【豆姐發脾氣，話我睇完復仇者唔同佢討論劇情…】
女仔會發脾氣嘅原因，男人永遠都捉摸唔到。
就好似前排，睇完復仇者之後，一踏出戲院我同豆姐都忍唔住立即去廁所。
我去完廁所出嚟，見豆姐仲排緊隊，就好興奮咁喺Whatsapp Group同班兄弟講：「睇完！可以討論了！」
一討論就傾唔停，連豆姐出咗嚟我都唔知。
當我感受到佢嗰陣殺氣，就好似滅霸啪完手指一樣，一切已經太遲了。
「你根本唔尊重我！」豆姐。
「點會啊？！I Love You 3000！」
「你每次都淨係會同朋友討論劇情！都唔同我討論嘅！」
直至我地去食飯，豆姐全程一粒聲都無出過…
「咁啦，我地而家討論啦～」我。
「你都唔係第一時間同我討論！」豆姐。
「咁我頭先睇完好興奮，急不及待嘛…」
「你次次都係咁，上次睇完《權力遊戲》又同班兄弟討論！我坐喺你隔離都唔同我傾！」
「上次？！我、我地一邊睇一邊傾咗囉！而家我地仲可以一邊食飯，一邊討論劇情～幾開心啊！」
「唔傾喇！你唔係第一個同我討論，已經無意義喇！」豆姐。
我實在唔明白女仔嘅心理，點解連討論劇情都要爭第一…
不過我問返其他人，原來好多女仔都有呢種心態，想自己男友有咩事都即時同佢討論，就連大便唔暢通，都第一時間可以同佢講。
不過現實係…男同女嘅興趣，有時真係差好遠。
有一班擁有共同話題嘅朋友，係一件好爽嘅事。
睇戲口味又夾，打機又可以一齊玩，成班兄弟落酒吧睇波，嗰種感覺真係爽到不能言喻。
為左撲滅呢場災難，我應承咗豆姐，《權力遊戲》嘅結局，一定要同佢一齊睇，然後第一時間同佢討論！
不過…
第二日我就收到兄弟Group嘅訊息…
「喂喂！2019年7月24日晚上8時喺香港大球場，傑志對曼城！不如買飛一齊去現場睇？」
「正喎！我嗰日請病假唔返工喇！」
「睇完波再食宵夜！正！」
「橙，咁你去唔去啊？而家有得買飛㗎喇！」
「我…要諗諗先…」
「唔係嘛？！仲諗？幾年一次㗎大佬！」
「我要問下我老婆…」
「痴線咩，係拎咗三冠王嘅曼城啊！佢哋嚟香港啊！仲問咩啊？！」
「咪係囉！你帶埋佢去睇咪得囉！」
但我知道，豆姐根本唔鍾意睇波。但我又驚佢嬲我淨係同班兄弟Happy，忽略咗佢感受，佢會唔開心。於是，我返到屋企就以五體投地嘅跪拜方式去請示豆姐：
「你咪去囉，唔使預我。」豆姐答得非常乾脆。
「真係？！」
「係啊，反正我都唔睇波，我都知道有班志同道合嘅朋友一齊討論係好開心。正如我都會同朋友討論韓劇，但你連角色都分唔清，幾無癮。」
「但妳之前又嬲我無同你討論嘅…」我。
「因為難得我同你都有共同興趣嘛～」豆姐。
「其實我都覺得妳會陪我追美劇，又幾乎識晒所有英雄，好幸福㗎～至多我下次同妳討論完，先同班朋友討論囉～」我。
就係咁，我成功得到豆姐嘅批准，2019年7月24日，夜晚20:00！約埋班兄弟一齊去大球場睇波！
活動詳情：http://bit.ly/2J3Rz5Y
睇波活動 在 睇波活動- Explore 的推薦與評價
唔知各皇迷對打吡賽果滿唔滿意呢？ 球迷會尋晚受西甲賽會LaLiga 邀請參加國家打吡睇波活動。睇相就知喺西甲香港 ... ... <看更多>