關於 白魚蛋 食譜 ，我們在網路上蒐集到這些相關的討論、資訊與評價

食譜從來不輪到我寫，無飯煮婦嘛！不過簡單的菜式倒是可以跟大家分享一下。除了各式各類的調味料，我家一定長期有清雞湯，水烚菜時放些少、蒸水蛋時又放些少，簡簡單單就能帶出鮮味。

今次就用家樂牌純鮮清雞湯同大家分享一個快靚正的紫菜豆腐湯！話說這個菜式是當年妹妹陪月教我整的，哥哥妹妹都好喜歡，非常容易！但要煮到自己喜歡的杰度口感和味道，都是需要經驗和時間累積，雞湯也有特別挑選過哦，這款純鮮清雞湯嚴選無添加激素飼養靚雞熬製而成，無添加味精、無添加防腐劑及無添加人造色素，不含脂肪，澳洲製造架，可以放心用呢！

準備材料：紫菜、白魚蛋（我們用一排的那款）、豆腐、雞蛋、清雞湯
煮法：水滾後先放清雞湯再按次序放：紫菜、滾起再放白魚蛋、滾起再放豆腐，滾多十五分鐘放蛋花即成

我沒放其他調味，清清地好簡單，大家都試試煮這個紫菜湯，作為飯前小吃或下午茶暖暖胃也不錯呢！

#家樂牌 #家樂牌純鮮清雞湯 #清雞湯 #無添加味精 #無激素 #無添加防腐劑 #無添加人造色素 #無添加激素飼養靚雞 #不含脂肪 #愛環境食材 #Future50Foods #住家餸

xxx
沒法擺脫文字 • 十二年曰
捲土重來，先follow後更新
https://mewe.com/p/siuchi
個人網站：http://siuchi.hk/
Facebook：http://www.facebook.com/duckiesiuchi
Instagram：https://www.instagram.com/duckiesiuchi

天氣一回落些少就想晚晚打邊爐！今個冬天已經在家打足八次，熱情仍在呀！配料來說，我們通常都是海鮮同牛、蔬菜方面就例牌豆腐、油麥菜、粟米同幾粒丸同烏冬攪掂，在自己家慢打兩小時，自從成功製作過自家製《蜂巢豆腐》後，已經成為每次打邊爐鐵膽成員，好易整又健康好味，支持多豆腐、少肉，而且口感一流！

零失敗分享：我選用百福®️硬豆腐製作《蜂巢豆腐》，首先將成盒硬豆腐放進冰格冷藏一晚，然後第二日放入雪櫃攝氏4度下解凍一晚，打開包裝倒出多餘水分，切開幾份就可以放落去滾喇！口感好好而且不易散，崇尚健康之理性的人居然話如果放落韓式部隊鍋仲正喎！除了製作《蜂巢豆腐》，平時都可以用硬豆腐煲湯，蕃茄豆腐湯同紫菜白魚蛋豆腐滾湯也是我們家的湯水常客，仲有個小貼士，其實百福®️豆腐新包裝有QR Code，scan 一下就有不同豆腐食譜喇，加上係用加拿大一級非基因改造大豆製成，每日香港新鮮製造，包裝乾淨同方便存放，今個週末又打喇喂～～～～

#百福豆腐 #煮出百家滋味祝福 #加拿大一級非基因改造大豆 #百福濃豆板豆腐 #百福硬豆腐 #DIY蜂巢豆腐 #在家抗疫 #百福豆腐鍋 #點滾都滋味 #健康打邊爐 #scanQRcode睇豆腐食譜

xxx
沒法擺脫文字 • 十二年曰
捲土重來，先follow後更新
https://mewe.com/p/siuchi
個人網站：http://siuchi.hk/
Facebook：http://www.facebook.com/duckiesiuchi
Instagram：https://www.instagram.com/duckiesiuchi

【平價高質凍肉尋寶記 - 九龍篇】
好多朋友問我，好想跟我買平靚正凍肉，但又唔想入到新界咁遠，有無其他好介紹呀。

今次我就偷偷地公開我嘅私藏凍肉筍貨店俾大家啦～🙊只此一次，記得好好收藏及tag埋朋友一齊掃貨啦

雖然真係好想自己私下收藏，但獨樂樂不如眾樂樂，都係同大家分享先係最開心🥳。想大家買多D平靚正食材，食材優質價錢卻經濟實惠，煮俾屋企人食，食得靚D健康D又唔會太肉赤，先係煮婦最希望既。

