[職場胃腩]Network鯨如性行為。你想?哦,咁啱呀?我都想,但點解我要同你?
可以直接睇Patreon 全文,呢篇免費的(https://bityl.co/4dut).亦畀你熟習下個界面。當然覺得好睇就去訂吧(https://bityl.co/4Y0h),月尾訂即時扣錢,12月1日又再扣,我會回一個月月費畀你。
煙草特醇
Network鯨如性行為,過癮,但點解要同你?
真人真事:那年十八,母娼起二,溫啤霞
Be interesting, my friend
傳音過王傳音:搞個 個人名牌,其實唔難
Let me 心噏 after writing so much
TLDR:個個都知Network鯨緊要,但你想Network鯨,對家做乜要理你?我碌電話睇埃汾Facebook或者Patreon唔好?所以,首先你自己要 become an interesting person。另外,略為搞下你嘅個人品牌,都係必要嘅。唔使咩好大工程,開個FB Page或者開個blog都可以。唔使錢,咁你都話冇時間嘅,就睇返第一句啦下。
煙草特醇
1. 一路都有讀者叫我寫多啲「職場」文,特別係「暗黑職場」(例如呢篇,好大迴響,主要係個題改得好)。自問職場上冇乜咁巴閉,冇乜嘢可以教人,「頂多係跳過幾次草裙舞咁」。不過後來諗到,「我其他方面都冇乜咁巴閉」,都仲係厚顏無恥咁寫,而讀者又受喎。所以,好吧,職場胃腩,重出江湖。
2. 今日想講嘅係,一條巨鯨,Network鯨,哈哈哈,係咪好爛呢。呢個課題想寫好耐,今次觸發點,係冇嘅。勉強嚟講因為我剪頭髮,10分鐘就諗咗呢篇文嘅flow。See?平日練功最重要,你睇到係台上一分鐘啫。
3. 篇文雖然放在Patreon,但open to all.等同平時嘅FB Page Post,不過多啲圖就放Patreon,同埋益埋Patreon讀者。亦都等冇用過嘅熟習下Patreon平台。唔會係常設環節,當然如果反應好嘅,客串可以變正餐。實不相瞞我之前有啲電台節目或者專欄都係客串變正餐,做人抵得諗都幾重要。啱睇就去訂Patreon吧(https://bityl.co/4Y0h)
Network鯨如性行為,過癮,但點解要同你?
4. 講返,Network鯨,大家都知係咩一回事。或者係啲event正餐前嘅foreplay,有時叫Mingle,拎住杯嘢周圍派卡片。或者係乜乜IPO會,台上有台上講,台下有台下講(香港特色),交換下卡片,盤下人地做乜,得閒飲茶。或者係有人搞局,放工去飲嘢,介紹個朋友你識。留意本文只係討論以工作,上位,搵著數,做生意之類嘅Network鯨。約炮求偶當然都有Network鯨,有時第一種會變第二種,但都係分開講。
5. Network鯨重唔重要?你問錯問題了,梗係重要,係好撚重要。香港地嘅嘢(第度都可能係),識人好過識字,幾時都係。如果呢樣你都唔信嘅,都唔使落去,「你去碰幾年釘,之後再返嚟睇」。
6. 我覺得討論「Network鯨重唔重要?」好似討論「應唔應該有婚前性行為」咁,浪費時間。
7. 所以,同性行為一樣,唔使討論重唔重要,爽唔爽。如何成功?如何做得更好?先係重點嘛。
8. 但,同性行為一樣,大家都想,大家都知過癮。「但你有冇諗過對方感受呢又」。直接啲講,「返去搵你_ _ 出火啦」,你想性行為,哦係呀,好呀。但關我鳥事?我唔想喎(主要係唔想同你)
9. 唔係嘩眾取寵,好多人都同你講Network鯨好重要(廢話),教你點Network鯨。但,有冇諗過,「點解人地要同你Network鯨」?點解我唔係睇多套葉念琛(新嗰套相當唔掂),寫多篇文,訓多兩個鐘,而係要同你Network鯨呢,又?
10. 即係唔係話功利計算,做朋友唔係應該咁計較。但做朋友都講「無友不如己者」,Network鯨唔係做朋友嘛,難聽啲講句,「大家都係搵著數」。最熱心Network鯨嘅係乜人?梗係小薯。好合理啫,你想識人,你嘅時間唔多值錢(sad but true )。你係王維基嘅,大把人巴結你啦,使撚Network鯨咩。你去到邊都人人爭住識你,你要諗下點樣 奀Network鯨,趕走班友又唔好傷害佢地弱小心靈。
11. 咁但,多數人都係小薯做起架啦,唔想行呢步嘅,下世投胎做富二代。所以你一定面對呢個問題:對方嘅時間值錢過你,佢識嘢嘅多過你,佢人脈廣過你。咁,點解人地唔係玩電話,要同你Network鯨呢?
真人真事:那年十八,母娼起二,溫啤霞
12. 好多人會笑,但我再講一次,我真係一個introvert。唔係咩有啲名氣成就(而我冇)就扮晒「其實我好唔鍾意應酬」嗰種,由第一日我都唔鍾意,亦因為我唔掂。點睇我都唔係一個善於社交嘅人,外型也不討好,著平嘅西裝,侏儒村嘅恤衫,好多時呔都唔打,亦唔帶錶。正路一枱人,你只會係出於禮貌唔好skip咗我先會畀卡片我。
13. 咁但,唏,你以為你唔鍾意就唔使做?唔鍾意都要做。我都做過呢種,不停出席呢啲場合,塞卡片畀人啦。或者在個cocktail party中,真係crying in the party,那年十八 母校舞會 站著如嘍囉咁,人人講年尾去邊滑雪,下年花紅幾多,我年尾就在屯門打大快活邊爐。
14. 唔好以為只係「小薯」先係咁。實情去到2014年嗰時,喂,我做咗10年融8年分析員啦,人工職位都唔算太薯啦,但都係咁。你有求於人時就係咁。我好記得,嗰時轉咗工,去到間細嘅公司,真係識你老鼠。咁而嗰時就真係比較「財演」。我最鍾意呢,就係去啲業績會。
15. 業績會有乜?除咗有業績,仲有會,仲有記者。我就去搵佢地傾計,特別係搵啲後生嘅妹妹仔(事實財記係多女仔)—唔係有乜企圖(唔好嗰度屙嗰度食,職場第一誡),而係,因為妹妹仔入世未深會聽我講。「換著啲阿姐十尺外見到我已經閃開,呢條友很煩」
16. 係喎,嗰時做乜?嗰時就塞卡片畀啲妹妹仔。「拿,你可以訪問我的」「拿,你可以叫我上節目的」。成件事十分《出埃及記》嘅溫啤霞, 「你搵我啦!」「你搵我呀!」。
17. 唔止,更加丟人現眼嘅係,我仲叫埋太宰治(以前條靚嘅花名)同我一齊去!真係母娼起二,買一送一,黃子華話齋,未試過雙飛你嘅人生唔完滿。而《母娼起義》就真係一套戲,巧睇,電影節上過,我睇咗,仲同個韓仔導演握手。套戲講乜?英文名就叫Mother Is a Whore。就係個仔孭住不良於行老母周圍接客,好感人的。當時我情況都差不多。太宰治做乜?未試買一送一,「你當佢未成年啦」。但,佢就負責周圍同啲記者講,「拿,你可以搵佢架」。
18. 以上種種,全部係事實,當年幫襯過,I mean收過卡片嘅,可以作證。
19. 點解搞到咁核突呢?咁固然因為我唔靚仔,著侏儒村嘅恤衫,又唔帶勞力士,唔係一個金融才俊。但,今日我依然唔靚仔,仲係著侏儒村嘅恤衫,亦唔帶勞力士,亦唔係金融才俊。但而家情況冇咁差了。
20. 前後有乜分別?好簡單,我出名咗嘛。問題係,無啦啦點會出咗名?雞同蛋嘅問題。
Be interesting, my friend.
