移民？你真的準備好了嗎？
話咁快又過咗一個禮拜，由上次去完台中法院到今日，幾乎每日都被同事安排2-3組唔同既朋友做網上面談。
面談D乜？主要都係為準備移民台灣既朋友分享多D真實在地資訊，問學校既佔多數，其他大家最關心既都係住宿問題、交通、生活上細節等等。
相信大家如果選擇移民台灣前都一定嚟過旅遊，有好多人都話移民嚟台灣生活同旅遊係完全兩回事，最好就足夠了解清楚台灣後先移民會比較好，但係到底點樣先叫足夠了解呢？又要用咩方法呢？
有人建議最好先旅居，先住返一排感受下實質既生活感覺，有用嗎？我身邊都有認識朋友嚟住過一個月，租咗一間細細既短期套房，兩公婆租部棉羊仔日日週圍行下，住到第二個星期就開始有D無聊啦，得閒就whatsapp里奧去飲下茶吹吹水，咁到底旅居又體會到D咩？
朋友話幾好呀，行下街市超市，得閒又睇下樓行下公園，揸住部電單車週圍遊下，幾爽呀。
里奧又有疑問啦，咁如果真係移民嚟台灣係咪日日週圍遊呢？係嚟退休？還是要搵食呢？如果以投資創業性質移民，又要滿足移民條件，又要搵食，仲係咪真係咁爽呢？🤣🤣
里奧都係過來人，就憑旅遊又點可能知道呢個地方適唔適合自己，就算旅居又如何？係咪唔洗搵食先？依家除咗用依親、專業人仕和結婚之外，其他都要投資創業做生意去滿足移民條件，難道旅居一下就識做生意？還是睇多D片，聽多D港人分享台灣生活就搞得掂？
台港聯婚 退休港人 留台僑生 全新移民？
我都睇過好多分析，大家提供既生活意見都好好，但邊種先適合你？咁就真係等你嚟到先知。
破釜沉舟 絕不回頭
要移民就當然要好好計劃，依家里奧係台灣已經算落地生根，就不停提醒別人移民前先好好計劃，但諗返自己一家當初又點？仲要一家四口衝動式移民，真係有好好計劃嗎？答案係：冇
冇？完全冇計劃就走？著草式登陸台灣？😂咁又唔係咁離普既，不過正所謂計劃不如變化，特別係面對一個陌生地方，可變化既事本來就好多，就算你認為自己又幾完美計劃都好，嚟到實地都一定面對唔少新挑戰，里奧呢半世人做野都好心急衝動，對每件事初部了解只要有50%成功機會就會去開始，亦好少會考慮自己有冇能力去處理，所以當初由決定移民到辦手續，再到搬曬全屋超過150箱野正式離開都只係用咗5個月時間，對里奧嚟講當時最大既考慮就係得到父母同意，其他考慮就冇太多了，一走了之，頭也不回一下。
前無去路 後有追兵
有多年老友問里奧意見，是要離開還是留低，呀…應該係是要現在離開還是先留多一陣睇定D 先啱，講真 有邊個可以有答案，里奧有位多年同行老友早係一年前就決定移民台灣，但因為各方面的因數就要明年先可以離開，點知台灣政府一個新投資移民政策就打亂咗佢之前既計劃，再加上依家對新法例政策未明，就算決定咗走都未知幾時先走得。
呢個禮拜online面談時都覺得香港人好有勇氣，大家本來要去面對一個全新環境就唔容易，依家仲要後面有咁多預計唔到既變數，為咗生活，為咗下一代，里奧真係越傾越有感觸。聽日好似蔡英文總統就會公佈港澳條件會點安排，希望一切順利，明天會更好。
呢個專頁偶然都會煩惱要寫咩文章分享，但最後都係想分享下自己既真實感受。工作又好，生活又好，雖然未必實質可以幫到大家D咩手，但里奧始終覺得實際體會到咩就寫咩就夠。
香港人加油！
#里奧叔叔
#明天會更好
#以上衝動並不代表本台立場
短期套房 在 台北小巷弄/長短期。套房出租| Taipei - Facebook 的推薦與評價
台北小巷弄/長短期。套房出租， 台北市。 8708 個讚· 17 人正在談論這個· 1 人來過這裡。捷運雙連1號出口http://taipei65.blogspot.com/ 歡迎來台北旅遊的朋友長短期 ... ... <看更多>