Search
的士佬呢，就一定唔會改嘅
你諗下做乜要改呢？
用得app愈多，揸得愈衰，愈揀客
你諗到嘅仆街嘢都做
呢啲司機搵嘅錢就最多
白痴先講好態度
aka 我
淨係講手機問題，點可能要求自律
一定係政府從平台本身監管
好似捉精靈咁過咗某個速度就用唔到
叫Van叫外賣叫的士一律如是
都可能有啲用
不過，政府唔會做
市民唔會罷搭，上到車見到一車電話，你咪又係照搭
唔好講咩你好耐無坐
我哋夠好耐無坐黨鐵無食美心
無用就係無用，真相就係咁殘酷醜陋
業界好差，的士司機有責任？
笑死，香港夠好差，點解你唔切腹呀
成個爛制度放喺度，引申出種種情況
唔怪政府，唔怪運輸署，唔怪車主車行
去怪完全無議價能力嘅司機
香港人抗爭失敗唔係無原因
講到尾，我係嚟帶流量的
愈多人鬧嘅post愈多人睇
香港好多嘢都係運作得咁反智
有啲事有留意，有啲事無為意
的士上嘅事，就係社會上嘅事
請不要無力，因為大家其實好忙
必須要坦白，自從九十年代尾二千年初出黎社會做事，就開始唔係特別鍾意蘋果嘅新聞報導模式。不過作為一個殖民地時代前後成長嘅香港仔，可以好肯定咁講，蘋果日報，無論新聞、財經、娛樂、專欄、副刊甚至波馬也好，或多或少都係伴隨我地呢代人成長。所以嗰份感覺好似一個從小認識但唔相熟嘅中學同學突然離開咁，如果話悲傷就太矯情扮嘢，不過係一份避唔到嘅可惜同有點失落。
發覺網絡上好多香港人覺得係香港未日，新聞已死，步入黑暗等等，隔咗半個地球都感受到嗰種無力感，彷彿從今天起就什麼都無嘢可以做到。
從來都唔鍾意賣情緒散播無力感，相反，蘋果日報停刊我唔相信係香港未日，更加唔代表新聞已死，所謂嘅「無力感」只係短暫嘅集體氣氛，事實上大家仍然有無限咁多空間，可以做好多嘢，可以好忙㗎！
失落、傷感總會有，但無可否認，我地多年黎嘅心態的確出現咗好多問題，間接令大家好容易感到無力。所以係咪可以借呢個機會「白事」當「喜事」去思考下之前有咩問題？
老實講，由九十年代開始，香港嘅食買玩即食文化，揾錢至上缺乏文學藝術修養，無國際視野（只有大中華視角）已經影響整個報紙傳媒生態，咩人睇乜嘢，咩社會做就乜嘢傳媒，如果話「新聞已死」嘅話，於個人而言...死咗好耐。然後，唔知幾時開始，香港嘅傳媒就帶起咗標題、口號、表態、畫面，但缺乏細節嘅論述模式，呢個現象延伸到網絡同依家嘅社交媒體時代。
呢個現象（同後果）係我、你同大家都有份營造出黎，唔應該亦唔可以賴誰，衰啲講係共業。去到依家咁嘅環境，失落過後應該借呢件事去集體面對下之前嘅不足，好老土咁有則改之，無則加勉。
進入咗網絡時代已經好耐，只要有心唔會無新聞或者真相，哪怕係戰亂或者極獨裁國家（例如緬甸或者伊朗）都總有唔怕死嘅記者報導，問題係大家肯唔肯唔靠社交媒體，直接去各大國際傳媒去睇。什麼假新聞當道，唔知信邊個，笑話！同一單新聞可以睇幾個國家，唔同傳媒嘅報導。擔心英文水平唔得，咪順便練習英語閱讀囉。一次過提升香港人整體英語水平同國際視野，邊個夠膽話長遠無用？
一個地方嘅報紙其實就係反映當地文化，所以大家唔係純粹靠買份報紙支持，而係長遠思考點樣支持香港文化。唔洗諗得太文藝，電影、音樂、文字、攝影、畫畫、就算網絡創作都係文化嘅一部份。唔好覺得無用，講個關於英國人五六十年代對國民身份迷失嘅真實歷史比大家知。
經歷戰後重建，五十年代英國經濟雖然回穩，不過迎來嘅係蘇伊士運河危機，被盟友譴責遺棄，各個殖民地嘅獨立運動興起，英國人真正要面對帝國沒落，然後經濟回落，英鎊國際地位受挫，執政保守黨唔長進，全國直情要接受自己係「廢國國民」。