21. 講咗咁多,想講嘅係,大家都係Network鯨,都係搵食,咁你作為弱勢小薯,對方點解要理你呢?人地時間寶貴過你,識嘢多過你,人脈廣過你。你有乜著數畀到人?
22. Unless 你有
23. 而作為一個小薯,你總冇可能介紹到好路數畀對方,你亦教唔到佢乜,咁你可以有乜嘢畀到人?
24. Be an interesting person !
25. 呢個就係我成篇文想講嗁嘢,唔該,Be an interesting person!唔係蘇波榮,好多人都係蘇北京波榮。而在北京人口入面,北京波榮仲大鑊過北京asshole
26. 對面坐嗰個,可能係某投行高層,可能係某CEO,可能係王維基,咩都好。佢乜都勁過你。但你身上係咪就冇佢想知嘅嘢?唔係
27. 世界可愛之處,就係以上呢啲人,如果有幸(對佢地嚟講係不幸)同你同枱,佢地一般都唔會不停玩電話唔理你,真心假意都好,總會同你傾下計。
28. 亦未必真係只係循例,難聽啲講句,佢地都不幸同你同枱,都要苦中作樂,即管睇下你呢條友,有冇咩有趣嘅地方。
29. 呢啲咪你嘅機會咯。
30. 總有啲嘢,係佢唔識,你識。或者佢識,但你熟啲。或者佢識又識,但唔好意思講出口,而你冇所謂。
31. 具體係乜?我唔知。但我發現啲勁人(即係你想去識嘅人),總有啲好奇心。你介紹完你做乜,你仲有乜嘢講?點解王維基要聽你講故事?例如你係搞北韓旅行社嘅(其中一個讀者係!),喂,interesting,「肥仔金係咪香咗?」「北韓啲路人係咪假嘅?」。呢個係一個好有趣嘅身份。
32. 我只係舉例,咁你話,你個人冇乜特別嘢。咁,唔該返返去上面嘅核心問題。既然你冇乜特別嘢,對方做乜要理你?好得閒?我去碌下埃汾Facebook Page唔好?免費仲有得笑。我去睇下埃汾Patreon唔好?一舊水唔使,一個星期六篇文喎(係,直入式廣告)(https://bityl.co/4Y0h)
33. 所以,唔該,Be an interesting person!
34. interesting person,就只不過係,「呢條友有啲意思」。門檻比你想像中低好多,畢竟你都識講,「阿豬阿狗都KOL」。總好過你只係介紹自己,我係邊度做,做乜,講完。
傳音過王傳音:搞個 個人名牌,其實唔難(有冇人唔Google知邊個係王傳音?)
35. 不過,仲有一個問題。你可以諗下,2014年,埃汾同太宰治「母娼起二」嗰時,埃汾係咪一個北京波榮嘅人?我估唔係,其實同而家差不多。
36. 但,冇人識你嘛大佬。邊個大王?冇人識你呀!你有幾interesting,都係冇人知。
37. 而事實,要自吹自擂,好多華人都覺得幾難為情(當然包括我呢個introvert),亦都幾非洲和尚乞人憎(呢個字幾時會變hate speech?).你總會見啲友滿場飛,name dropping,上星期我又點點點,呀你在星展喎你識唔識呀乜乜乜,靚女都忍佢,係仔嘅,恨不得打七佢。
38. 所以,除咗Be an interesting person外,仲有最重要嘅一步—個人品牌。我覺得我而家變到好似Brian Cha周融或者黃明樂 Ada Ho咁寫文了,哈哈哈,但我講得出佢地四個嘅名,證明佢地都係有個人品牌。
39. 個人品牌呢樣東西,唔係我強項,亦都已經寫咗三千字,可能搵日再講。但呢個年代呢,係真係冇藉口的。
40. 好簡單,唔使你咩搞個網站,或者做特約飛機稿,但至少你搞個Facebook Page,一個仙都唔洗。或者開個blog,拎煙寫下嘢(但唔好多,很煩的)。你唔寫字嘅,咁搵個位放你啲相或者片(唔使比堅尼相,除非搵老細係你嘅工作一部份)。咁你都話唔得閒,或者唔知貼乜嘅。咁又返返去核心問題咯,你自己都覺得冇嘢好睇,咁我做乜要理你呢?「我去碌下埃汾Facebook Page唔好?免費仲有得笑。我去睇下埃汾Patreon唔好?一舊水唔使,一個星期六篇文喎(係,直入式廣告)。」(https://bityl.co/4Y0h)
41. 你係王維基嘅,人人識你,唔使搞呢啲無聊嘢。同樣地,你係星展香港CEO嘅,話知你係南美佬(而星展香港CEO真係一個南美佬),冇人知你乜名都好,都人人畀面你(而南美佬本尊係十分風趣但又demanding的,我都面過聖,拿,name dropping呀)。吳明林卡片都係印「記者」之嘛,謝霆鋒都係印「茶水部主管」之嘛,朱生卡片都係印I’m CEO, Bitch 之嘛(是真的)—而我甚至唔使講邊個朱生。
42. (另一職場心得:但凡卡片幾十個梯圖嘅人,避之則吉。特別係仲要對摺嗰啲。你有幾撚巴閉呢,又?)