今次呢間凍肉舖係位於平民的深水埗區，亦係我經常光顧的小店之一，種類非常之多，價錢比一般大型超市都平最少1/3以上，有d品種亦係市面上少見既，每次去都好似如獲至寶一樣，睇下有咩新出既筍貨，揀揀下都買幾袋走架😂😂真係可以開心一整天。

最近又入左好多靚貨
同大家分享一下必入十大心水推介💖💖

1. 泰國無激素無骨雞翼1KG裝 $95
大愛呢個產品😍😍懶人最岩啊～唔洗拆骨可以做糯米釀雞翼、蝦膠或者墨魚滑釀雞翼，講起都流曬口水🤤大大包賣$95，出面賣開$110-$140呢個價位，真係全市最平

2. A5 和牛肉眼蓋/日本和牛火鍋片
雪花勁靚，價錢都係$150左右，已經有10幾件，凍凍地打邊爐或烤肉都正到爆，食得夠招積架

3. 丹麥無激素豬扒、豬鞍、豚肉火鍋片、豬腩片、日式叉燒等
呢期大家都好擔心食用豬肉的安全，呢度有丹麥直接入口的急凍豬肉產品，仲要無激素，知道來源真係食得好放心，價錢仲要同一般凍肉差不多，$20-$30已經有交易，非常抵食架！仲要成個凍櫃都係丹麥入口產品，無激素雞胸雞翼都有售，可以一次過入貨

4.美國安格斯西冷扒
$100已經有差不多一磅(16安士), 買定放冷藏格得閒煎個牛扒，同愛人響屋企撐枱腳也很方便

5. 長州大魚蛋(白魚蛋)/陳皮魚蛋/芝士獅子狗
呢度嘅急凍丸類有成兩個大冰櫃咁多，可以話真係咩丸都有😍😍，好似唐老鴨去左金幣池咁開心。第一次見有長洲大白魚蛋賣，成粒乒乓波咁大好誇張。芝士獅子狗都好好食，夠邪惡。仲好方便有陳皮魚蛋賣，可以跟我食譜做街邊風味魚蛋咯😙😙

6. 韓國急凍餃子
呢隻牌子嘅韓國餃子，響大型超市買， 20幾蚊得幾隻，仲要係已經特價價錢。呢度一大包500g先賣$20，真係超抵食

7. 3L特大北海道帆立貝
超大粒第一次見😱😱😱一粒有我8隻指頭咁大，大大包先賣$159，就咁簡單整個牛油蒜蓉焗帶子已經勁好食～～餓！

8. 加拿大白豚豬展 $30
煲湯最岩～又有質素保證

9. 美國牛板腱頂級火鍋片
呢個都係正野黎架，打邊爐必入

10. 日本油甘魚鮫$78
用來做日本晚餐夠哂好味～鹽燒最正

同場仲有好多西餐凍肉食材啦，又有好多唔同嘅醬料，真係可以一次過掃到勁多貨架，買得超開心。鋪入面仲有一隻非常可愛的旺財肥貓，大家買嘢嘅時候可以同佢打聲招呼架～

去完深水埗掃凍肉，附近仲有好多平民美食，一次過試埋，可以玩足半日，記得參考我之前嘅深水埗美食推介啦～～找不到既話記得話我知😌

魚蛋是香港最具代表性的街頭小食，潮式港式新加坡式，或彈牙或軟綿或魚味十足，再淋滿香辣開胃的咖喱汁，誰會不愛﹖精選以下八間美味咖喱魚蛋店，港九新界都有，總有一間合你心意。

撰文：楊志強

1.林昌記
地址：葵芳葵涌廣場2樓2003鋪
電話：無
營業時間：星期一至日12nn-10pm
評分：3.3/5
詳情： https://goo.gl/RK6utu

於深水埗夜市成名，以自家製、不經油炸的白魚蛋為主打，魚味濃，質感柔軟但不死腍，近年火速發展至尖沙咀、旺角都有分店。除了原味，其實咖喱魚蛋也頗出色，咖喱辣香有層次，不是一味死辣，缺憾是不太入味，只是外層染上味道。魚蛋以外，還有黃金魚角、魚肉生菜等小食。最新分店位於葵涌廣場內，客人不算多。


2.彈彈旦
地址：旺角廣華街1號仁安大廈地下14D號鋪
聯絡： https://www.facebook.com/aldenteballs/
營業時間：12nn-11pm
評分：3.4/5
詳情： https://goo.gl/q7sm88