响呢個時候，利物浦就出現咗一隊樂隊，無錯喇就係Beatles，純流行音樂，結果响六十年代中做就"British Invasion"，入侵美國繼而全世界。佢地就為英國帶黎超大嘅經濟利益，連英鎊都帶動埋，如果話救咗個國家同民族一啲都唔誇張。Beatles初期係無政治立場，不過一隊band帶動國家經濟，搞到當時嘅工黨首相Harold Wilson競選都要做攝石同佢地合照，影響政府嘅匯率政策。同時"British Ivasion"帶動整個英國創作工業向國際再一次輸出差啲變廢國嘅英國文化，而英國人就揾返自己嘅身份，。
所以，邊個話流行娛樂唔係文化？再深入啲講，Beatles當年無立場，無嘢要大大聲表態，但由佢地帶動嘅其他產業參與者呢？七十年代點解John Lenon响美國咁有政治影響力？即係咁，大家好憎TVB，但憎唔憎「天與地」，ViuTV算唔算中資，咁格仔Mike導呢？再遠啲，大家恥笑陳奕迅，咁佢唱林夕嘅詞有無影響力？
大家排隊賣報紙嘅時候，有無諗過將來點樣用嗰每日十蚊支持其他香港文化產業堅持緊嘅朋友？賣份報紙都未必由頭到尾睇晒（死唔信個個都連波馬經廣告都睇埋），咁可唔可以用同樣嘅寬容心態對待其它本地文化產業，就算有些少唔啱心水都揾可取之處企硬支持呢？有無諗過每日50萬份xHK$10第如幾多票房，幾多本書，幾多隻CD等等？香港人口雖然少，但勝在平均消費力異常強，勁過好多國際大城市甚至國家㗎，有無好好利用？
點樣無力感法？好忙喎，至少我都病都仲做緊，休息下瞓醒，又一日啦，朋友！
#有緣再會
https://www.patreon.com/posts/bu-zu-liang-nian-50631740
本來一眾飯民因為天真相信中共臥底沈旭暉建議參加35+奪權計劃被一網打盡，唔少搞到身陷囹圄，我都廢事落井下石，點知因為一堆黃屍媒體趁人唔覺想篡改歷史，迫我又要拎番舊事出黎考古一番（其實一啲都唔古，不過係幾年前嘅事，但香港人嘅金魚腦已足以失去哂所有記憶）。
話說早排垃圾會極速兼壓倒性大比數通過財政預算案，一眾黃屍媒體如囚新聞、垃場之流就開始尻吹講到當日飯民仲未被掃地出門之前，響垃圾會擔當反對派有幾咁威水幾咁有用。
好彩都有醒覺之士提醒班呢班傻尻，飯民從來響垃圾會無佔過半數，根本無權否決財政預算案；更加唔駛講民主黨、莫奶肛、梁繼昌同葉建源之流，唔止一次響財政預算案投贊成票幫政府護航；黃碧雲更加同響財委會同陳健波打龍通，夾埋飯民冤孽議政幾個議員主動提議縮短打鐘時間，協助政府剪布，呢啲史實深黃傻尻當然扮睇唔倒。
當然深黃傻尻都仲會死撐：「咁當日仲有飯民響度果陣，都起碼有人會鬧下政府質詢下政府，等市民關注下件事額！」哦，原來係咁，咁而家鄭松泰議員咪響議會做緊呢樣嘢囉，你班黃屍狗仲唔多謝熱狗留守議會為民請命？
但飯民最離譜嘅事仍然仲有大把未比人講。好似去到今日應該無乜人記得，當年2015財政預算案，當激進派打算拉布阻延審議、瘋狂點人數之際，飯民就曾經同建制派聯手共編更表，由建制派出24人，飯民出11人，務求令到審議財政預算案果陣必定夠人，最終成功圍剿「拉布三子」，令政府順利通過法案。
有趣嘅係，而家你去GOOGLE經已搵唔番當日嘅報導，結果搞到我只能夠引用譚香文網站嘅文章──點解？站在藍屍媒體大公文匯角度，飯民肯配合為政府護航打擊激進派自然係美事一件，當然唔會特別提；站在眾新聞蘋果角度呢？呢啲係家醜，就算報完最好都急急刪Post，搏班金魚蠢黃隔多幾個禮拜失憶唔再記得件事。
正正因為黃屍媒體同黃標KOL嘅刻意淡化同隱暪，將飯民美化成議會入面嘅抗爭英雄，呢種手法同而家共慘黨話97金融風暴全靠中央打救嘅歪曲史實係同出一轍；所以你班黃屍狗唔好再問我點解成日提住飯民啲衰嘢唔鬧共慘黨，因為你共慘黨有幾衰，你同我都知，飯民有幾衰，你卻扮唔知，每隔一排提番件事，就係要摑撚醒你班柏金遜廢老。