43. 可惜,你會睇到呢度嘅,你多數都唔係吳明林謝霆鋒。多數你張卡片上個梯圖,都唔多吸引。你好呀我係埃汾呀,我在星展做Director嘅(事實我係,但有乜新鮮羅白皮?),哦,你拍戲的?一街都Director,一街都VP啦。梯圖現非唇嘛(亦因為咁,見工之類,基本上唔使睇人梯圖,睇人工代表一切,因為梯圖可以任印,但公司唔會無啦啦畀多舊錢你)
44. 你有個地方,放你啲嘢嘅,就唔會出現以下嘅埃汾對白(原文照錄):
45. 「我有寫文的」「寫乜文?」「乜都寫啲」「例如呢?」「都真係咩都有啲喎,金融為主咯」「即係股票貼士?」「又唔係喎」「咁即係乜」「咩都有啲咯」「……我過去拎杯嘢先」
46. 拿,呢啲就浪費對方寶貴時間啦。掉轉頭,我有個blog,有個Facebook Page畀你睇,係咪簡單好多?呢個係我在老朋友身上學的,大佬,咪得個講字。最緊要有舊嘢睇,畀人見得到。你話你想寫文嘅,請去寫。寫咗出嚟先有得討論。
Let me 心噏 after writing so much(呢句抄陳祉俊的,無友不如己者,記得Follow 佢FB Page同埋訂Patreon)(https://bityl.co/4dtz)
47. To sum up:莫道你在選擇人,人亦能選擇你。你想Network鯨,人地未必想理你.咁你有乜賣點?就唔該你自己做一個Interesting person,唔使有錢,唔使高級,甚至唔使有乜才華。但總之,就係畀人覺得,呢條友,有啲意思。另外,你再Interesting都可,冇人知嘅,即係富貴不還鄉錦衣夜行,所以請你建立你嘅個人名牌。唔使好大陣仗,但開個Facebook Page,開個blog,開個拎煙指點下江山,開個ig(唔係貼你嘅比堅尼相,除非呢個係你工作嘅一部份),就係咁簡單。
48. 其實唔難。再講多次,未訂Patreon嘅,去訂(https://bityl.co/4Y0h)。因為月尾,佢即時扣錢,12月1日會扣多次。所以呢幾日join嘅我都會回返一個月畀你。
白 手套 係 咩 意思 在 龔成 Facebook 的最讚貼文
【龔成問答信箱】(Q16561-Q16580)
Q16561:
老師,我係你學生,現嘗試分析東江集團控股(2283)。
他的基本數據不錯,負債/ROE/來自主要生意的收入等都不錯,數字上表現不差,於是連同年報一併分析。
近年透過收購公司/建廠證明公司亦有意繼續發展,只是今年因疫情暫停越南設廠(但相信是回復後會進行)。
公司自身技術亦有一定水平,亦有不少大品牌客戶,客戶基礎亦多元化,可以分散風險。耐何是只工廠,有被壓價壓力(19年年報亦指出這點,令業績受損),因此推算PE要保守一點。
手機/智能家具方面,連續3年收入有顯著增長,2019年年報表示[智能家具方面:對方已向本集團確認更多2020年的訂單。]這是一個不俗的信息。
不過商業通訊設備板塊就比較感到奇怪。19年年報:[商業通訊設備板塊收入則較去年同比下降34.2%,主要由於全球領先品牌客戶的市場已經達到一定飽和水平,故本集團預期其增長將放緩]。
但是據18年年報[商業通訊設備板塊較去年同比增長38.3%,主要為本集團商業及通訊設備國際品牌客戶業務取得持續增長,帶動該板塊業績成長。]
一年之間該板塊變得飽和這個原因會令收入大跌34%?這一點是抱有疑問的。
現時風險主要為中美貿易戰,廠房生意比較被動。加上上述原因,PE推算為約8-12,平均每股盈利為0.2791。
合理高低為2.23/3.34,加上低位10% BUFFER為2。
這股ROE十分高,亦因為這個原因翻閱年報。除了商業通訊設備板塊以外,業績是有根有據的。正因為這樣我反而更好奇為何市場好像不多人談論這股,成交額亦一直不高,因為市值細?
這些低成交的股票會不會有更多要注意的地方呢?
謝謝
龔成老師:
東江集團控股(2283)見到你整體分析得不錯,這股規模不大,優勢不算強,過往財務數據不差,但盈利的增長力不強,同時近年有下跌情況。
首先,佢係中國的一站式注塑解決方案供應商,主要從事注塑模具的設計及製作及注塑組件的機械設計及製造業務
,以及提供二次加工服務。
於客戶的產品設計過程中,提供有關模具及注塑組件的的售前設計、可行性及優化建議。
注塑模具可分為高效模具及標準模具:高效模具用於大量生產相同的尺寸較小及生產週期相對較短的注塑組件,包括USB快閃記憶體及智慧手機配件等消費電子產品及一次性注射器等醫療用品的注塑元件。
而標準模具用於製造相對複雜、尺寸較大及生產週期較長的注塑組件,包括門板、手套箱及格柵等汽車部件、會議電話終端機等。
近年,佢毛利率有下跌情況,而模具製的營業額同樣出現下跌,這部分佔佢業務4分1,反映大環境轉弱,而佢出現被壓價的情況。
至於商業通訊設備板塊,變化大,反映對市場較為敏感,因為這企業規模不大,當有些主要客戶的生意出現波動時,對佢的影響就會變得好大,這亦是這股的風險之一,因此,在估值時都要較為保守。
你的估值應該再調低少少,以反映當中的風險因素。你預現價在合理區中下部。
這股市值不高,同時獨特性不強,潛力度不強,所以市場對這股的買賣都唔算活躍,造成成交少的情況。這類股都可投資,但就不宜太大注。
------------------------------------------------
Q16562:
sir 我follow您都有5年 最近先儲了十萬 ,請指教下 可以用借錢增大資本 去儲股票嗎?
我其實明白需要現金流 但不知仔細怎計算
已經29歲了 收不不高 得16000蚊
用來準備結婚買樓
希望可建立長遠被動收入 財務自由
謝救回小弟過去幾年光陰 實在感激
龔成老師:
當我地進行人生財富累積,會運用「先增值,後現金流」作方法,年輕人應投資較多增值類資產,而較年長的,則應投資較多保守類項目,因為年輕人的財富系統未成形,同時負擔較少,可承受的風險度較高,所以會著重增值為先。
例如初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到年紀漸長或已累積了相當財富後,才漸漸轉成收息型股票。
你這個年齡,是財富增值的黃金時期,要好好把握,盡你一切的力量去儲蓄、投資、學投資知識。
你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先,潛力股只能小注。
但要留意,由於你準備結婚,要預留資金,而投資要較長時間才有效果,因此,你應該較多持有現金,只能用部分去投資。
至於借貸投資,當我地進行時,第一要睇「息差」,例如借的息為「2%」,之後將資金投資收息股,約收「5%」的股息,息差為「+3%」。這的確過了第一關。
第二關,就是虧損的可能,股價是會升跌的,若然買入後股價下跌,你就會出現「賺息蝕價」的情況,那計劃就會得不償失。
當我地進行上述模式時,要好大程度確保價格上不會損失,將「賺息蝕價」的可能性減少。
但現時恆指未算好平,你如何確保不會「賺息蝕價」?
即是說,這些借貸投資不是不能用,而是要過幾關才能用,要較有把握才會用。
我會建議你,想方法增加收入,加大儲蓄,相信是這刻較好的做法。
------------------------------------------------
Q16563:
老師 你好!
本人有意投資1299友邦或者0011恒生。
前者有鑑於世界人口老化問題日益嚴重,醫療費用不輕,人們愈來愈願意購買保險去分擔風險。而友邦近年增長不錯,現時更積極在中國這個保險滲透輕率未算很高的國家擴展版圖。
至於恒生,我會視佢為一隻收息股,派息穩定,加少少增長。始終佢主要業務在香港,而香港乃一個很成熟的市場,相信往後日子業務平穩,增長有限。
友邦同恒生兩隻都是金融類股份,難免受經濟、金融市場影響。但於長遠發展、股息增長而言,投資友邦是否較好?如果想投資兩隻,比例如何分配?友邦大約幾錢開始進入平宜區?
謝謝老師!
