關於 真小店 ，我們在網路上蒐集到這些相關的討論、資訊與評價

#真小店 古早味小吃，店面很名副其實，真的很小，中午我常常來這吃一碗大的 #蚵仔麵線，配一盤 #脆皮臭豆腐，真樣的搭配很過癮。
#台南北區 #古早味 #湯包 #彰化肉圓
真小店古早味小吃
🏠：台南市北區成功路120號
☎：0916 357 688
⏰：11:00–22:00

［假裝在河內之假裝在胡志明］事忙，寫下呢啲先。不過無論如何感激各位新Patreon。未join嘅快join　（https://bit.ly/31QmYj7）

1. 實情我幾怕寫嘢食，除咗唔識寫外，仲有一個好大嘅問題：即係我埃汾唔係話好出名但有人識。至怕係寫完就好多人去—而我係最怕多人的。撇除我怕多人呢樣嘢，我亦見過無數咁多次，新開張好地地，到後來必然變劣食，好多店都係咁。咁但又因為食嘅人多咗，廚房出唔切，唯有啲嘢求其，可以預早整嘅整定，況且出咗名，好多客你畀屎佢佢都係咁食（另一方面你可以話香港啲客重感情，或者盲目，任你）。咁使乜做咁好？所以個茅盾就係：明知新開始排到仆街，但都係要趁早食！因為之後就走樣。（由呢個角度睇，其實啲消費者不知幾理性，Efficient Market呀）

2. 況且啲客又煩，一撚二撚個，都係唔屌唔鬆化，欺善怕惡。呢，在日本好地地，個個守規矩，人地叫你排兩個鐘隊你就唔夠出聲，講人地匠人精神。在香港？上菜耐啲又負評你，冇糖水送又叫你搵經理，一年食得一兩次嘅就扮熟客。咁你唔等得嘅，咪求其煮畀你咯。其實想快呢，去麥當勞啦。

3. 當然後來我發現在香港，呢種顧慮係多餘—寫唔寫都係咁多人去。我唔寫亦大把人寫，香港地邊L有隱世食肆架呢！間間都只係奀星扮素人，我見過有私房菜隱世小店在飲食男女賣晒廣告，情況同啲咩短期客串空姐／人妻秘撈但上晒141賣廣告差不多。

4. 而今次呢間主力做外賣，相對地冇咁大問題。雖然都可能多人食多低質素，但至少唔會影響到好唔好坐—反正就得一張枱。

5. 屯門開咗檔咁的嘢，相當不錯。真小店風情。真越南人開。個女仔一睇就知唔似華人（但識講識聽廣東話，雖然都係一聽就聽到唔係華人），但個男仔樣似華人，不過都係一開口就知係越南人。並非任何意見，只係講客觀觀察。呢間夠晒小店風味，舖頭名都冇，亦無招牌。個餐牌係就咁求其print出嚟放在門口的。但，好食！又平！

6. 實情呢，洋腸鍾意住南丫島，泰國人住九龍城，尼泊爾人住元朗（所以咁多乜乜咖啡屋），咁越南人就真係住屯門的。難民營嘛。「早前有單越南三角戀情殺就在呢度樓上」。當然而家已經冇難民營，但cluster嘅嘢，正如石崗啹喀營都冇咗好耐，但啹喀（都係叫 Gur架親切啲！）同啲後代依然住元朗。

