【天使的愛】
☆謹將此文特別獻給令婆婆再展歡顏的天使醫生🌻
兩星期前，她被安排出院，非緊急救護車把她送到家樓下；她，家也不敢回，立即拿著一大叠英文文件，臉青唇白、憂心忡忡前來中心找我.....
https://www.facebook.com/225554364622929/posts/730040620840965/
兩星期後，她心花怒放、笑容滿臉、雙眼瞇成一條線，興致勃勃來上中心，一看見我，立即捉著我的手大叫：「阿肥姑娘呀～我有個好消息話妳知呀！」
「我知道呀～妳份素描報告一切正常，冇事吖嘛！」
https://m.facebook.com/story.php?story_fbid=734612930383734&id=225554364622929
「唔止冇事咁簡單呀！我講妳知呀～天使醫生好好人呀！佢冇收我錢呀！！！！！」
「係？」我回她一個驚喜笑臉，心諗：「天使醫生果然真係.....❤」
她興奮莫名，繼續滔滔不絕：「嘩～天使醫生真係好好人㗎！仲好靚仔添呀！佢解釋俾我聽，話數字啲嘢有時有高有低，叫我唔駛擔心！痛有時可能係因為風濕，我今朝都只係食咗一粒止痛藥，又真係唔係幾覺痛喎！我同佢講話阿肥姑娘成日讚佢好好人㗎！佢果然真係好好人呀！仲好靚仔添呀！妳對我咁好，天使醫生對我又咁好，教會梁小姐帶我去又咁好，真係天父保佑我遇貴人呀！」
我同佢講：「天使醫生真係好好人㗎！不過佢結咗婚兼有兩個女㗎喇！妳唔駛諗喇！」
「係？結咗婚嗱？有兩個女添呀？哎呀～哈哈哈！！」我望著笑容滿臉的她，心想若現在幫她量血壓，一定高過百六，脈搏超過一百！
「阿肥姑娘呀～我應該點樣多謝你哋好呢？」
「唔駛客氣喇！妳嘅笑容就係最好嘅回報！」
得到她的同意，我影了這幅相，送給天使醫生和她留念之餘，現誠意和大家分享～
「影得好靚呀！但做乜遮住我對眼嘅？」
「想保護妳，等妳有返少少神秘感嘛！」
「唔駛遮住啦！我唔介意喎！阿婆我真係好開心呀！」
「唔係幾好嘅！其實齋睇妳排牙已經知妳好開心喇！」
人的一生，總有機會經歷徬徨無助之時.....
假如有人願意向你伸出援手，一切將會變得很不一樣！
「天使醫生，謝謝你！謝謝你幫我助婆婆再展歡顏！」
★後記：我希望盡快把這篇文章寫下來，除了是想表揚天使醫生外，是因為下星期我將在他安排下，和妹妹一起送肥媽進私家醫院接受治療了！
我不知道到時肥媽變成怎樣？我又會變成怎樣？但無論如何，我想告訴天使醫生：「謝謝你在我人生最悲傷害怕、絕望無助之時，默默伴在我旁，抱媽一起走過！」