祝安康
龔成老師:
兩隻都有質素的。
友邦(1299)擁有一定的品牌及規模,長遠發展不差,人口老化會帶動當中的生意有增長。
這股現時在合理區,你可以投資,但股價略波動,分注買入會較好。你預跌多15%開始平。
至於恆生(0011),是收息股,增長力略有,但不算高,本身有質素,可長線投資。現價合理。
兩隻都可投資,只要你合共持有的比例不過多就得,你應該建立一個平衡的組合,這兩股是其中兩股,不是唯一的兩股。
------------------------------------------------
Q16564:
你好呀,我27歲 ,投資新手,之前得做左儲蓄保險40萬,銀行戶口有120萬其中100萬放定期 ,每年要供保費6萬保費
你會建議我做d 咩股票,還是 留住現金流之後買樓
麻煩可否比d 意見我 ,因為宜家銀行低息,有無d 咩股票短放適合新手的
同咪想請教下你,係買樓收租會好d, 還是買股票會快d 到財務自由
龔成老師:
當我地進行人生財富累積,會運用「先增值,後現金流」作方法,年輕人應投資較多增值類資產,而較年長的,則應投資較多保守類項目,因為年輕人的財富系統未成形,同時負擔較少,可承受的風險度較高,所以會著重增值為先。
例如初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到年紀漸長或已累積了相當財富後,才漸漸轉成收息型股票。
至於持有現金多少,好睇你幾時買樓,如果你打算1、2年內買,就要多留現金,如果在3、4年後先打算買,就應該善用現金,好好投資。
你27歲,是財富增值的黃金時期,要好好把握,盡你一切的力量去儲蓄、投資、學投資知識。
你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先,潛力股只能小注。
以這刻的投資值博率計,股票市場的投資回報會較好,但如果你見到樓市下跌,而你本身又未有物業,其實都可以考慮物業。
------------------------------------------------
Q16565:
龔成老師你好
想請教一下03662,值不值長線投資?
龔成老師:
奧園健康(3662)由中國奧園(3883)分拆上市,主要在中國從事物業管理服務及商業運營服務。
例如提供住宅及非住宅物業管理服務(安保、清潔、園藝、維修與維護服務)等,業務穩定,現金流不差,但上市年期不算耐,以及現價處略貴水平,都是當中的風險。
這股前景是正面的,但平貴問題影響了當刻的投資值博率,這刻如投資,不建議太大注。
------------------------------------------------
Q16566:
你好,我開始追看你的 posts 因為覺得很實用。 我是初學者,可否請教你基本和股票的分別?
另外,我想找一些較穩陣的投資,請問哪樣會較適合我開始?謝謝
龔成老師:
你要做三樣野,第一,增加知識,你要學理財及投資的知識,記住,投資並不是坊間的炒炒賣賣,你要從書本或課堂上認真學習。《股票勝經》是入門書,很適合你。
第二,了解銀行及證券行,去開一個證券戶口,並準備做月供股票。
其實兩者都可以,銀行就較方便,但手續費就較貴,證券行收費就較平。你可以先了解下不同的收費。
第三,將每月的部分資金,去做月供股票,供盈富(2800)。對初階投資者來說,月供股票是一個很好的累積財富方法,因為可避免你一次過在高位買入的風險。
原理如同儲錢,不過就不是儲現金,而是儲股票。計劃要長期進行。
另外,盈富是一個組合,適合絕大部分人投資,風險不高,長期儲貨可助你財富平穩增值,記住要長線持有。
當你在做上述三件事的同時,開始學下股票,了解下那些股票適合你自己。上述只同你簡單供盈富,當你過半年,有知識及少少經驗後,就可以利用你手上的資金,其中一部分,去投資股票。
------------------------------------------------
Q16567:
龔sir......你好....如果我月供組合有6隻股,分別派4,5,6,7,8,9厘息
我想計全個組合既派息共幾多厘,係咪將佢6隻股息加埋除6就等如每年收到幾多厘息?THX Sir
龔成老師:
如果你每隻的月供的金額一樣,而佢地全部的股息率,都保持這個水平,而佢地下年派息股息與上年一樣,就會是。
------------------------------------------------
Q16568:
龔Sir, 我有少少問題想問
如果睇好恒指(盈富基金)表現長期平穩向上,點解唔採用分注買入/便宜時投資係7205呢類正向嘅槓桿ETF上?
我明白因為每日結算嘅原因,長期就算恒指升10%,7205都唔會真係有足20%升幅,但我利用過往歷史數據睇過,就算無兩倍,佢亦會比恒指升幅更大,如果我睇好恒指長期向上,我係咪可以買7205?
龔成老師:
FL二 三星恒指(7205)產品之投資目標為追踪恒生指數每日表現兩倍(2x)的投資業績。
佢有槓杆,所以升幅會比盈富(2800)大,同時跌幅都會比恆指大。
恆指長期的確向上,所以理論上,投資7205會有較高回報,但要注意的是,佢的風險都會加大左,而我地投資,應該首先「考慮風險」。
另外就是潛在的成本,如果恆指有理想的上升,你的方法正確,但如果升幅只是一般,計及成本後,其實未必比盈富多好多,但你背後就面對了風險,這點都要明白。
因此,在一般的時期未不會考慮。
但如果你分析到當刻恆指好平,同時你明白上述的風險,都可以考慮投資的。
------------------------------------------------
Q16569:
老師我睇緊你的80後百萬富翁 本人有一個好愚昧的問題, 成日睇到你話現金流係什麼意思, 多謝老師解答
龔成老師:
首先,「現金」與「現金流」是不同的,現金就是指一筆現金。
現金流就是指一種狀態,例如你每月收租$10000,這就是一種持續的現金流入,這就是現金流。又例如你有一般生意,已經穩定,每月收入減支出有$30000,持續每月都有,我地會稱這個為「正現金流」的生意。
另外,在會計上都會見到這項目,例如「現金流量表」,就是列出企業在「一段」時間內的現金出入情況,你有機會睇下企業的年報就會見到。
------------------------------------------------
Q16570:
老師我想多問一個問題
如果我買盈富要放多久才拿出來
龔成老師:
在理論上,如果盈富(2800)質素向好,價值保持向上,理論上可以一直持有。
當然,實際上都有考慮一些因素而賣出,因前題是長線投資(例如5年或更長)。
第一,當股市已過熱的時後,大市整體都是貴,會賣出,等大市正常才再動用資金。
第二,你找到其他更好的投資工具,就可以進行資產轉移。
第三,你人生階段改變,盈富是平穩增長型,如果你到了近退休,就會要求收息資產轉多,到時就可以進行賣出,買入收息資產。
------------------------------------------------
Q16571:
老師~近日有人加我好友~不停話帶我賺錢、叫我買1472 、又叫沽曬D盈利股、佢話自己係滙豐經紀、係咪吾應該跟佢?因為我都認為長線投資比較適合自己
龔成老師:
100%是騙局!
你問佢職員編號,試下找唔找到這個所謂的「滙豐經紀」。
------------------------------------------------
Q16572:
老師,疫症前入咗15手1810小米,平均價$13,應唔應該止蝕?
