雖然天氣開始冇咁涼，不過只要你愛上行山，就算天氣再熱，都無阻你行山嘅決心💪🏼因為上次去藍地水塘覺得太靚，所以我哋就想搵多啲唔同嘅水塘嚟行，今次我哋就去咗「石梨貝水塘」，今次呢個都算易行，不過路程就有啲啲長，中途仲會見到馬騮添呀🐒。
我哋之前就已經行過城門水塘，今次都係搭小巴去到城門水塘，不過就落車向右邊車路行，留意平日行都幾多車出入，其實一路行，都會見到有好多人出返嚟，我哋之前行城門水塘就會係呢條路出返嚟，我哋就相反方向入。
行到咁上下，就要留意，因為真係會行錯，而我哋就係跟住 google map 行😂不過其實留意指示牌，見到「九龍水塘」嘅牌就啱，因為去九龍水塘同去石梨貝水塘係同一個方向，之後就會進入山路，有沙石路，都有樓梯，沿途都有啲樹陰，不過去到後期，又會變返石屎路，就真係曬到媽媽不行了🥵
跟住行下又行下，我哋喺不遠處見到個以為係石梨貝水塘嘅地方，點知原來唔係🙈仲miss埋個入口，嶠爸睇 map 先搵到，不過細心留意其實有個牌，不過我哋冇留意🙄就係寫住「石梨貝水塘緩跑徑」！跟住呢到先係重點，就係上完啲好難行嘅樓梯，再上超斜嘅斜路，斜到嚇死人，跟住就會聽到流水聲，沿路行到尾，會見到有左右兩條路，兩條都入到石梨貝水塘嘅！
我哋揀咗右邊入，跟住圍住石梨貝水塘行一個大圈，先去到藍色橋，嗰到欣賞石梨貝水塘係最靚㗎！而圍住水塘行，會經過一個小竹林，影相都好靚㗎😍藍色橋嗰到影相好靚，行過藍色橋其實有個位可以走，不過嶠爸話啲路唔適合小朋友行，所以我哋就行埋個圈去返沿路走！
之後落返嚟石屎路，繼續行就會見到「九龍水塘水霸」，個景觀都好靚🥰留意水霸好多車輛進入，大家要小心，行過水霸繼續去，就可以出返大埔道，有兩架巴士可以搭返出去，而喺巴士站隔離，就有幾隻馬騮，佢哋都幾惡，所以我哋都貼住巴士站等車，唔敢行近❌
🚌點去石梨貝水塘🚌
我哋係荃灣搭82號小巴，城門水塘總站落，不過唔係上城門水塘，落車之後向右邊行。
✨大埔道走，搭72號/81號巴士走。
❌中途係無補給站❌
難度：2.5⭐️
長度：約8.5公里
時間：約3小時 (因應個人速度唔同都會唔同)
#行山記錄 #石梨貝水塘 #九龍水塘水壩 #親子行山記 #親子行山好去處 #初級行山路線 #芊嶠與劻霖行山日記
石梨貝水塘小巴 在 (神農之旅）安蔭邨行山至城門水塘小巴總站- YouTube 的推薦與評價
石蔭一額汗@多doll學神考泊位調頭2020. Winnie Chan•14K views · 9:46. Go to channel · 石梨貝 1995 (下). Patrick Chong•47K views · 8:47. Go to ... ... <看更多>