讀者投稿《神隊友VS顛老爺奶奶篇》
我有一對好顛既6299。
當年佢地話去x國過暑假,我大b未夠2歲,佢地就問可唔可以俾佢地去x國湊2個半月?小朋友2歲都無,點可以離開父母咁耐?我知佢地其實係想曬命可以湊孫周圍去。
我當時陀住細b 26週,唔想粗身大細坐飛機,所以佢地知我係一定會留係屋企。
隊友好直接拒絕左6299既要求,因為佢2個生活習慣根本係顛。可以夜晚11點開始打邊爐 4、5點先瞓,瞓到下午2點先起身再去食下午茶。
難道一個2歲未夠既小朋友就要跟佢既生理時鐘?試過俾佢湊一次咁大把,原來佢8點是旦倒杯奶俾我小朋友,自己繼續瞓到12點,叫佢睇ipad 幾個鐘。
隊友拒絕佢地之後既每日,係每日幾十次不停問我大b要唔要一齊去旅行,佢地仲同我大b講:
“媽咪有左bb唔要你唔錫你架啦,你跟嫲嫲走啦“
到去機場個日岀門口之前,仍然問要唔要一齊坐飛機,攪到我大b以為以後都無得見,喊到死去活來咁。。。
然後係翻泥之後第一句對住我講:
“做乜事我粒孫瘦左咁多架?你有無俾飯佢食呀?肯定係掛住嫲嫲所以瘦左“
但我小朋友由細到大都係米芝連bb,係人都知佢食得瞓得。佢地永遠對人不對事,佢地就可以入屋唔除鞋,如果我入屋除鞋慢d都有説話聽:
“我抹完地” “好辛苦” “你又唔除鞋通屋走”
佢地半夜三更食完宵夜唔洗碗唔執野就係為人著想費時嘈醒我地,換轉係我地就會黑哂口面話我地做乜唔洗碗。
因為佢地夜瞓,所以朝早任何聲音都係嘈音,但佢地半夜就幾嘈都得。試過我房聽到佢地講電話,煲劇,食宵夜。
因為佢地長期唔洗碗屋企有小強,佢2個仲話唔好殺死d小強因為太殘忍,由佢地自生自滅,而我小朋友試過差d食落肚,好彩我見到喝停佢。
洗完衫永遠唔晾,幫佢晾完永無唔該。晾完又唔收,可以掛足2星期。幫佢收又話我做乜掂佢d衫。唔收又話我唔做家務,總之就龍門任佢搬。
成日要拜神,乜節都要拜,去完夜街又要拜,仲成日迫我地餵保嬰丹,試過買10盒翻泥叫我地餵,但其實我根本唔鐘意餵呢d中藥成份野俾我小朋友。
好彩已經搬走左,再一齊住落去真係會顛。最正既係好多隊友會俾🔐d 6299激死老婆揾山拜。
但我6299直情連我地住邊都唔知,煩請大家俾個like我隊友🙏🏻
#神隊友唔俾老爺奶奶知住邊
#退一步海闊天高
#我的極品四大長老
Search
神隊友唔俾老爺奶奶知住邊 在 我的極品四大長老- 讀者投稿《神隊友VS顛老爺奶奶篇》 我有一 ... 的推薦與評價
... 住落去真係會顛。最正既係好多隊友會俾 d 6299激死老婆揾山拜。 但我6299直情連我地住邊都唔知,煩請大家俾個like我隊友 · #神隊友唔俾老爺奶奶知住邊 #退一步海闊 ... ... <看更多>