龔成老師:
不用。
小米(1810)本身的質素不差,有品牌及發展,之前我出的《50優質潛力股》2020年版,都有加入這股。
這股有長線投資價值,你的買入價合理,可長線,但都不能持貨過多。
------------------------------------------------
Q16573:
你好呀,我依家係大學生,有3萬儲蓄,想學下投資買股票但無從入手,聽人講盈富基金適合新手因為夠穩定
但係我唔係好清楚整個投資既過程同判斷入手時機,請問你有咩高見?謝謝
龔成老師:
你要做三樣野,第一,增加知識,你要學理財及投資的知識,記住,投資並不是坊間的炒炒賣賣,你要從書本或課堂上認真學習。你可以睇《股票勝經》。
第二,了解銀行及證券行,去開一個證券戶口,並準備做月供股票。
其實兩者都可以,銀行就較方便,但手續費就較貴,證券行收費就較平。你可以先了解下不同的收費。
第三,將每月的部分資金,去做月供股票,供盈富(2800)。對初階投資者來說,月供股票是一個很好的累積財富方法,因為可避免你一次過在高位買入的風險。
原理如同儲錢,不過就不是儲現金,而是儲股票。計劃要長期進行。
如果你不想做月供,就以正常模式一手手入,盈富一手是500股,即是約$12000,你可以了解下,試下入一手無。
另外,盈富是一個組合,當中有50隻股,適合絕大部分人投資,風險不高,長期儲貨可助你財富平穩增值,記住要長線持有。
------------------------------------------------
Q16574:
老師,你好!今年33歲 身處國外 兩公婆一共有大約500,000港幣儲蓄
有兩間物業係國外仲供緊亦唔值錢,一間自住令一間收租 兩間仲有大約27 年供款
每月扣除所有洗費可以儲大約$13,000港幣
我哋想善用每個月儲低嘅錢想問吓你有冇啲適合我哋嘅投資工具同埋可以點分配投資先至係適合我哋
未買過股票想開一個戶口,買香港股票投資想問吓你有冇邊間股票行公司建議 . 亦想問吓有邊幾隻股票適合我哋去投資
謝謝!
龔成老師:
你本身已有物業,因此,在財富分配中,應該分配到其他類別的資產,股票是適合的。
你去銀行或證券行都得,例如匯豐、中銀、南洋商業銀行等。
股票方面,你可以考慮盈富(2800)。另外再加幾2隻:銀娛(0027)、恆基(0012)、中銀(2388)、港鐵(0066)、煤氣(0003)、粵海(0270)、領展(0823)、港交所(0388)、希慎(0014)、太古地產(1972)等,你可以了解下這些股票,然後從中選股。
另外,建議你多增加投資知識,在選股、企業估值、投資時機上落功夫,對你長遠財富有好大影響。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q16575:
想請教460
龔成老師:
四環醫藥(1460)質素一般。佢過往停過牌,核數師試過出現「保留意見」。投資價值唔會高。
------------------------------------------------
Q16576:
你好,本人26歲,投資新手,有4萬現金,看了你的股票勝經後本來想用一半資金慢慢供盈富基金,因為現金一直放在銀行只會眨值,但近來受疫情和社會運動影響,很怕金融風暴會再次來臨。
我知道經濟周期會不停循環,下次金融風暴來臨只是時間問題,所以比較擔心一投資就遇上股災。
你覺得我可以如何開始投資? 會有倒蝕的風險嗎?
感謝你!
龔成老師:
你已經可以開始投資,只要不用盡現金就無問題。
經濟有週期,股災都會久不久出現,但無人知佢幾時來,如果你永遠等,有可能要等好耐,你會錯失左機會,因此,你只要平衡去投資就得。
即是一邊買入優質股長線投資,一邊預留部分的現金。唔好用「預期大市跌」的角度去分析,只要利用平貴,去進行財富配置就得。
------------------------------------------------
Q16577:
阿SIR 我係你學生,想問問
在計算有代表性每股盈利時
我地應唔應該自行減去非控股權益而帶來既股東應佔溢利?
咁樣先可以反應番母公司自己賺錢既能力。
這樣想法對嗎?
龔成老師:
放心,報表在表述時,佢用「股東應佔溢利」除以發行股數,去得出「每股盈利」。
所以,你平時在年報及財經網站見到的盈利,已經減去了非控股權益帶來的盈利數字。
------------------------------------------------
Q16578:
老師你好,就如你上述講我持有太多銀行板塊,現在已停月供滙豐,現持有
滙豐6700股
工商40000股
置富20000股
盈富基金13000股
因為你提醒要平衡板塊,想入香港電訊,但現價去到12.X,想請教你加大置富或入香港電訊好?
仲有4年前入左中廣核10000股,當時4元上入的,現在得返1.7元,想聽你意見留或放
謝謝老師
龔成老師:
對,你平衡組合是較好的做法。
你加入置富(0778)及香港電訊(6823)都可以,置富這刻的平貴度計算,有較大的投資值博率。
而香港電訊,只是收息股,同時不及置富平。
中廣核(1816)本身並不是無質素,但幾年前大時代熱炒這股,要上翻去不易。你預這股之後能平穩增長,但不會大升,如果持貨不算多,持有可以。
------------------------------------------------
Q16579:
龔成老師:我想講你個名成日令我諗起「宮成良田」打波好叻果個
我有野想請教:
HKTV 我$6.85購入8手,現價$4.6 徘徊,我唔知道究竟分階段再購入,還是放手離場,揀其他更有潛力的股票。望指點
龔成老師:
哈哈,其實個名最主要的意思是「成功」倒轉。
香港電視(1137)業務有前景,但有兩點都存有風險的。
第一,佢都會依靠人的因素,王維基成為了公司最值錢的資產,佢的想法好多,有生意頭腦,但我對這類太依靠個人的企業,不建議太過大注。
另外,這企業現時搞網購,有增長力的,但同時存有一定的未知數。
佢多年來不斷在燒銀紙,不斷等收成,雖然佢的業務的確增長中,但無人知幾時會有真正的盈利,同埋無人知真正的結果會點。所以,這股只合小注投資。
因此,要睇翻你的持股比例,現時佔組合的比例多少,如果大多,就不要再加。
------------------------------------------------
Q16580:
成哥您好,最近才認識您,覺得您好犀利,很想請教您
我今年二十歲,每月有4000蚊可作投資。
想問下利用月供股票如何可以增值財富?(因為家人比較反對我月供股票,佢地話我一手手咁買反而可以在低位吸納多一點,請問可以教我如何説服他們嗎?)
另外,我心儀3, 823 及2800,打算1:1:2去供他們,請問這樣的組合現在購入要持貨多久?什麼時候才合適賣貨?
最後,想問下為什麼成哥建議我們在月供股票的組合中2800佔較多比例?
