ "See first"，最新故仔馬上睇！
唔開心係一種傳染病：https://goo.gl/RGsEqg
黑洞遊樂場：https://goo.gl/rGiVX3
#短故 #短篇 #小說 #陳美濤 #廣東話 #粵語 #tomatochan #我係預言家
發達秘笈粵語 在 [閒聊] 發財祕笈7大招式- 看板HK-movie - 批踢踢實業坊 的推薦與評價
請問有沒有人知道"正確的"發財祕笈七大絕招
目前看到網路有流傳兩個版本
有點搞不清楚到底哪一版是對的??
版本一:
把握機會 埋沒良心
虎假虎威 以虎制狼
黑鍋不背 困難要推
關心社會漏洞 建設自己荷包
是非最好做人情 升官全憑耍陰謀
好話多說 馬屁勤拍
六親不認 死路一條
版本二:
把握機會 埋沒良心
是非最好做人情 升官全憑耍陰謀
好話多說 馬屁勤拍
酒色財氣 借刀殺人
狐假虎威 以虎制狼
黑鍋不背 困難要推
六親不認 死路一條
--
※ 發信站: 批踢踢實業坊(ptt.cc)
◆ From: 118.163.51.166
... <看更多>