「其實人生並非虛耗，何來塵埃飛舞？」成日都聽到
呢句"人有三衰六旺"，運氣呢樣野唔會比你用足一世，
總有高低之時。我記得細細個學打麻雀果陣，嫲嫲
就教我如果每個人鋪鋪都拎住好牌，咁個個咪李嘉誠？
就算渣住一塊爛牌，你都要學識識打好佢。所以自細
就領悟到原來爛牌都有得食雞糊已經好滿足，
但係對住美食當前，要滿足個胃黎講，咁就唔係咁易啦。
黎到銅鑼灣呢間靜中帶旺既西班牙名菜「Tapa Room」
一於有理無理，好牌定爛牌，幾大都放縱下自己，食盡佢！👇
-
📌H O T · T A P A S -
▪ Bikini Sandwich w/ Foie Gras- $78
▫ 最鍾意西班牙菜既Tapas，每款細細份，可以試到
唔同口味，又唔會撐飽個肚。先黎個「鵝肝比堅尼三文治」，
三文治表面烘到非常金黃鬆脆，口感係岩岩好
"索索聲"。加埋陣陣鹹香既鵝肝醬，
食落唔會覺得太膩，唔錯。
-
📌C O L D · T A P A S -
▪ Jamon Iberico 24 Months- $88
▫ 講到送酒既冷盤一定走唔甩「西班牙黑毛豬火腿
24個月」，黑毛豬既油脂係口腔裡面非常濃郁，
每一塊融化既過程當中，濃度漸漸減退。
而鹹香味唔會好刺喉，好舒服既，
帶少少油潤甘香，食得過！
-
📌W E · H A V E · S O M E T H I N G · N E W… -
▪ Grilled Octopus Leg In Mojo Verde Sauce - $128
▫ 講到西班牙盛產既不得不提呢個「烤原隻八爪魚
腿配西班牙青醬」，餐廳嚴選食材，用既八爪魚都係
由西班牙空運到港。呢個經過慢煮同埋烤焗後，
表面做到少少焦香，切開裡面係見到肉質係好白滑，
處理既時間唔會過熟。而Size厚薄適中，
食落肉質相當軟腍有咬口，加埋西班牙青醬
一齊食更加惹味。
-
📌M A I N · C O U R S E -
▪ Piri Piri Honey Roasted Spring Chicken - $98/Half
▫ 主菜方面今次試左呢個「霹靂蜜糖烤春雞」半隻，
雞肉經過慢煮再煎封，所以雞皮煎到香脆之餘，
裡面切開肉質仲保留到嫩滑多汁。雖然Size得半隻，
但脂肪比例平均，啖啖都係肉，份量仲夠兩個人食用。
加上用左西班牙煙紅椒粉同埋些厘醋一齊焗，份外濃香！
-
▪ Seafood Paella - $188(For2)
▫ 如果唔嗌返個「西班牙海鮮鍋飯」，點對得住自己呀。
當地家喻戶曉既名菜之一，基本上每一間餐廳/住家既
食譜都會有所不同同。而呢間既出品性價比係好高，
大大盤鍋飯上面鋪滿哂青口、魷魚丶海蝦、蛤蜊，
夠哂新鮮之餘，吸收哂湯底精華，完全係無得輸呀。
而飯粒口感結實，硬度適中，偏有咬口多少少，
必定要試！
-
📌G I N & T O N I C -
▪ Tanqueray (House) - $75(H.H)
▫ 眾人皆醒我獨醉，有佳餚就無理由無美酒相隨既，
整返杯Tanqueray就最好不過啦。以Gin做Based，
再加埋青柑果乾、紫羅蘭、杜松子、西袖、Tonic Water
同加強成個香味，飲落感覺好清新舒服，最後Bartender
會將灼燒過既Rosemary放埋落去，個香味更加突出。
-
📌T A N Q U E R A Y · S P E C I A L S -
▪ Anythyme - $98(H.H)
▫ 另一杯招牌Tanqueray特飲，同樣用左Gin做Based，
加埋青瓜、青檸、接骨木花糖水。倒係Balloon Glass裡面，
特別適合打卡！飲落清清甜甜，岩哂一眾少女口味啦。
-
📍 Tapa Room
🎈銅鑼灣告士打道218號君臨海域酒店地下A舖
白灼八爪魚食譜 在 廣東夜市美味【白灼八爪魚】，6秒煮出Q彈爽脆小章魚！簡易 ... 的推薦與評價
廣東夜市美味【 白灼八爪魚 】在家聚餐要吃好！蘸小海鮮的簡易版 白灼 汁，配方記牢，不管做什麼都好吃！【我们用心做好每道菜，让您的餐桌有滋有味！】 ... <看更多>