感激不盡
龔成老師:
一手手買與月供,各有好處的,一手手買,的確可以捕捉到低位時買入,而月供,可以將買入價平均。
很多散戶都認為,自己有本事捉到低位,所以唔想月供,但以我過往做了10年銀行與證券行的經驗,見了無數客戶投資成績,可以話你知,散戶大多數高估自己,以為自己低位入,但事後發現不是。反而簡單做月供的客,回報更理想。
的確,如果你有實力,一手手會較好,但你要計翻,過往3年投資成績,否果以一手手模式買入,是否跑贏大市?如果是「否」,就乖乖做月供。
至於你上述的3股,都是有質素的,月供比例適合,可以進行。你最好供5年以上,月供要較長時才可發揮到作用。盈富(2800)佔一半適合的。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
白 手套 係 咩 意思 在 地產小子 Propertykids Facebook 的精選貼文
【#加訪】【攬炒開始了,但你知道甚麼是攬炒嗎?——專訪攬炒巴】
5月30日,相信不少香港人均鮮有地守在各式螢幕前,還是深夜兩點半。不說還以為是哪個歐聯還是世界盃決賽夜,不少人為美國總統特朗普一句「香港已變成一國一制」暗地裡喝彩。卻猶記得幾年前,特朗普跌破眾人眼鏡當選美國總統時,當時香港不敢說一片哀號,但起碼無人敢說是好事,更沒有人想過幾年後有今日。
「政治一日都嫌長。」
由去年6月9日103萬人上街,之後一年的歷歷在目:中大二橋、理大圍城、有人逝去,有人收監,香港的民憤像土庫曼的「地獄之門」,一燒就再也撲不掉。卻猶記得幾年前,在79日兩傘運動結束後,當時香港不敢說是再無希望,但起碼無人敢說仍然在望,更沒有人想過幾年後有今日。
「政治一日都嫌長。」
隨著特朗普在記者會上,少有地一字不漏照稿道,正式宣告香港已不再有獨特地位,而淪為中國一個城市。一時之間Facebook上滿滿的貼文,「攬炒」一詞更成為關鍵詞,許多人說「攬炒」開始了,有人說「攬炒」成功了,林鄭要被制裁了。
但其實,「攬炒」,究竟是甚麼?
-- 攬炒與焦土 --
「攬炒」的概念在這場運動中,最先出現在去年6月10日,在連登討論區上一個名為「我要攬炒」的巴打,一個題為「【招兵買馬】 召集所有未放棄既連登仔,認真分工,幫港共官員同建制派取消外國護照」。然後在數月之間,攬炒由一個人的一空想,成為香港人的階段目標。
「我覺得「攬炒」同「焦土」有一定關連,就好似兩個圓圈,中間有一定重疊,但又不盡相同。」攬炒巴提出攬炒的概念多月後,終於第一次公開闡述他心目中的「攬炒論」。
這裡指的焦土,是2014年中在香港萌生的一個政治觀念,多年來香港人對焦土論述最大的印象,應該莫過於2016年立法會選舉,因為不滿各種現況,包括泛民主派多年來手持議席,卻對香港民主進程毫無貢獻,所以呼籲支持者在選舉中投廢票、白票,甚至投建制派,「射落海都唔益泛民」。當年對推祟焦土的支持者,都常會舉出以筆名「無神論者的巴別塔」的一篇論述,認為能夠加速中共摧殘香港,以換取全民覺醒。
投票予建制,將資源拱手相讓給對手是否軍事學上的「焦土」,這裡不作討論。但「攬炒巴」承認,而站在今天回望亦不難發現,攬炒和焦土的其中一個步驟,都是要先摧殘香港。「攬炒巴」認為,攬炒只是一個手段,一個達成終極目標的手段,而這個終極目標,正是香港人近一年叫得已入腦的一句——光復香港。
光復香港一句,最先由正服刑的梁天琦,於2016年立法會新界東補選提出,當時光復的用意,是提醒香港人,梁天琦所代表的「本土民主前線」是在街頭抗爭爭取香港人應有權利的抗爭者。及後到2019年區議會選舉,張秀賢在回覆選舉主任有關政治立場時,對光復香港曾有以下的解釋:「光復香港」,意思是將香港「光復」回舊日般面貌,如市民可以如往日般享受各種自由,重歸安居樂業的生活,參選者亦可以如《基本法》第二十七條所賦予而享有言論、新聞、出版的自由,不會因為政治傾向而被取消參選資格,選舉主任可以回復專業,不受政治問題的干擾。」
「我覺得光復香港,應該係令香港可以拎番應有要有嘅言論自由,文化,經濟,國際視野以及民主。」「攬炒巴」重提自己於去年8月中的一篇文章,不難看到他對「光復香港」的想法,和其他人相差不遠。
他補充香港的各種權利由上世紀50年代起,已經被中共政權壓逼。他指出5、60年代,二戰後起,英國在全球推行殖民地計劃,推行民主化,唯獨香港在中共政權的各種實際和口頭的威脅下,如六七暴動、暗示出兵武力收回香港等,使英國最後與中國談判下簽訂《中英聯合聲明》。
至於這份聲明今日是否仍行之有效,在中國人民代表大會強推香港國安法後,彷彿若如一個羅生門。
「主權移交之後,打壓就變本加厲啦!」「攬炒巴」一連數出幾個例子,如他口中是「假政改」的2007年政治改革、國民教育、甚至近日的中學文憑試取消歷史科試題,另一方面又有人大釋法緊接著DQ立法會議員,各項自由如言論、出版自由都逐漸消失。他形容,現況是一個活生生的「制度扭曲」。他認為經歷近70年的打壓,香港卻一直只淪為中國的解套,成為中國謀取經濟利益的白手套。唯有攬炒將香港的獨特用途失去,才能最直接撼動中國。故他從一開始提出攬炒,第一個目標就放在中共及香港官員,以及其家人,目標要令他們都失去在外國擁有的一切,包括國籍、資產等,令他們也要一同承受制度被扭曲的香港,「自己種嘅自己受」。
「攬炒」彷彿在上月底迎來曙光,特朗普一番強烈措詞,伴隨一系列制裁措施。「係唔係你心目中嘅攬炒?」我問,很快就獲回覆一個肯定不過的否認。他認同美國正式宣佈一國一制,是通往終極攬炒的其中一個里程碑。「不過,香港人距離正正式式成功攬炒中共仍然有一段距離。」「攬炒巴」認為,到取消美港關係法,到香港正式步向一個極端,就是終極的攬炒。
今時今日「攬炒論」深入民心,「攬炒巴」在連登一個帖文,在Telegram頻道的一篇文章都可以一呼百應,卻猶記得幾年前,當已被取締的組織「香港民族黨」召集人陳浩天,提出要取消美港關係法,甚至為此作出聯署時,當時香港不敢說人人唾罵,但起碼不曾成氣候,更沒有人想過幾年後有今日。
在特朗普的記者會結束後不久,陳浩天就在自己Facebook上舊事重提,指當時「一開頭講,直情冇人理。後來再講,開始多人鬧,又話冇可能又盛。」
該篇貼文的第一句,是「政治果然一日都嫌長。」
「攬炒巴」直認不諱,指取消美港關係法的終極目標,陳浩天的確才是提出此反制手段的第一人,又慨歎當時「係一個大眾尚未太明白嘅政治主張」。不需無人問寒窗十年,短短三年同一套主張便「一舉成名天下知」,「攬炒巴」認為是時勢造成的變化,加速了香港人的承受力,套他的說法是「香港人覺醒」。
「今日同當年最大嘅唔同,係人心。」「攬炒巴」認為香港人經過6月一連串的示威,看清政府的心狠手辣,視百姓如蟻民,加上數之不盡令人不寒而慄的警暴,香港人始明白「攬炒」的必要性。「攬炒真係打入香港人到,都唔係馬上啦。」他指到7月1日才第一次在街頭上看見有市民支持攬炒,手裡舉著「If we burn you burn with us」的標語。
「攬炒要成功,首先要係香港人展現到一個意志。」他不斷重申攬炒缺不了的,是民間展現抗爭的決心。變相亦講出攬炒和焦土的最大差異——焦土予人一種消極地擺爛的感覺,但攬炒是讓人覺得,是主動地將情況推向極端,甚至尋求外力加快整個過程。況且,焦土是焦泛民的土,但攬炒是攬炒是攬中共的炒,對象都不同了。
但許多人仍然不明白「攬炒論」的道理。如公民黨主席梁家傑在特朗普的記者會翌日(5月30日),在記者會上指,自己多次出訪美國,都希望底線是保住香港獨立關稅區的地位。「攬炒巴」認為,到今時今日依然對中共政權在幻想,仍然希望能在一國兩制原則下,將已禮崩樂壞的制度修補是自欺欺人,不切實際。「就好似大家都讀過嘅《六國論》,面對中共70多年嘅打壓,香港人仲要不斷退讓,同抱薪救火有乜分別。」又反問如果反對攬炒,反對取消美港關係法的目標,眼前的局面是否有更好的解決方案?