旺角有眾多小吃店，開業兩年的「彈彈旦」是其一，主角就是主角。即叫即炸的魚蛋最出色，質感佳，香脆不油膩，有大魚蛋及正常魚蛋兩種大小，另外有不經油炸的白魚蛋。
特點是口味款式多，勁辣粉、避風塘粉、芝士粉、煙肉芝士、黑椒蜜糖、小辣椒等多款口味，招牌是初炸椰子油咖喱，蘸滿醬汁的魚蛋辣香刺激，很開胃。同時有雞翼、墨汁墨魚、炸三寶等，但無大特色。

3.渣哥一九九六
地址：銅鑼灣渣甸街30號B鋪
電話：2420 0678
營業時間：星期一至六7am-11pm，星期日7am-9pm
評分：3.3/5
詳情： https://goo.gl/7GS51R


賣魚蛋有多好賺﹖連港姐冠軍譚小環六年前都投身這市場，更開了三間店，便可知一二。腸粉燒賣炸鯪魚球固然有，但主角肯定是咖喱魚蛋，醬汁濃稠，魚蛋煮得入味，咬下質感爽彈，蘸滿沙嗲醬後，更加惹味。

4.林記小食
地址﹕紅磡差館里21號
電話﹕無
營業時間﹕10AM-10PM
詳情： https://goo.gl/sLq8cP

以自製魚肉燒賣聞名的街邊小店，亦有較少見的牛肉燒賣，放工放學時間必定有人龍。另一名物便是魚蛋，不少街坊支持，雖然略嫌煮得過腍，但醬汁好味，以蠔油、辣醬煮成的自家製醬汁，是惹味甜辣而不會一味死辣，相當開胃，十多年來都是紅磡區人氣店。

5.姨婆瑪麗
地址：北角北角道10號北角亞太商業中心地下1號鋪
電話：2111 8843
營業時間：12nn-9pm
評分：3.5
詳情： https://goo.gl/95Nt9H

除了小食店，車仔麵店也有好吃的咖喱魚蛋。北角這家標榜馬來西亞風味的車仔麵店，跟怡保一名廚師合作，店內清湯、咖喱醬全在當地煮好後，雪好送來香港，口味地道，以辣椒、薑黃等香料煮成的咖喱醬，辣得醒神鮮活，把人吃得滿頭大汗，味道出色。魚蛋有馬來西亞傳統的西刀魚蛋，滑溜中帶點魚的鮮甜味，醬汁煮得非常入味，不能不吃。
店內另有雞翼、豬皮、冷當牛腩等車仔麵配料，味道都不錯。

6.東源小食店
地址：長洲海傍街 30號後座地下
電話： 2981 9683
營業時間： 星期二至日11am-7pm，星期一休息
評分：3.5/5
詳情： https://goo.gl/pEzjVp

數魚蛋，不能不提長洲大魚蛋。人人到長洲都一定會來一串。做得最出色是這間位於碼頭附近的小食店，醬汁選擇多，麻辣、勁辣、青咖喱、黑椒、沙嗲等不同辣味通通有齊，不只多，口味亦出色，勁辣咖喱加入四川辣椒粉熬煮，辣得刺激極端，嗜辣者必定會喜歡。

7.M8香港咖哩魚蛋專門店
地址：元朗教育路54-66號順發大樓地下F號鋪
電話：2476 0923
營業時間：星期一至日11am-1am
評分：3.4/5
詳情： https://goo.gl/7FGLoD

元朗新開張車仔麵店，黑白裝修夠搶眼，主角是咖喱，店主曾在成都開設咖喱店EGGO，香港店沿用食譜，以廿多款香料調製招牌咖喱，醬汁辣香惹味，雖說魚蛋質感略為鬆軟，但咖喱醬汁能夠彌補不足，十二元一串的價錢也不算過分。除了魚蛋，還有廿多款咖喱小食如牛丸、牛腩，都煮得很入味。

8.金屋麵包西餅
地址：新蒲崗衍慶街44號地下
電話：2325 9864
營業時間：6am-8pm
評分：3.1/5
詳情： https://goo.gl/oHyZQe

開業四十多年的港式麵包店，本賣腸仔包、車輪包等舊式麵包。想不到第三代接手後，創意十足地把咖喱魚蛋放進麵包中，外形如叉燒餐包的圓麵包內，咬開來竟見到一粒魚蛋﹗味道雖然略淡，但創意簡直爆棚。

相關文章：
【元朗新開咖喱專門店 原來老闆大有來頭？】：
https://goo.gl/udFjUY

【揀手貨｜老字號即食咖喱醬 每星期新鮮炒 香料味特濃ｚｒ
https://goo.gl/e9NVGJ

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)