7. 本人細個住兆康，對面就係虎地難民營（而家嶺南大學富泰村嗰頭），後來變開放營，我細細個就接觸啲越南人（主要係佬）。呢段故事在我01嘅文有寫（https://bityl.co/4H50）（呢篇文雖則有啲長同亂，但實在係我好鍾意嘅一篇）。當時啲越南佬就買晒啲啤酒（累我冇得買畀老豆，又，當年先唔理你夠唔夠十八），越南妹就…..12個蘋果。自己諗係乜，如是我聞。我後來在越南同啲後生越南人講起以上種種難民歷史，佢地完全不能相信—一方面越南強大，不能接受幾廿年前要偷渡嚟香港呢啲咁嘅地方，仲好似以為我借機踩低佢地國家。另一方面，越共洗腦好成功，學校唔會講呢啲。只得一兩個話我知屋企老嘢有講佢知。（但其實，舊年咪有單越南人偷渡去英國定歐洲焗死咯，越南一樣貧富不均，你去河內胡志明順化峴港會安，唔係農村嘛）

8. 講開呢個「品味」（Bahn Mi嘛），相當好食。賣廿幾蚊咋，真係唔知佢點維皮。不過主力做外賣啦，舖頭得一張枱咁大把。但亦都早收舖，八點半收。其實可以做夜啲。不過人各有志啦，可能人地又覺得你香港人咁辛苦為乜。

9. 味道係相當不錯嘅，Ngon！（＊）至少在香港好似我食過最好的（以前上環嗰間就不知所謂，搬咗Office先鬧）。隻煎蛋更加係冇得頂，不過越南當地反而好似少見整隻蛋。

10. 但當然廢話一句，都係同越南當地食爭一截。唔同嘅，成個配套，同埋心情（例如啲左右飛嘅摩托車）。越南我前後去咗三次，十分鐘意。平，嘢食好，女仔靚。仲想點？東盟十國，汶萊冇去過，菲律賓斷估你都唔會去。印尼有機會去下（朋友都係負評多，但我去睇婆羅浮屠同埋科莫多龍）。去過嘅七國中，就係最鍾意越南。

11. Oh by the way，見到越南人，唔好同佢講「不漏洞拉」。雖然呢句係香港四十歲以上人人都識嘅越南話，本身亦冇特別冒犯性（原意係「從今開始」），但嘛，冒唔冒犯呢啲嘢，係睇對象覺得的。你可以話Chinaman 「本身」都冇冒犯性架，但對方覺得有咪有。正如納粹敬禮「本身」都冇冒犯性，眾多反猶嘅字（唔敢寫，怕畀Facebook ban）「本身」都冇冒犯性的。正如黑人自己可以叫自己或自己同類做n，但你叫就係冒犯。正如Yid（呢隻字出得啦掛！），猶太人講就得，你講就唔得。聽講仲要分長短音先冒唔冒犯，我真是醉了。

（＊）Ngon，讀「安」，好食咁解。不過聽聞對住女仔講就變咗「你好索」，是相當不禮貌的，你可以試下問越南朋友。

-------------------------------------------------
Ivan Patreon，港美市場評點，專題號外，每日一圖，好文推介。一個月一舊水唔使，三個月已近700人訂！仲有免費試睇：https://bit.ly/31QmYj7

-------------------------------------------------
instagram @ivanliresearch．七成金融（短打）兩成嘢食一成其他嘢。

-------------------------------------------------
【李聲揚課程】題目:「美國大選全攻略」 影片/課程編號：CC011 費用: $400

由基本嘢講起，邊個會贏，民調準唔準，幾時有結果，冇乜時間嘅睇邊幾個洲。仲有邊個黨對股市好，侵侵連任股市又點，拜登上台又點。咩時間買。同埋最重要，買乜股。

出售平台(有埋影片簡介)：https://bityl.co/4FHC
付款及收看步驟：
1/點擊報名收看 [影片/課程編號：CC011
2/利用信用卡網上付款
3/及後有登入資料可以立即收看
查詢：whatsapp 63832145

超巨型三文治🌟 #良心小店💛
#週末好去處 去左西環一間隱世嘅真小店有驚為天人嘅三文治，價錢超平民！貼地！性價比超高！呢個 #超幸福三文治 有齊炒蛋、午餐肉、芝士、火腿、青瓜、海苔都只係55個大洋就可以食到🤩