他以「破花瓶」作比喻,香港的一國兩制就是這個被打爛的花瓶,當然可以嘗試將花瓶拼回,但到注水時一樣會漏水,那倒不如「大破大立」,重新再弄一個新的花瓶。
-- 攬炒破立 --
「攬炒論」的破立問題,在近一個月浮上水面。劉細良在今年5月11日,於「城寨」的一個節目中,對「攬炒巴」作出回應時就提到,本土派應該做好成為主流的準備。
當中令人在意的,是提醒本土派要「破而立」。他認為本土派過去許多論述都過於守勢(defensive),以攬炒論為例,中共政權近日不斷針對論述作攻擊時,卻只見到自圓式的回應。劉細良認為眼前的重點應該放在立的部份。
「『攬炒論』嘅『立』究竟係咩?」這應該不只是我關心的。大概誰也沒想過,在節目不到一個月後,破的部份已經開始了,變相亦令「立」的部分開始變得重要。
然而「攬炒巴」也不見得能給予一個肯定的答案。「我覺得咩係『立』,真係好睇局勢而變。」他覺得在現階段很難下一個定論,因為今日的一個答案可能會影響全局。
但他重提5月初時,他提出的「港版下議院」。當時他建議香港仿效外國的議會制度,由香港的區議會訂立一份社會契約。這個概念背後的理論追遡回來,更早提出的是中西區區議員葉錦龍,在2月10日於Facebook上拋磚引玉,當時就提到區議會作為經294萬多名已登記選民的民意誕生,全民選的地區議會(筆者按:479席中只有79席為當然議員,由各鄉事委員會的主席擔任,但此主席的產生本來就有民意基礎),本來就有廣泛的民意基礎,而相比起立法會有功能組別的存在,區議會何謂百分百代表民意,而且組成人員更廣。
在全球的不同民主國家,凡是採取「上下兩院」制度圈都能找到類似區議會的存在,如美國和日本的眾議院,英國的下議院。「攬炒巴」認為區議會絕對有這個潛能,只是過去一直被港英政府和中共政府扼殺。「如果區議員一直只視自己係一個諮詢嘅角色,其實選個位番嚟都唔係做到幾多嘢。」他指區議員這個代議士的身份永不能改變,故此更應該要作出制度上的突破,「有權用盡」,像區議會的功能盡量推延。
在追問下,他亦承認就此,立法會(區一)的當選議員將會十分重要,因為他將變相擔當起議長的角色,要捍衛和推動區議會在政治上的權力。
「如果有1、200個區議員有執政嘅意志,成件事都已經差好遠。」而事實上,6月6日17個由民主派主導的區議會將聚首一堂,舉行第一次聯合區議會大會,意味著這個概念近日即將邁出實際的第一步。(筆者執筆時,此會仍未開始。)
在「攬炒巴」的藍圖中,香港的下議院成形後,將會授權他們團隊對外國政府進行遊說工作,令他們變相得到民意代表的授權,使遊說的工作更具認受性。而他始終相信,取消美港關係法,才是破的最關鍵,亦是獲得一切授權下需全力推動的首要目標。
但取消美港關係法就衍生一個問題,許多人對「攬炒論」百思不得其解,是香港的地位完全由美國賦予,當香港一切特殊地位在攬炒之下全部被取消,香港本質上即等同無價值。但「攬炒巴」卻堅信香港能夠穢土轉生,在失去一切後仍會受國際支持。他引用日本學者濱下武志所提出的《香港八大腹地理論》:香港的國際腹地(即文化、經濟勢力範圍)可劃分成八份,包括東亞、華南、東南亞、南亞等地區。「攬炒巴」指,香港自1997年主權移交後,一瞬間視野只落在北方,「將面向世界嘅眼光轉向中共,追求短期經濟暴利不擇手段。」
近日不少評論文章,不論國內外,都不約而同形容一場新冷戰正逐漸成形,一方依然是美國,只是對手由蘇聯變成中國。而此時的香港受盡中國政權的苛刻,同時渴求美國伸出援手,難免予人一種,淪為大國博弈中台上籌碼的感覺。「攬炒巴」對此則不以為然,「只要我哋唔忘記八大腹地,以至於國際舞台,香港重生嘅機會就好大。」他覺得歷史上有太多例子可以被視為香港的參考,在大國之間周旋不等同成為籌碼。他亦指出香港過去的成功,乃由過去二百多年來香港人的努力慢慢建立而來。當中成功的因素,有英國人以香港為本位的施政、美國的特別待遇等等,但最重要的,是香港人作為海洋民族的思維同智慧。
「香港人可以憑1997年前百幾年嘅國際經驗,創造屬於自己嘅未來。」
當說到海洋民族,不其然就會想起《香港民族論》一書。事實上民族論一書亦有提到和「海洋民族」類近的觀點,全書篇幅最長的第8章,由徐承恩所撰寫的〈城邦述事:香港本土意識簡史〉中,文中第一小章節就提到海洋社會是香港意識的發軔期,指出福佬及蜑家人的海洋族群文化與中華帝國體系格格不入,逐漸香港本土歷史的縱深便被大幅加闊,提出香港在本質上和其他有大異上的差別。建基於「攬炒論」缺少「立」的立場,在「攬炒巴」提出海洋民族的觀點時,不禁追問他「若以《民族論》作為『立』,『攬炒論』為破」,他會否接受這套互補不足的折衷。雖然只換來「對《民族論》印象深刻亦大致認同」的一句,但「攬炒巴」亦特意點出,《民族論》中的自決,在現時他認為是「唔現實嘅做法」。
-- 攬炒是盛夏的舞,攬炒後剩下的舞? --
當然誰也料不到,攬炒說了快一年,爭取著爭聽著,忽然對手一個投懷送抱,如狼似虎的一個香港國安法,攬炒的第一炮就成了。但成了的背後,國安法的存在依然不容忽視,特別是顯然針對「攬炒團隊」所聚焦的「國際線」時,「攬炒巴」亦承認,國安法對團隊在各方面都有顯著的影響,而且十分即時。
「最明顯咪幫攬炒呢件事加咗士氣分。」他將影響分成香港本土和對外國際層面,指國安法最大的影響無疑是在香港,站在政權對面的每一人。在法案條文一日未正式公布前,當然誰亦料不到影響有多大,但從一些建制派中人的放風,當連「結束一黨專政」都有可能被以言入罪,不僅宣傳「攬炒」變得困難,變相亦預示報章和網媒將不可避免的需要自我審查,連帶壓迫到言論和出版自由。
國際層面上,他認為在「國際線」上在過去一年的變化,令國安法的影響能夠收至最細。打「國際線」的概念一直都存在,只是由上世紀80年代到去年5月前,一直都集中在部份的政治明星身上,如回歸前有李柱銘,國教風波後有黃之鋒。「佢哋嘅努力有一定成果,我唔會話係好定壞,但我相信佢哋都係想香港好而做。」但「攬炒巴」認為,過去香港人過份依賴政治明星,將所有責任和重擔都往他們身上推,令香港在「國際線」上長期缺乏人手,亦變得被動。
