兩套台慶劇收視交到貨，但劇情無驚喜。
正如視帝祥的訪問所言，大台的劇是拍給老人家看的。關於這段訪問，淨係聽聲以為訪問緊荷蘭叻，因為水平一樣，鬧TVB等於無良心？其實就係發覺佢嘅良心唔見左先想駡醒佢，不過看來真係嘥氣，會執迷不悟到底！看到視帝祥首部陸劇在香港的收視，我相信世間原來有現眼報，我飲住咖啡，睇住日劇，等睇《雞翼》腰斬。
話分兩頭，大台劇專拍給老人家看是正確的，所以無論後生個代點杯葛，佢仍然好似建制派雖然區選大敗，但選票上仍然有四成基本盤支持一様，所以收視點都叫做企得穩，我們也應該支持老人家睇劇的權利。不過，去到《雞翼》咁嘅質素，連基本盤都頂唔順，老人家都罷睇，大台收視才會真正崩盤。看看今年兩套台慶劇，都應該是視帝祥口中的老人劇，劇情清楚過「講清講楚」，橋段老土常見(其實套套大致係咁)，尤其是巜解決師》，而《牛下》攞明玩懷舊，專吸老人家。而成績表終於有了，兩套都唔過26點，《牛》全劇平均收視25.8，因大結局一集有30.7，有慶功讌開。而《解決師》全劇平均25.68，同《牛》差不多，但要留意製作費同《牛》差很多，而且沒有一集過30點，應該不太符合預期，而作為台慶劇，兩套收視都三甲不入，未計《好功能老婆》，今年收視三甲是《鐵探》(28.85），《白色強人》(28.64)和《金宵大廈》(27），所以這兩套收視成績唔算差，交到差，尤其在目前情況下，但故事真係唔太吸引，所以沒有集集睇晒。