圖一正面睇落嘅量只係一半嘅份量，背後仲有另外個半份三文治啊！當tea time咁食係會食撐，晚餐都要延後了🙈

講講個味道：炒蛋摻雜啲芝麻同胡椒，口感同味道都豐富了！午餐肉都好厚，芝士分上下兩層超邪惡～青瓜好加分令口感清爽咗，最後海苔係輕輕點綴咗成件事！而值得一讚係用上烘到好脆嘅麥包，三文治最基本嘅烘底都做得好出色👍🏻

佢地主打嘅單品咖啡都有好多種類，而我就揀咗玫瑰少女咖啡($45)，玫瑰味好香🌹 另外一杯係納華度($60)

溫馨提示：小店座位唔多！但食物同咖啡都係好值得一訪嘅，食完再漫步去西環碼頭睇個日落就完美啦🥰

幸福單品咖啡📍
地址: 西環西營盤英華臺1-6號華輝閣地下1號舖

西環真小店 美食 大麥牛肉麵 自家招牌紅燒牛肉蕎麥麵 濃香湯底牛味鮮香辣 麵條彈牙有嚼勁
今年主打本地餐廳
西環新小店
大約3月開幕,小店形式,16座位,幾乎天天滿座,已經深得當地吃客支持
沒有宣傳,外區人幾乎不知有這名號的存在
小店老闆一手一腳自家秘製湯底與麵條
目測食客都係大學生,家庭客為主
湯底濃而不油膩,隱隱中散發牛骨香與藥材味,色深帶辣
辣度不是令人即時麻痺好口喝,一會辣味就會自然散去,應該沒有下味精,抵讚

今次點了一碗招牌紅燒牛肉蕎麥麵
要辣,配料全要,食一碗標準出品 $58
另外一客滷味雞腿飯 $54
另加滷水拚盤,皮蛋豆腐
蕎麥麵熱食係日本都食過,與一般涼拌食法有不同,麵身會比較軟,食得出麵身既香味
麵身夠粗,掛到湯,滷牛肉份量都不少,有5-6片,薄身切,好入味
桂花薄荷酸梅湯解辣一流
滷水拚盤有每款有2件,滷蛋幾入味
滷水味道相對比較輕身,無一般既咁濃咸
皮蛋豆腐 配上醬汁拌吃,開胃小吃之選
小店老闆娘有禮貌又親切,加油!
#西環美食
#牛肉麵
#香港小店

西環真小店 美食 大麥牛肉麵 自家招牌紅燒牛肉蕎麥麵 濃香湯底牛味鮮香辣 麵條彈牙有嚼勁
今年主打本地餐廳
西環新小店
大約3月開幕,小店形式,16座位,幾乎天天滿座,已經深得當地吃客支持
沒有宣傳,外區人幾乎不知有這名號的存在
小店老闆一手一腳自家秘製湯底與麵條
目測食客都係大學生,家庭客為主
湯底濃而不油膩,隱隱中散發牛骨香與藥材味,色深帶辣
辣度不是令人即時麻痺好口喝,一會辣味就會自然散去,應該沒有下味精,抵讚

今次點了一碗招牌紅燒牛肉蕎麥麵
要辣,配料全要,食一碗標準出品 $58
另外一客滷味雞腿飯 $54
另加滷水拚盤,皮蛋豆腐
蕎麥麵熱食係日本都食過,與一般涼拌食法有不同,麵身會比較軟,食得出麵身既香味
麵身夠粗,掛到湯,滷牛肉份量都不少,有5-6片,薄身切,好入味
桂花薄荷酸梅湯解辣一流
滷水拚盤有每款有2件,滷蛋幾入味
滷水味道相對比較輕身,無一般既咁濃咸
皮蛋豆腐 配上醬汁拌吃,開胃小吃之選
小店老闆娘有禮貌又親切,加油!
#西環美食
#牛肉麵
#香港小店