真正令局面產生變化,「攬炒巴」覺得要由2019年5月,Frances Hui許穎婷一篇在美國Emerson College,一間以新聞系而聞名的校報所刊出的文章——「I am from Hong Kong, not China」講起。這篇文章當時在美國和香港都引起頗大迴響,而「攬炒巴」就直指文章對香港最大的啟發,是「開創咗香港國際戰線嘅草根時代」。因為那篇文章,令許多香港人無論在港或在他鄉,都忽然明白到原來「國際線」的門攬可以很低,低得只要你想參與就可以參與。
「嗰陣世界各地都有唔同香港人,想搞6月9號個集會。」「攬炒巴」形容「是Frances Hui的文章起了作用」,或許就是當日埋下的種子,成就了今日「國際線」遍地開花。「所以我6月10號喺連登開po,想招兵買馬,搵人幫手一齊用法律理據向外界解釋,好快就搵到人。」這些事情在過去的香港,一定會被冠以「無咩可能」的帽子後就無疾而終,但如今的香港人會明白到「只要有一絲希望,都唔理一切試咗先」。
「攬炒巴」不忌諱地承認,由去年6月成軍到今日,一路走來許多目標都未成功,但「正因為我哋未成功,我哋先會鍥而不捨努力,去嘗試達成當初訂立落嚟嘅目標。正因為未成功,我哋先會不斷突破自己。」他覺得今日香港人打「國際線」,經常不按常理出牌,因為不管會不會成功,「反正就試咗先」,所以亦會有意外的成果。如去年8月31日,「攬炒團隊」秘密安排英國保守黨議員Bob Seely MP來香港,就讓他親眼見證許多街頭抗爭情況,更重要是令他目睹香港第一次出動水炮車對付示威群眾。
「831太子站慘劇發生嘅時候,Bob Seely MP係搭緊車去香港機場,但佢當時喺twitter即時睇到速龍點樣衝入車廂暴打市民,更即刻聯絡返我哋團隊,睇下有咩幫到手。」而正是「攬炒團隊」的邀約,令Bob Seely MP不斷在香港被一幕又一幕的畫面衝擊,造做他日後成為英國跨黨派國會香港小組副主席之一,持續於英國政壇為香港人發聲,並爭取BNO權益。(執筆之時,剛傳來英國首相約翰遜在《南華早報》撰文,指若國安法成事,或將放寬對持BNO港人的限制。)
近一年「國際線」的發展雖令香港人減少對政治明星的依賴,不過「攬炒巴」認為國安法對「國際線」始終有一定影響。「失去咗好似黃之鋒呢啲戰力,對『國際線』戰力一定有損,而且唔知幾時先會補得番呢部份嘅戰力。」
-- 說到眾籌 --
另一方面,「攬炒團隊」亦被逼提早啟動眾籌計劃,在5月29日「攬炒團隊」在網上發起眾籌,希望目標籌到175萬美元,以支持「攬炒團隊」未來兩年的各種支出,在世界各地進行不同類型的活動甚至運動。「攬炒巴」指按本來的打算,眾籌計劃起碼會在1年甚至2年後才誕生,「本來係想撐埋呢幾年,到時候先再諗繼續定解散團隊」。
但香港國安法的出現,令這次可能成為他們最後眾籌的機會,因為在國安法立法後,在可見沖著打壓「國際線」而來時,相信再無可能就此再募集香港人金錢上的支持。
有意見認為籌175萬美金的金額太大,根本不可能要這麼大筆的洗費。「攬炒巴」表示「用唔曬咪捐翻出嚟」。他解釋若將175萬細分,一年只得80萬美元的洗費,而「攬炒團隊」所開拓的「國際線」,遍佈美洲、亞太區和歐洲,在細分下去在每個國家所能動用的金額「只係啱啱夠」。
「我哋全部都只係素人,無政治明星。」他解釋最大筆的洗費是請外援,在某些地方「攬炒團隊」缺少人手,甚至近乎零人脈,就需要出錢請外援,更形容這是國際線草根化下,缺少政治明星的副作用。
-- 攬炒開始了,但,但攬炒要怎樣? --
香港國安法之下,的確加速了攬炒的進程,但同時亦令攬炒的前路變得步步艱距。「攬炒巴」亦慨嘆,現時的局勢只能見步行步。「香港人都睇到今年5月嘅發展有幾戲劇性:美國已經確定香港無咗自治嘅地位,正式係一國一制,距離取消香港關係法好似只係一步之遙,但呢一步要好似揼石仔咁慢慢邁進。」
「攬炒巴」認為,最終攬炒成功與否,取決於兩大因素,其中之一是國際的支持。他指如果無國際制裁,單靠香港人街頭抗爭,絕對沒有無足夠力量攬炒中共政權。美國若取消關係法,甚至禁止中國公司在美國上市,將會是強而有力的國際支援,對香港先破後立絕對有利,而除美國外,亦需要爭取不同國家如英國、歐盟、澳洲、紐西蘭等等支援香港。
又再套回文首的「政治一日都嫌長」,誰曾想過美國一宗警暴和種族歧視事件,能夠演變成近年最大規模的示威,並演變成騷亂。當然這種演變,或多或少帶著「選舉近了」的背後操作,但亦道出一個殘酷又可愛的事實——民主社會的一切能變得更快更措手不及,說不定特朗普年尾就敗選,「攬炒團隊」和香港人一年來的努力和犧牲就統統如幻影。
「攬炒巴」承認,各國的政治形勢都變得很快,需要小心處理,亦警惕香港人應該要更具有國際視野,小心言論,「而唔係做一個國際Crying Baby」。亦提到除美國外,其他國家對制裁中國都採取曖昧態度,故在看不見對岸的未來,「國際線」仍有無盡的石頭要摸著走。
而國際是否支持香港,「攬炒巴」依然深信取決的,是香港人攬炒中共意志。「如果香港人自己都無同中共決一死戰嘅決心,國際係唔會將中共同香港人區分出黎,亦都冇義務救香港。」他認為既然香港人明白到「當香港失去國際地位,缺少呢份幫助嘅中國同樣唔會好過」,「攬炒中共」已經成為主流時,香港人就更應該咬實牙關,速戰速決。
「政治一日都嫌長。」
他寄語香港人在國安法下,對抗中共的日子絕對不會好過,所以更應該尋找方法,保存並對國際展示香港人的抗爭意志,「執生啦!」
文/胡戩
攝 排版/N
#DBC #DBChannel #加山傳播 #我要攬炒 #攬炒 #光復香港時代革命 #制裁 #林鄭 #美國 #特朗普 #香港國安法 #一國一制